港元美股證券行

分享一下現實操作，如何買美股!

今天買美股十分方便，百貨應百客。如果唔想麻煩，香港銀行D綜合戶口已經可以買美股，中佬未試過，印象中買賣手續費十分高，每次$100以上，如果一年一單半單，可以考慮。

第二選擇係香港證券行，可以係美資（差唔多全球）、中資、港資（乜仲有港資證券行），本地方便在有地址，廣東話，有時有些推廣優惠等。

最後是純美資，美國本土，香港無分行，一切手機、網上、電話運作，科技進步冇需要面談及簽名。

選擇三種，可以考慮埋倒閉賠償，香港的每人只可以最高攞返HK$500,000(於2020年生效）。美國戶口就係US$500,000。可以根據風險去考慮，相信一般投資者足夠。

下一考慮就係手續費，大致上係：銀行>本地證券行>美國證券行。如果交易不多，又想簡單，銀行係方便D。美國有些證券行更加係免佣金，如果時常交易，免佣可以慳返很多。

再三考慮就係孖展戶口，如果唔借錢可以不理，借錢就要考慮息口，愈低息口愈好。以中佬所知，IB係最低息，大約1.5-2%，真係無得輸。其他就5-8%，差IB很遠。很多師兄分享過，IB槓桿可以增加收入，息差有10%，唯一怕就係發生今年三月，債價大跌。如果正常市，這份息差收入十分好。

最後比較一下出入方法，買賣美股用美金，咁樣就有滙價分別，如果方便嘅話，銀行、本地行可以香港入港元轉美金，美資就要電滙美金，當然頭二者方便很多，而且慳返電滙，呢筆數都唔少。

最後，中佬推介IB>FT>本地證券行>銀行，大家考慮一下。