看更幸福論/保全幸福論
本篇由廣東話寫成,因為會寫得比較傳神。另外我也想試試口語還是書面語的表達和大家的感覺。看完兩篇一定要分享一下你的看法!
書面語的版本在下面
![](https://assets.matters.news/embed/594e97e7-fd89-4225-8e03-87c895721405.jpeg)
看更係一份「神聖」嘅職業。他地負責守住你棟大廈嘅門口,又會定時巡邏,保你家宅平安。呢個職業最神聖的地方往往係佢嘅工作內容只不過係無所事事又一日,但又唔知點解好似不可或缺咁。正因為佢無所事事嘅工作性質,吸引咗唔少老一輩加入其中,過下日辰。咪以為無所事事即係俾佢地發吽竇呀!瞓耐咗你都悶啦。佢地閒時都會幫你開下門,講聲早晨咁(為咗新年封利是又話你聽咩!?)。除此之外仲會默默睇住你大,睇住你壞。衰啲講句,除咗你老豆老母外,看更分分鐘係你一日見得最多次嘅人——出門口一次同埋返歸一次。我喺面對呢個熟悉嘅陌生人,有時真係唔知點面對好,唯有笑笑口講返聲「早晨!」,懶有禮貌咁。直到有一日,個friend同我講咗個故仔⋯⋯
我個friend係一個幾無安全感嘅人。佢無安全感源自於佢失敗嘅初戀。自從初戀之後,佢就開始接觸交友App,男朋友換完一個又一個。唔是講笑,數埋數埋,一年間佢都換咗五條仔有多。每次換咗條仔佢都會好快帶條仔上屋企,ermmmm做咩就唔講啦。終於,經歷過重重難關後,我個friend終於拍到長拖啦,亦都無再嗱嗱聲夾條仔上屋企嘅情況。拍咗成年拖之後,佢終於帶條仔返屋企。係送完條仔走之後,我個friend行返屋企等𨋢個陣,個看更無啦啦同佢展開對話。
「呢個係你新男朋友?」
「係呀。」
「呀妹呀,呢個男人唔啱你呢…….」
呢個看更由細睇到我個friend大,好似佢個契媽咁,同我個friend一家都好熟,大時大節都會送下嘢咁。每逢佢帶新仔返屋企個陣,個看更都會八卦下。講起就有啲怪,每次我個friend帶男朋友返屋企,個看更都會「提醒」我個friend呢個人唔適合佢。我個friend每次都只係尷尬地笑 : ),然後繼續痴實條仔。拍拖嘅嘢,邊到其他人說三道四。我有我甜蜜,你有你啜核。本來外人就唔應該對你嘅感情生活多加意見。有一次,我個friend真係頂唔順個看更,因為佢真係真係好愛依家個男朋友。
「你又唔識佢,點知佢適唔適合我啫!唔好咁多事啦!」
然後佢就嬲爆爆咁走咗,只淨低面不改容嘅看更係個櫃枱度。不出看更所料,我個friend好快因為條仔對佢唔上心而分咗手。我永遠都忘記唔到佢個晚喊到個妝花晒嘅鬼樣……
![](https://assets.matters.news/embed/cde31505-a367-44ab-8c2d-bd2b88207ed2.jpeg)
今次分手之後,我個friend有好一段長時間無再搵散拖拍下,生生醒醒專心做人。過咗幾個月之後,佢係做義工個陣識咗現任。呢個現任真係對佢好好,處處都照顧周到,係一個100分嘅好男人。每次提起佢男朋友,又或者佢自己覆緊人message個陣都會春笑到停唔到,直頭係幸福滲漏嘅感覺。佢自己都話收穫呢個男朋友係佢幾身修嚟嘅福氣。
今次佢帶現任上屋企嘅時候,個看更無再講咩,搞到我個friend有啲唔慣。一次如是、兩次如是……「點解佢唔再對我嘅男朋友評頭品足?唔通佢唔知我有男朋友啦?」呢個疑問係佢心入面縈繞不散。有一次我個friend 終於頂唔順,帶男朋友上屋企個陣特登係個看更面前放閃光彈,希望搏到佢注意。佢眼尾𥄫一𥄫看更,淨係見到佢笑笑口咁無乜反應。送走男朋友之後,我個friend即刻行去個看更面前諗住問佢今次點解無講啲乜。
「點解…..」
「呢個幾好呀。」
話音未落,個看更已經捷足先登,截咗佢糊。
?????
我個friend真係聽到問晒號,乜嘢呀?
