肺炎下嘅酒店業？

武漢肺炎疫情下，每一位打工仔都各有各辛酸。 而香港酒店業，亦不知道從何時開始，變成了「前線人員」。

「依家嘅高層處理既手法係理你地去死。佢地只會自保，保得住自己保得住佢自己嘅人就夠，佢地唔會理其他人嘅死活。」 （節錄於 香港酒店工會 Facebook專頁，https://www.facebook.com/permalink.php?story_fbid=164707638334024&id=107866584018130）。文中講述左疫情下嘅員工面對嘅種種困難。 不少酒店都要求員工一定要配帶上某顏色/公司給的口罩。 在這個環境下，有口罩戴已經開心了，仲要配合公司揀顏色？原本由家一路戴到返公司嘅口罩又如何處理呢？公司比嘅口罩又係咪安全呢，不少酒店都用緊一種薄如紙嘅湖北製口罩（不打廣告了），員工又何以用得安心？一天一個口罩，試想想每天炒場，執房等忙到隻狗咁嘅員工，個口罩可以用到幾耐？

唔收隔離客嘅酒店面臨住炒人/no pay leave等嘅情況。有人會話，依家依個時勢，有份工算係咁啦。 試問生意好時，員工們又何嘗會有「獎勵」？好啦，有啲酒店會收隔離客，有心意啦！都係要放no pay leave 。 冇生意你放我無薪都算，有生意你又放？

再講，酒店本來就唔適合做隔離設施。 先不要提政府沒有提供過任何一樣防疫用品給員工/酒店。 酒店高層大部份都係只提供口罩及酒精搓手液， 然而係咪真係夠？舉個例子，有名隔離客聲稱房內廁所壞了，請問你要如何不進入房間的情況內又令客人滿意的情況下解決問題？沒錯，酒店業本來就是一項服務業，如何令客人滿足開心，令客人賓至如歸就是我們的責任。正在隔離這種理由在酒店業中根本就是不成文的藉口！假設公司的確提供了設備，又引申了另一問題，到底標準何在？酒店業的前線員工一定明白，每一個溫度測量器度出來的溫度都不同，這一枝是 34，那一枝是 36.2，到底我該信哪一個？這種事本來就應該由政府來作出標準，不過政府的所作所為大家都有目共睹，在此就不談論了。

冇錯，依啲正正就係依家酒店員工面臨嘅心聲。 當然，要講嘅仲有好多，例如「 一係放 no pay leave, 一係就走人」，依種所謂嘅選擇就係酒店業打工仔嘅無奈。 出面咁嘅環境，我仲點搵工？到真係有工返嘅酒店，原來要用自己條命黎做賭注。 無錯，武漢肺炎並不會列入工傷入面，大部份公司亦都唔會比任何嘅津貼 （如果有歡迎告知，畢竟本人不可能得悉全港每一間酒店的做法）。 而究竟，從何時開始，酒店業嘅員工變成左賤命一條？

（圖取於 香港酒店工會 面書專頁 https://www.facebook.com/香港酒店工會-Hong-Kong-Hotel-Employees-Union-107866584018130/）