My little detour - 《再見Mexico》

今日架車會07:30嚟接我， 所以06:40已起身執埋的嘢準備出發。 為免影響到人， 我執完嘢07:10已在大廳等， 今朝當值伯伯吖Oscar, 首先退鎖匙攞返50 peso deposit先， 之後同伯伯講有人會pick up我去Xela, 伯伯叫我唔使緊張， 架車多數都係07:30-07:50m到， 不過等了又等， 佢07:55先到，仲要只係人到， 原來佢嚟接我去tour agency門口， chur, 咁我自己一早過去都得， 司機問我嚟左幾多日，然後噏左一大輪西班牙文， 聽到好似叫我咩比taxi錢， 咩sin cran ta...我真心聽唔明無理。

之後佢再接埋其他人， 然後又係車到講一次...我開始意識到係比離境稅， 而車上仲有人因為咁要去撳錢。 我地中途去過廁所同埋停過車食野， 最後12點幾排隊過關，銀紙攞定出嚟嗰的佢係會優先處理。我埋到去佢指住牆上的告示話唔知1-7日唔知幾錢定免費， 幾多日開始就500 peso。

但其實我都有就呢樣嘢上網做過research，其實並唔係official唧收費，只係嗰的關員貪心想賺多筆錢。當然網上都有人分享成功唔使比0既經驗，最主要係夠強硬，仲要抵得住各方0既壓力。所以我都決定試一試唔比， 因為official website無話有呢個收費。但個關員初初都好聲好你，但越嚟越惡， 又話唔識英文， 又唔可以攞電話出嚟翻譯...之後仲話唔幫我stamp離境印， 我之後會好麻煩。 最後佢有吸印， 但攞左我本passport影印， 又話下次返嚟墨西哥好麻煩要比double。 咁你講到咁嚴重，我咪堅持要張official receipt囉, 但佢就只係比個mon我睇話有晒record, 但其實無一項係寫住離境稅銀碼。 佢繼續嚇我話返嚟點點點， 又比同車的人叫我lady可唔可以快點， 全車等緊我一個。 最後又淆又急下， 我都比左錢， 但話只得250 peso, 佢笑笑口照收， 然後我叫佢比返張影印本我， 佢唔比不過做左撕紙狗， 仲係咁二響離境印日期到加左一筆。 我又無嬲， 因為預左比， 只係有少少嬲自己做咩淆底， 明明可以走， 又明明唔墨返墨西哥， 不過是但啦！

已用：250 peso