AAPL POS

記得以前講美股，大家話C、BAC、KO等品牌，今天就講FAAG，簡單來講，美股最大市值果幾隻，又係全世界最大果幾隻股票。

頭兩位是Apple和Amazon，都係科技股，Apple注重end user experience，Amazom就B2B和B2C，大家都有雲端服務。今天看到新聞，Apple收購加拿大初創公司，作價1億美金，呢間公司業務係手機NFC，以蘋果的人力、物力，要發展NFC業務問題不大，相信時間吧了。收購的話，一是有技術，一是有專利，今次收購相信是前者。

NFC很普遍，信用卡、手機、八達通、公司卡等，已經有晶片做NFC，一間初創有幾多專利，相信是手機信用卡的應用。

今次收購，相信立即影響另一隻股票SQ，它是走POS/APP方向，有點Conflict，相信SQ會受影響。手機支付、手機收錢今天已經很普通，香港、大陸走QR Code方向，鏡頭、畫面已經足夠，一些小商戶、甚至小販，幾蚊已經交易，十分方便。

今次蘋果收購，如果去爭取NFC信用卡市場交易，中佬覺得未必有作為，外國雖然流行信用卡，因為可Look卡先，60日後才找數，但是，以方便性，QR Code更方便及成本更平，所以中佬相信Apple目標不是POS。或者蘋果想增加Function可以讀信用卡，建造平台比APP，如果係嘅話，SQ更方便。當然喇，方便嘅，更多APP出世，市場競爭激烈，SQ未必有著數。

看看POS的費用，手提讀卡機很方便了。每部申請可以免費，月費每月$175，加上每個交易費1.5%，貴唔貴見人見意。起碼入貨費平，每件貨品如果可以Mark-Up少少已經收回成本，更加話2天轉回銀行戶口，提高現金流。

如果Apple做手機POS，收1.5%佢就滿足，哈哈，蘋果收APP上架費都10%以上，雖然話銀碼可以很大，一萬交易收$150，一天一千單都很和味，但係，呢D Support會很麻煩。所以相信佢會做平台多，背後又咪係增加手機銷量及APP費用。