「你又唔識佢,點知佢適唔適合我?唔講以為你識佢添!」
「無,感覺呢個男人可以同你行到落去。」
唔通佢識我條仔?定老一輩真係睇人特別準?看更講住我個friend黑人問號嘅表情,忍唔住解釋多兩句。
「唔洗驚,我唔識佢,都唔知佢係一個點樣嘅人,但睇你同男朋友一齊個陣嘅表情就知道呢個人俾唔俾到幸福你。你同以前啲男朋友一齊個陣笑都唔識笑,淨係識燶起塊面。依家嗰個就唔同啦,每次見到你同佢一齊都係好開心、好甜蜜咁樣。」
我個friend當刻聽到好感動,即刻為呢個現象改咗個名,叫做「看更幸福論」,意思即係愛情入面旁觀者清,所以想知同現任夾唔夾,不妨問下樓下看更。
講講下佢忽然拍我膊頭話:「作為你個看更,想講返句:『你依家嗰個都幾好呀。』」
以下是書面語譯文
保全是一份神聖的工作。他會負責看守大廈的大門,又會定時巡邏,確保你家宅平安。這個職業最神聖的地方是佢的工作內容好像只是無所事事,但又給你必不可缺的感覺。它的工作性質吸引了不少長輩加入其中,當作打發時間。不要以為他們只會發呆、睡覺,睡久了你也會覺得無聊,所以佢地也會為你開門,說一聲「早晨!」(為了新年紅包多一點又要告訴你嗎?)。除此之外,他們還會默默見證你的成長。老實說,除了你父母之外,保全是你每天見最多次的人——早上出門一次,晚上回家一次。我在面對這位熟悉卻又陌生的人時,真的不知道該如何相處。直到有一日,有位朋友跟我說了他的經歷⋯⋯
我的朋友是一位沒甚麼安全感的人。這是源自他初戀帶給他的情傷。自從初戀以後,他就開始接觸交友軟體,男朋友換了好幾個。不知不覺間,他在一年內換了五任男朋友。他總是很快便帶新男友回家做羞羞的事。終於,經歷重重難關後,我朋友終於開展一段認真的關係,也沒有馬上帶這一任男友回家。穩定地發展了一年後,我朋友終於帶他回家。與男友分別後,我朋友回家等候升降機時,他家的保全突然展開了對話。
「這是你的新男友?」
「對呀。」
「這個男人不適合你呀…….」
這位保全看著我朋友長大,就像他的乾媽一樣。他與我朋友一家人都好親近,大時大節也互送禮物。每當我朋友帶他的新男友回家時,那位保全也會多事。說起來有點奇怪,每次我朋友帶男友回家時,他都會「提點」我朋友不合適與那男生在一起。我朋友每次都只是一笑置之 : ),然後繼續與男友恩愛。戀愛這回事,哪容他人說三道四。我有我甜蜜,外人本來就沒有權利對你的感情生活多加意見。有一次,我朋友受夠了那位保全,因為他真的很愛時任男友。
「你又不認他,怎麼知道我倆合適不?可不可以不要這麼多事啦!」
然後他就氣沖沖地走了,只剩下面不改容的保全坐在那。不出保全所料,我朋友很快因為男友不夠上心而分手。我永遠都忘不了他哭到妝都花了的醜貌……
這次分手以後,我朋友有一段長時間沒有再談戀愛,好好享受單身的日子。幾個月後,他在義工活動中認識了現任男友。這位男友真的對佢很好,照顧周到,是一個滿分的好男人。每次提起他男友時,又或者他正在回男友訊息時都會笑得像花開了似的,簡直是幸福滿溢的感覺。他也認為認識現任男友用盡了他畢生的運氣。
這次他帶現任男友回家時,他家保全沒再說甚麼。我朋友反而有點不習慣。一次、兩次……「為甚麼他不再說甚麼呢?還是他不知道我有新男友了?」這個疑問在他心裏縈繞不散。有一次我朋友藏不住好奇心,帶男朋友回家時故意在保全面前秀恩愛,希望得到他的汪意。他偷偷地瞅瞅保全的反應,只見他微笑以對。在送走男友後,我朋友立馬走去問保全。
「為甚麼…..」
「他挺好呀。」
話音未落,保全已經捷足先登,搶著說話。
?????
我朋友真的聽懵了。
「你又不認識他,怎麼知道我倆合適不?不說還以為你認識他!」
「沒甚麼,感覺這個男人可以一直陪著你。」
難道他認識我男友?還是老一輩看人特別準?保全見他不明所以,忍不住解釋了一下。
「不用怕,我不認識他,也不知道他怎樣的人。不過我看你和男友相處時的表情就知道這個人能不能給你幸福。你和以前的男友相處時都不懂笑,總是心事重重的。現在那個就不一樣,每次看到你和他在一起都很開心、很甜蜜。」
我朋友聽到時十分感動,馬上為這個現象改名叫做「保全幸福論」,意思是愛情裏面旁觀者清,所以想知道與現任合適不,不妨問一下你家保全。
說著說著他忽然拍拍我說:「作為你的保全,真想跟你說:『他挺好呀。』」
這是見智和水水。謝謝看到最後的你和妳。只要有讀者,我們就會繼續寫。別忘了拍手/贊助以示支持~有感想也可以在下面留言,我會盡量回覆!在下一篇文章再見!
喜欢我的作品吗?别忘了给予支持与赞赏,让我知道在创作的路上有你陪伴,一起延续这份热忱!
![](https://imagedelivery.net/kDRCweMmqLnTPNlbum-pYA/prod/avatar/f129b3e1-277b-4f9e-b0ef-67fa69c7635a.png/public)
- 来自作者
- 相关推荐