My little detour - 《能多點豁出去嗎》

我琴日已經諗好今日早餐食咩， 就係麵包夾guayaba jelly, 諗起都好似好慳好好食咁呀可！ 於是乎十點幾我又行去兜下間麵包鋪係邊 （自從用左maps me後， 我認路真係差左好多）， 又真係比我搵到喎， 咁橋佢生鮮出爐長條條包， 嘩， 真係好大條(12 cup， btw, 嬸嬸找左張好舊的哲古華拉3 peso比我)。

買完包梗係去搵下個jelly la，咁又行經檔仔， 今次飲下菠蘿汁先， 跟手又經過賣圈圈小點的地方， 本來無諗住食， 但阿叔隊埋嚟比我， 無法啦， 其實佢講完幾錢我都唔明， 好似見到佢舉起4隻手指， 咁照比4 cup la, 噢， 有多三個， 原來即係1cup一個， 咁早知要1個試下算。

好喇， 我決定行返去往😪La Boca嗰條街， 又食多杯mamey果汁 （3cup我真係飲完都唔知mamey係咩水果）， 而佢呢到亦有我想要的jelly賣， 1 cuc一塊， 唔平架喎。 都照買啦， 如果唔係點乾哽咁大條包。

本來咪話mango quota已滿嘅， 但我見到隻色又幾靚又大個， 又忍唔住問阿車仔檔伯伯幾錢。 搞錯呀， 3 cup， 真係好難唔買。

就係咁， 我滿載而歸去決定返homestay開餐， 我問homestay mama借左刀同碟， 將jelly塞入包， 唔掂喎，但的jelly好大舊， 切落比又多仲要塊塊好厚， 我食半條包with jam, 再留半條明天。 但今日的半條食唔晒， 痴線， 好漏呀。 真係小吃多滋味， 多吃就嘔出嚟了。 但無啦， 點都要搞埋個芒果再還刀碟， 食埋呢個真係無quota for mango la😪

唔知點解呢幾日總係無動力出去行， 每到中午就好想休息， 唔通去沙灘嗰日曬親？唔理了， 食完野又攤係張床唔郁直至五點-我的晚飯時間。 其實聽下歌時間真係好快過， 跟住又去左favourite餐廳食返個蝦on top of fish fillet餐同可樂 （5.5 cuc + 1 cuc)。 咦！ 今次佢問我坐唔坐餐廳入面喎， 太好了， 一隻烏蠅都無架！ 而我斜對面仲坐左個亞洲女仔， 佢叫阿Li （因為我又記唔到佢名， 佢叫我嗌佢個姓得喇）， 佢坐係到食grill 龍蝦餐喎！ 佢對我笑一笑， 當然我都以笑回報。 亦因為咁大家就傾起上嚟， 但為免大家食凍野， 我就話食完先傾。我埋左單之後真係去左佢張枱， 原來佢個古巴trip係17日， 佢已經去左havana, vinales, 仲問我會唔會去giron添！ 但我真係無聽過， 佢話人地話靚過Varadero, 咁可以諗下喎...如果有巴士到。

跟住我地周圍行， 佢話casa的host話今日廣場有fiesta喎， 咁梗係八下。 我地去左嗰個每日都有音樂表演的廣場， 但好似同平時一樣咋喎！ 同埋咁早， 我話我想去買枝水先（0.7cuc), 然後發現個fiesta係响我平時上網個地方舉行先啱。 錯有錯著， 我地仲係到聽歌到8點幾，阿Li仲接受local邀請跳返part舞添。

其實我都幾欣賞佢， 能夠豁出去， 而我為甚麼繼續拘泥於美醜，跳完會唔會比人笑呢？ 根本you are nothing！ 佢仲試左好多嘢， 比人紥頭髮、美甲、 落bar, 好勁呀。最後直到佢話要返去去廁所， 而我要返homestay就say goodbye lu, 不過佢話佢去完廁所仲會返去架， 真係好enjoy wor, btw, 佢成日去長旅行， 已經去過mexico, peru, bolivia, chilie, argentina同brazil架喇， 好勁呀！

今日共用： 8.2 cuc + 50 cup

12 cup長麵包

3 cup 菠蘿汁

4 cup圈圈小食 （4個）

3 cup mamey juice

25cup guayaba jelly

3 cup mango (not juice)

7.5cuc dinner

0.7 cuc 水