My little detour - 《Guelaguetza 2019》

甘米

2022 年 4 月 16 日

22 Jul 2019, Mon (Day 54 晴，Oaxaca, México )

日係Oaxaca的大festival, 聞說Oaxaca充滿嘉年華氣氛, 所以我琴日已約好左Jacqueline今日食完早餐一齊出發。呢到早餐唔錯喎，有蛋有ham有水果，算係好豐富。

最後我地九點幾出門口，行左去tourist street先，我地首先去個充滿金色decor的教堂 Templo de Santo Domingo de Guzman。

之後我地周圍行下等3點的parade。今日行的tourist區好熱鬧，同我琴日經過的街係兩種截然不同的氣氛。

我勁呀，果然不放過任何機會又起勢咁買。先是買了兩對刺繡耳環（80 peso) , 之後Jacqueline帶左我去market飲熱朱奶with bun, 喂，超好飲啫，仲要超大杯，我覺得好飲過San Cristobal嗰杯。我諗就算自己一個都會再去。 Jacqueline好好，佢話係佢邀請我嚟，死都唔肯收錢，大概應該50 peso, 所以我趁Jacqueline睇中條headband時堅持買比佢，如果唔係過意唔去（60 peso)。跟住行入market, 我又睇中2對skeleton薄薄耳環比好朋友（90 peso), 仲要無無謂謂買左粒紫色石比自己 (15 peso😂)。

但等到3點， Jacqueline問左好多人都唔知巡遊係邊，最後我同Jacqueline講唔緊要啦，睇到就睇，睇唔到就算啦！所以我地決定去食lunch。但先買左一杯剉冰飲品（raspas，我揀左似山渣定洛神花味， 15 peso），幾清新喎。

跟住我地又去market, 我點左份 memelitas, 似薄底pizza好大份，原來啡啡地的汁係豆嚟，上面再加塊肉，不過我就走芝士（60 peso), 跟住去個toilet (3 peso)，我Jacqueline有倦意，我就問佢係咪好攰，不如返hostel休息先再出，佢話都好。而我坐左陣就行去左theatre買明天的musical (150 peso, 希望好睇）就返hostal等出去。

但時間一秒一秒過去，好似無出去的跡象，最後Jacqueline話落大雨都係唔出了，其實都好嘅，落雨咁煩。點知hea緊時對面床位嗰兩個男仔話不如一齊出去睇跳舞，突然好似希望重燃咁，不過都係因為落雨啦，我地九點幾先出去，丫，又真係比我地睇到鬼鬼裝扮唧人表演跳舞喎，之後我地仲去飲野添，佢地飲Mezcal，而我就飲啤酒🤣。

最勁係咩，飲完野又急又眼瞓，我地竟然行經人群聚集跳舞的地方，這一見簡直不得之了，我成為追擊對象，的人係咁捉我出去跳舞同請我飲酒。你知啦，我一向都無節奏咁，手腳又從不協調，佢地仲要錄晒片，但我當時諗，如果周圍的人唔識嘅都唔豁出去，真係好難跳出comfort zone。就係咁我跳到不能再動，但阿法蘭度實在太沉迷，開聲幾次都唔肯走，最後大家異口同聲話唔得喇， Kimmy要去廁所喇先行走。而返去途中，有間酒吧叫佢地入去玩，佢地第一句問有無廁所，之後我話我真係想返去了，叫佢地玩得開心d, 佢地唔願意架，不過唔想我自己返去。但我知道，佢地一入去肯定唔係所講的廿分鐘囉。