My little detour - 《終於輪到Antigua》

2023 年 1 月 13 日

12 Oct 2019, Sat (Day 133 晴， San Pedeo, Lake Atitlan -> Antigua, Guatemala )

由於琴日巧遇伯伯一齊睇日落，經佢提一提話6點日出仲靚，於是心血來潮set左晨咁早5:45分起身，而又真係比我起到身，所以去左hostal的廚房附近影日出。其實當時天已光，諗住影張交待下就算，點知host Felix見到，佢話去沙灘影靚d，仲要開埋門比我，盛情難卻，唯有都出去碰下運氣啦！果然出去靚好多，見住個太陽慢慢升起，今次真係made my day喇！

跟住返去房執埋的嘢，準備7點出去等早餐，點知...Felix唔見左，廚房也上鎖了。等呀等，等到7:25也未見人，我唯有去寫張紙條還匙，然後出去買包做早餐。當我返房之際， Felix終於返嚟，仲問我要咩早餐。我話我想食pancake，但只有10分鐘比佢煮佢ok 唔ok, 佢話唔知，盡做！襯呢段等待嘅時間，我係房攞埋的袋出嚟同埋還鎖匙。我坐低為自己倒數，而Felix真係好勁，佢真係十分鐘搞掂，而亦都不負眾望...5分鐘內搞掂左個早餐！

同Felix講再見後，我就出發去travel agency，果然無估錯，20分鐘就行到去，當然我無後悔鯨吞個早餐，因為預多少少時係我嘅習慣，況且預35分鐘萬一有咩甩漏都唔使咁狼狽。由於去到有早，我又放低大袋出去買左個包（ Q1）同啤梨汁（Q3), 最後等到8:35am架車終於到，而全程大概3個鐘就到古城Antigua。

到左Antigua首要任務當然係搵返我間hostel, 無難度! Ok wor，我有間房雖然2張床但佢話唔會有其他人同我share，每晚Q48 (其實佢話Q50,但我話book 嗰時係48，咁佢就ok。不過望返，應該係連稅Q48.8。

Anyway, 之後send 左message比Alex話佢聽我到左Antigua，咁啱佢今日dayoff，話附近有個農場有flea market同music問我有無興趣，當然有啦！於是乎匆匆忙忙咁出去搵佢同佢嘅朋友。個農莊又唔算太遠，而我同Alex星期三會再嚟打工換菜的地方（3個鐘換一袋菜）。呢到唔大，都係食下野賣下手信咁，而我竟然買左本書（Q10) 。今次揀左本唔係for 小朋友的西文書，等我try try，書名叫Vivir la viva （那來的自信會睇得晒睇得明，根本一頁都睇唔到）。之後我哋坐低叫左個grande但細到爆的薯條share，我仲點左杯麻麻地的朱古力奶，咁就無左Q30。之後陪Alex幫朋友問travel agency價，當然我順手也幫自己問了很多。跟住我去mercado買埋餸就返hostel了。