解開童年孤兒的枷鎖

(本文曾於2018年9月於香港《晴報》刊出，並已作適量修訂）

「雖然媽媽話佢咁大年紀唔記得曬，但我一諗起我細個父母點對我，我個心口就好痛同喘氣…」50多歲的阿金憶起當漁民的父母如何在童年時苦待她，內心的恐懼、失望和痛楚便湧上心頭：「阿爸阿媽一直重男輕女，我一家九兄弟姊妹，我排第五，對上四個哥哥無論做錯咩事，我無論點講，阿爸阿媽都會打我先。有一次，二哥搶咗我條手巾，我叫佢俾番我，阿媽就攞起支木棍打到我頭破血流，阿爸見到阿媽咁嬲就話佢既然咁憎我不如將我拋落海……我同幾個阿哥一聽到就跪地求阿媽唔好咁做，但阿媽依然將我舉高拋向漁船甲板上……」阿金的身體不由自主地抖震，她那得不到父母關懷的孤單傷痛令她感到強烈的羞辱和無助。

近年暢銷著作《假性孤兒》(Adult Children of Emotionally Immature Parents)的作者臨床心理學家琳賽‧吉普森(Dr. Lindsay C. Gibson)指出當父母畏懼親密感，無法滿足孩子情感的需要，「情感孤寂」便會形成，即使長大成人這份孤單不安的感覺仍揮之不去。「我見到主耶穌在漁船上保護我，佢將手背上釘痕嘅血搽喺我頭上嘅傷口，一陣間個傷口就好噃，佢仲拖住我隻手，又拖住我阿爸阿媽對手……我感受到一股暖流湧埋嚟……」阿金在影像中表達自己渴求被愛的感受，修補了上一代帶來的情感缺陷，並藉著宗教信仰的力量帶來身心靈的醫治，數十年莫名的孤單感和無助感終於減退。