My little detour - 《我的法式早餐？！》

我住嘅房間阻隔陽光的能力簡直一流， 我朝早6點幾起左次身望下周圍， 我直情以為自己盲左， 幾驚😱! 好悠悶上下網到9點幾， 不過睇完fb就充滿怒意， 痴線， 的object已癲到無得救。 成個人嬲醒後出去刷牙洗面， 就係呢個時間， 我又見到一張亞洲臉孔。

佢係日本人Kotora, 佢好後生得20歲， 攞個year break去旅行， 佢先由Vancouver 玩， 再去墨西哥， 危地馬拉， 下一步去意大利、法國再到非洲， 嘩， 好宏大呀。 佢今日check out, 但唔趕時間， 所以我地相約去食個早餐， 好搞笑。 佢問我想食咩， 我話無所謂， 佢揀。 佢話朋友介紹過一間蛋糕好好食唧餐廳比佢， 問我有無興趣去， 有呀, 我最鍾意食cake, 於是我地搞埋少少叉電呀咁就出去。期間我經過OCC長途巴士售票處， 問左去Oaxaca車飛幾錢， 咦， 搭20號夜車係599 peso, 都ok wor， 不過我都要再度下先。 呢間餐廳叫Olala, 我點左一件lemon tart 加cafe mocha, 話， 真係好好食（71 peso) , 比錢先就唔使比tips, 而Kotora就點左一件strawbery cake, 一個朱古力包同一杯朱古力， 我覺得好chill呀， 好耐無試過了， 而且唔算好貴， 開心開心。 

之後我地返左hostel, Kotaro準備離開， 而我準備去坐collectivo到Chamula。 不過Kotaro因為要去一個參加費要US$800的Africa trekking, 所以佢搞左個網上眾籌。佢仲帶左日本國旗嚟， 叫我地係上面寫低個dream, for佢登山時post出嚟。 嘩! 好型呀， 我當然寫香港加油， 希望爭取到想要嘅野。

影完相我地就各自出發， 本來諗住送佢去搵到Tuxtla的collectivo, 但我唔記得帶相機， 唯有係條街到送別佢， 然後返去攞相機。 返到去攞埋相機再出發， 經過OCC售票處， 我決定都係買左車飛先， 連埋admin charge 係509 peso, 已經係discount得最勁的車飛， 好彩overnight免左一日的hostel, 當抵返條數啦唯有。 跟住我就去搵cllectivo喇。丫， 點知就咁經過下個廣場都買左個布袋， 本來150 peso, 我話100 peso啦， 佢話第二個款可以， 咁算啦， 我轉身之際佢話ok, 又跌錢了。

之後行去搵collectivo, 問左幾個人終於搵到，但...竟然塞車， 門口都出唔到。 最後等左20分鐘先開到車， 但其實大概車程都唔使半個鐘， 落車比錢 （18 peso) 。 呢到應該都好遊客區， 十分多souvenir。 我睇左陣， 覺得唔算十分平。 經過小食車仔檔， 突然好想食薯條， 買左一份嚟試 （15 peso) 其實普普通通， 落左唔同醬食， 綠色的好辣。

食食下有個阿婆走嚟， 好熱烈咁sll腰帶， 我抵唔住佢主動減價又誠意拳拳， 所以買左一條 （30 peso)。之後兜左入條巷行，見到個女人做緊針‘子’， 而佢又好sincere咁介紹， 其實佢開價唔算貴， 150 peso一件衫， 連佢整緊嗰條裙都係300 peso，我見佢咁好同的野幾靚， 本來都諗住買， 但佢條裙太紅喇， 而件籃色又好難襯， 我揀左條杏色裙同淺灰色衫， 點知佢面有難色。原來淺色裙同衫都唔係佢架， 所以如我揀晒嗰兩樣， 其實佢白做。 但紅色我真係唔ok, 唯有每人揀一件， total 300 peso。 之後佢又帶我睇另一位媽媽的衫， 因為佢知道我唔太喜歡佢的衫嘅顏色。 佢好似示意話bb個咀仔有少少問題（確實有嘅）， 叫我幫襯下。 但其實已買太多， 我點孭呢。 但又一次盛意拳拳下， 我話100 peso就買啦， 所以係150peso減至100 peso的價錢。 

