我的 Crypto Lending 之旅（1）

開始寫這個 Blog 的原因

一向都想寫Blog, 睇人家每次玩 IG, 度晒成個故仔，自己都好羨慕，但係我又真係唔係特別鍾意影相，玩 boomerang，始終將自己諗法寫出嚟係自己覺得最舒服嘅狀態。不過成日都諗唔到一個自己有興趣嘅keep 住寫嘅題材。自己在金融行業工作多年，咁啱最近開始睇番投資 Crypto 呢個市場，亦發現 Crypto 這個行業的一些有趣東西，可以和大家分享，便把心一橫，開展自己的寫作體驗之旅吧！

相信很多人看這篇文章之前，都應該知道什麼是比特幣（BTC)，坊間已經有很多事業嘅文章講解這個虛擬貨幣，咁如果你已經買咗BTC之後，下一步可以做乜嘢呢？ 我的 Crypto Lending 之旅 這系列的文章便是由這裏開始

由始至終，自己都只是買BTC（當然我亦在開始學習其他crypto currency) , 基於一個簡單論點：長遠用有限産量BTC 對沖無限Fiat 霸權 (USD)！

早年由localbitcoins 開始買賣BTC 去了解這個市場，有賺過亦賣早了（有財務壓力），之後望住BTC價值節節上升，無奈但唯有接受。這幾年重新儲錢，去年開始學習了解這個市場，開了火幣交易所買賣BTC。由始至終，自己都只是買BTC（當然我亦在開始學習其他crypto currency) , 基於一個簡單論點：長遠用有限産量BTC 對沖無限Fiat 霸權 (USD)！當然要深入研究一隻crypto currency其實係一件好花時間嘅事情。BTC 我相信會係長遠有波幅有升幅。

再投資BTC，朋友講最好先買一個Cold Wallet，之後online 買了一個 Ledger Nano，因為自己IT出身（依家做金融有關工作）所以還可以大致了解Cold Wallet的基本運作，但操作上真的比較複雜，所以明白為什麼BTC放在裏面比較安全。Cold Wallet 用股票市場術語就是股票實物，不過這個「BTC股票」只會有股價的變動，而不會有股息。上年大概US$8000 入場，坐了一次過山車到今日。

今年將BTC 由Cold Wallet 拎出嚟主要係因為疫情嘅原因。‪ 疫情令各行各業停擺，自己Home Office 時間多了，工作上做Online Training 亦多了，便明白互聯網/Online 的發展會變成未來的趨勢。咁自己打工仔一名，每個月都仲係要還緊mortgage，但係有邊個唔想將自己嘅資產增值，不過做生意就唔好諗啦！營運成本，時間，心機，精力通通都計算。

發現Crypto Lending 今年開始真的發展起來，主要原因是大眾開始接受Crypto currency 是資產而不是收藏品

最後發現Crypto Lending 係這刻最有可能maximise 手上已經擁有的資產達至錢搵錢，便着手研究這個市場，發現Crypto Lending 今年開始真的發展起來，主要原因是大眾開始接受Crypto currency 是資產而不是收藏品（又或者醒覺原來USD 是可以無限量供應之後，市場上除了一般股票債券房地產，仲有啲乜嘢嘅投資嘅機會？），所以便下定決心將手上的 BTC 投資在這個市場。大家有乜嘢諗法歡迎留言分享，彼此學習。

我會在下一篇文章簡單介紹 Crypto Lending 這個理念。希望大家多多支持。

（此文章為本人之個人分享，文章內資料只供參考之用，並無意構成任何買賣的邀約或建議）