設計，設計

去年五月初，駱惠寧為咗支持一個新聯盟嘅成立，就好有心思咁用報紙呢個媒體提咗幾隻大字。唔知係佢辦公室交晒成個設計稿畀報社齋印個 locked pdf file 吖，抑或係嗰份報紙個設計部有心，我第一眼瞄到有張大頭相，再加埋如此品味嘅排版。You win！

不過呢個設計都係成功嘅，吸引到比預期更多嘅 audience，去評頭品足。利申我對設計嘅概念只係一條鐵，不過 as a picky reader，我就想找找碴。

「」或者 “” 係肢體動作中嘅 air quote。用兩手食、中指同時舉起至雙耳旁然後伸直卷曲伸直再卷曲。老美劇《Friends》都有一集係講其中一低B仔 Joey 唔明白 air quote 嘅挖苦、諷刺或一語雙關用法。

我眼掃描快過腦過濾。第一眼見到嘅係「一國」之間好寬鬆，「兩制」之間無位走無氣抖。然後個腦就諗點解駱先生會用公務身分嚟賀人埋堆呢？呢個大聯盟如屬本地政治組職，駱先生此舉係咪唔夠中立？定係高調地衝出嚟話畀慣用繁體字嘅人知，佢同該該煨組織係同一鼻孔出氣？

引《官場現形記》四十回：

你們一個鼻子管裡出氣，做的好事情，當我不知道。

人以群分。所以我非常支持萬分期待重未現形果啲，刻日霸返個靚位爭取一齊埋堆、擺堆。

屙篤屎都真係香啲。絲竹之音麝蘭之氣，真係羨煞旁人呀喂。

結義後就希望可以同年同月同日死。唔係咒人去死，只係太敬重佢地老而彌堅，品格情操高尚超然，有如當日關羽張飛劉備趙雲，趙雲咁先有張內部認購嘅飛去睇《三結義》呢場秀咋。

有生之年，請堅持一鼻孔出氣到一酒店出殯，唔該。

咦，都成年幾啦，係咪我對時事敏感度低，所以唔見嗰堆當初大鑼大鼓剪綵嘅上流貴族有乜實質搞作嘅？

亲，在細閱過後，請給我的手掌來幾個 high five 吧。免費計劃的用戶不是個藉口。只有這樣做，我才能在月底賺取一點幫補。還沒有亦不打算再找同類型的工作，說肺話就成為唯一又微薄的收入來源了啊，亲。