買完野我就去睇呢到的church, 因為聞說係有ceremony。 呢間church綠白色， 好簡潔， 但個pattern我幾鍾意。 呢到入場費25 peso, 唔可以影相。

而所謂的ceremony, 原來只係唔同信眾自行祈禱， 佢地係教堂內點左好多candle, 枱上有、祭壇有、地下有...而最特別係地下放左乾草， 都咪話唔危險。 信眾在跟前點上蠟燭， 然後唸唸有詞， 同埋你會見到佢準備左隻雞， 我以為咁特別當仔咁照顧， 原來...係祭物。 佢地唸完一輪後會攞起隻雞， 捉住佢地條頸同對腳然後不斷好似摩天輪咁打轉， 然後....我竟然見佢好大力咁將隻雞對腳同頸向相反方向一抯， 嚇死寶寶， 之後我唔敢睇。 再望下隻雞已經毫無動靜.... 睇到呢到我覺得有的毛管戙， 於是離開教堂行去market， 仲食左empanadas， 類似油炸的雞肉角仔， 都幾好味架喎， 我食左兩件共 10 peso。然後見到生果又好想買， 所以又買左兩粒番石榴 （5 peso）. btw, 呢到的女士服飾幾特別， 厚厚的羊毛黑裙加恤衫， 我估呢的就係馬雅後代Tzotzil民旅。

行完諗住返去， 點知去返頭先落車嘅位唔見有collectivo, 問人又無人答到。 後來好似有個Israel的女仔出現， 佢用西班牙文問完話埋嚟我知， 原來個站係centro, 唔知點解我成日覺得落車地點嘅位置或對面一定有回程車。而迎面而來仲有三個遊客， 原來佢地知個站係centro, 只係佢地想睇graveyard所以過左嚟， 而我...又跟埋去睇🤣。原來其中一個女仔去過中文大學exchange架， 所以我地又傾起上嚟。 行返去等collectivo期間， 佢問我有無興趣去另一個鎮仔Zinacantan睇下， 好似係盛產咖啡的地方。 又好啫， 咩都望下嘛， 車費盛惠26 peso, 但好似唔使10分鐘就到。 呢到Chamula差唔多樣， 但可能入夜少好多人， 同埋無咁遊客。 行左陣唔覺得特別有咩睇， 我地就坐返collectivo返San Cristobal了 （20 peso)。 

返到hostel我坐左陣， 收到韓國hostel覆話可以住， good ar, 雖然貴， 但我好想食韓國野丫嘛。咁之後我又再出去行多個圈， 睇下廣場係咪有民族舞表現睇， 又唔一覺喎， 有好多人擺檔就真。都行到centro, 我就諗係咪應該向新hostel行下搵路先呢， 當去到我都唔exactly知係咪嗰間， 因為嗰到無門牌的。咁無啦， 明天先算。 行返去時我買左個Marquesitas食， 本來想買咸的， 但佢無豬肉， 咁食返甜啦， 今次係crepe併nutella 同士多啤梨 （29 peso)。

之後返到hostel再望望韓國hostel的instagram, 我估我知佢位置了。

已用：1452 peso 

71 peso Lemon tart n moka breakfast

192 peso 2 nigts hotel until 17 jul (check out)

509 peso bus ticket from san Cristobal to oaxaca

100 peso bag

18 peso collectivo to chamula

15 peso 薯條

30 peso 腰帶

2 peso 香蕉

300 peso 衫and 裙 （粉藍 and 杏色）

100 peso 衫 (黑色）

25 peso church entey fee

10 peso empanadas x 2 （雞肉角仔）

5 peso guayaba x 2

26 peso collectivo to zinacantan

20 peso collectivo to san cristobal

29 peso Marquesitas con nitella n fresa