關於伊麵

家陣一食伊麵就即刻可以講肺話胃論。

是咁的。

細個果陣一食伊麵就會想嘔，中學時期更加嚴重，未煮嘅麵餅或者煎炆焗燴咗嘅，我都會即刻會嘔。唔係劏嘅量，但係就快到光速咁湧上嚟填滿半個口腔。

有兩年住係學校附近，十分鐘步程。因為途中有兩間舊麵鋪，吊晒一疊疊伊麵喺門口，我就要兜路行多五分鐘。唔係講笑，回南天果陣果啲味重勁，對面街都聞得到。

God bless 後來有十年冇見過伊麵，有一次同同事晏咗出去食 lunch，午餐得返兩款，干燒伊麵同蒸魚雲，即係要揀是但一隻大佬打（叫 a la carte 就一定會遲到）！

伊麵啦，咁。

我心諗捻住個鼻盡量唔望住碟嘢再唔噍爛就吞會好啲呱。碟嘢出住煙咁嚟，又竟然無作嘔，最後重照埋佢鏡，伊思執。

口味嘅嘢真係唔知係變得快吖定係點，重愛上咗。

再然後，有一段時間無聊得濟，硬係要尋找他鄉的故事，要揾到小時候作嘔嘅原因。

欲知後事如何，且看下回回味分解。