IPFS 指纹 这是什么
評杜正勝教授「物怪研究」
引自盲眼的尼安德塔石器匠【分享 杜正勝講中國民間故事】的介紹：
「所謂物怪，就是各式各樣的非人角色，比方說「那個很特別的物」 — 尤物，後來衍生成描述美女（原本是在講夏姬）。而怪物當然也是一種物怪。
杜正勝為什麼要研究中國民間故事呢？目的是為惹認識中國人的精神，尤其是普羅大眾的精神世界，而非侷限於特定作家的創作，少數讀書人、統治階級的想法。
我認為杜正勝嘅物怪研究有好多問題：
- 未開始研究，已經假設東亞大陸存在一個共通嘅「中國文化」
- 睇佢講完，感覺研究十分唔成熟，主要靠文字去了解物怪，連物怪喺唔同地區唔同時間嘅演變，都唔可以簡單清晰表達出來。
- 民間傳說同文字亦有時差問題，例如已知《山海經》形成時期至遲都要數到商王武丁時期，文字及圖則要到數百年後嘅東周；又例如《中山狼傳》似源自中山國及齊國之間嘅農民，但到明皇朝先有文字記錄。杜嘅研究似乎並未考慮時差問題。
- 另外，我哋知道至少五四運動前，東亞大陸上嘅人識字率奇低，杜正勝係點確定文字上嘅紀錄唔係片面之詞？
- 感覺杜呢個研究野心太大，單係商、周時嘅晉地區，分返開唔同族群嘅物怪（例如神農、許由、四岳來自古羌人？），已經夠玩一世。
可取之處係，西漢留低嘅圖像顯示，西漢人心目中嘅神仙好多都有尾（例如下圖嘅嫦娥），同今日嘅想像截然不同，一直講五千年「中华文化」，到底有幾真呢？
