每個人都在經歷《奇幻逆緣》中

有時夢就係人生既反映，記得有一晚，發左個特別的夢，夢境情節是Brad Pitt 電影 《奇幻逆緣》(英文:The Curious Case of Benjamin Button)。  劇情講述主角Benjamin （Brad Pitt 飾演），一出世已是一個老人家既樣貌身體，親生父親覺得是異類，將佢遺棄於老人院。 但時間一日一日的過去，Benjamin的生長是逆向發展，變得越黎越年輕，最後變成BB，而心愛的女人Daisy（Cate Blanchett 飾）是正常的長大，最後變成嬤嬤年紀，反過來照顧返佢。

呢套戲係傷感既，一個年紀慢慢變大，一個年紀慢慢變細，當然最後既結局都是一樣，都會到達同一地方。

點解會發夢出現呢套戲，我沒有預知能力，亦不想有預知能力，但這個夢之後發生的事，應該是有點啟示，因為主角係我老豆。

當然我老豆唔係同戲中Benjamin一樣，時間令佢越黎越年輕，而係佢遇上輕微中風，身體機能大不如前，寫字無力，記憶力下降，行路唔平衡，不自覺地流口水等…… 所有種種，就像是一個BB出世後，一切從新開始一樣。

我呢個港女，只識返工，唔識照顧屋企，唔識做家務，缺點多不勝數，但都有幾個小小的優點，就係我愛我的家人多於自己，同埋唔識就去學，學唔好再繼續學。

Everything happens for a Reason

老豆病既期間，阿媽都付出好多心神去照顧我老豆，我當然要同佢分擔一下。 從照顧我老豆既期間，我學識好多野，亦感受好多，除左要有耐心去教返佢既基本技能，寫毛筆字，練返手力，平衡，記憶力之外…… 我發覺以前我愛我家人既方法，原來只係好表面，心靈感受先係佢地想要既野。

剛出世既BB，佢唔需要物質，佢想要既係大人的關注。 原來老人家亦一樣。 除左藥物治療之外，給予愛和關心亦是康復的關鍵。 而家老爸既康復進展良好，回返去以前身體既8成狀態。

對於夢既啟示我之前都發生過。 有時發既夢係莫名其妙，但經歷事情後再諗返原來有所玄機。 事件當中亦有不少神奇細節，令我感到上天有所安排，希望有機會可詳細寫返出黎。

感這個啟示及經歷，算是為成長進行一堂補課。