“島與半島_香港蕨人”展覽

昨日有機會經過荃灣如心廣場，見到一個別出心裁嘅展覽會

個展覽展出咗好多香港建築物嘅縮影，仲要用好多唔同種類嘅物料構成，設計風格非常特別

行近見到一個booth放咗好多本精美嘅書，我拎起嚟睇完都唔敢攞，因為印刷真係非常精美

最終我都忍唔住問一問現場職員，係唔係派比現場觀眾。因為我見到周圍好多嘅參觀者都拎起本書睇，但係又放返低唔敢攞

職員禮貌地笑一笑，話歡迎隨便攞，因為呢本書係呢個展覽會嘅場刊。

之後周邊嘅人全部走埋去排隊一人攞一本。其實香港人都真係算好有規矩，唔會不問自取。

而呢一個特性，其實就係講緊一份尊重

呢個策展活動嘅主題「香港蕨人」就係將「香港人」定義為蕨類植物呢一種寄生物種，而呢種寄生物種係有能力因應地方嘅轉變而適應生活環境，甚至乎當環境轉變嘅時候，佢哋係有能力將物種嘅特性傳播去令一個可以依附嘅生活空間繼續繁衍

策展人嘅心思非常好，用建築去到介紹香港人嘅特性，大家有機會都應該去參觀一下。

#香港蕨人

#島與半島

本文轉載自 ‘智慧社區 Wise Community’ Facebook 2020年11月2日貼文