狂想科幻應用系列（三）月球氦三開發之 shuttle bus 計劃

狂想科幻應用系列（三）月球氦三開發之 shuttle bus 計劃

聽講話月球氦三仲多過全個地球嘅氘同氚。

呢個傳聞實在令人幾興奮。你地知啦，而家人類係幾咁唔環保幾咁浪費能源架啦。雖然啊尊貴嘅麥夫人好勤力巡視兼支持「人造太陽」嘅研究，據講話成功咗就等於零成本能源，但係⋯以而家人類對能源需求嘅增長速度，好快 D 氘同氚就會比貪婪嘅人類好似食鬼怪咁狂食架啦，所以，月球上面嘅氦三，就成為咗人類下一級嘅新希望。

不過咁，要喺月球開採氦三運返地球就超超超級難。當然啦，如果淨係攞氦三做月球基地嘅能源就有咗「人造太陽」就得啦。運返地球點運喎？而家運個人上月球都唔係一般嘅難！

有聊得很睇完火星任務就得到靈感啦⋯

啊高飛呀！連個名都咁貼切👍

原本套戲係咁的⋯

火星研究隊研究中遇上沙塵暴要走人，點知漏低咗個男一喺火星，隻火箭飛返地球到一半先發現男一未死仲喺火星走來走去⋯

點算呢！？！

返轉頭救男一又唔夠燃料！

叫地球 send 過隻太空船去救又餓死男一都得啦！

好彩喺呢個時候有人提出 plan C ！

太空係五維嘅，除咗長濶高三維同時間之外，仲有引力勢維度，成個太空處處引力勢都唔同⋯點唔同法？可以翻翻「歐頓紀元」同「獻給哈勃的退休禮物」有 D 情節講得詳細 D。

簡單 D 講，地球同火星會比一層層花生形嘅等勢面（equipotential surface）包住，任何嘢只要有適當速度（動能同勢能相同，個速度中六物理學生都識計架啦），就可以喺呢個等勢面永動。

當時嘅 plan C 就係咁，將太空船嘅動能提高，就可以將太空船返回地球嘅軌跡提升上花生形等勢面嘅軌跡，喺太空船唔洗燃料之下飛返地球上空，再叫高飛射隻補給火箭上去會合太空船，然之後太空船又喺唔洗燃料之下飛返去火星，由於太空船喺等勢面上面係飛得好快嘅，所以好快就飛返地球兜個圈返去火星，仲快過地球重新 send 隻火箭去幾倍。再叫男一發動隻後備火箭仔升空會合返太空船就救返男一啦。

呢個故仔似乎啟發咗有聊得很諗出狂想科幻應用系列（三）月球氦三開發之 shuttle bus 計劃。

整隻太空站喺地球同月球個花生形等勢面上面永動（就好似而家 D 人造衛星咁，只不過普通人造衛星係行圓形，而家要變成花生形，當然，可能需要少少能量適時調整軌跡，不過相信用嘅能量唔多），再次次學戲中高飛咁 send 隻補給火箭由地球或月球上太空站（當然如果好似 space 交叉咁可以回收仲正），返落黎就就咁掉返落黎用降落傘減速得架啦，好簡單嘅啫。咁⋯地球同月球嘅人同貨就可以好似坐 shuttle bus 咁運黎運去啦。當然包括好似運原油咁運氦三返地球啦！正😹

作者：正在轉化ing IQ 博士型中的有聊得很