Dr Reborn MANNER 泡泡Lift Up水潤療程
無論咩時間、咩季節，暗瘡都係皮膚嘅大敵，生暗瘡唔單止係有一粒粒又紅又腫嘅瘡係面上咁簡單，就算暗瘡好返之後，都好容易會留低暗瘡印，如果處理得唔好嘅話，更加會有凹凸洞、暗瘡疤痕添！所以為咗冇手尾跟，暗瘡一出現就要小心對付，千祈唔好留低任何暗瘡印~
不過講就易，好似我呢種天生暗瘡肌，一生起暗瘡上嚟真係沒完沒了，加上我又好手多，一見到有暗瘡係塊面到就好容易忍唔住去唧，一唧就會損，一損就會留疤，所以近幾年，我都好努力令自己唔好生暗瘡，首先食得好清淡，同埋做多咗運動，不過始終油性肌，出油真係好難避免，一出油就好容易堵塞毛孔，然後就會生暗瘡……
之前聽過都係油性肌嘅朋友講，佢會定期去做facial，搞搞啲暗瘡問題，見佢真係生少咗好多暗瘡，令我都心郁郁想試吓，確實有好多美容院都有暗瘡療程，不過邊間先係真正有效呢？
今次我就試咗2間美容院專門針對改善暗瘡嘅療程，分別係Dr Reborn MANNER嘅泡泡Lift Up水潤療程，同埋Perfect Men嘅暗瘡分手療程。呢2款療程都係針對油性肌、暗瘡肌，聲稱可以改善暗瘡紅腫，同埋避免留印~事先聲明，我去呢2間美容院做療程都唔係廣告嚟，都係我真金白銀，上網自己登記體驗，所以以下嘅評測內容，都係出自我真心感受，絕非廣告~
去暗瘡療程評測：Dr Reborn MANNER 泡泡Lift Up水潤療程
我第一個試做嘅療程，就係Dr Reborn MANNER嘅泡泡Lift Up水潤療程，MANNER係Dr Reborn旗下嘅男士美容品牌，雖然冇咩聽過人講，但始終under Dr Reborn，我都對MANNER有一定信心~
今次之所以揀呢個泡泡Lift Up水潤療程，係因為見到Dr Reborn MANNER個網站寫住呢個療程可以改善暗瘡同收細毛孔，令皮膚增加保濕度~而且個療程話用咗雙頻超聲波科技，唔單止可以對付暗瘡，仲可以提升整體皮膚質素，有望之後可以生少啲暗瘡！
不過呢個療程我睇咗一大輪，發現佢係冇提供任何試做體驗優惠，至少都要俾$280先可以做一次，而且仲已經係優惠咗嘅價錢，所以無論呢個療程有冇用都好，點都要俾咗近$300出嚟先……
講真$300又唔算太貴，我諗出面好多facial都一定唔止呢個價錢，咁我登記完之後，就係booking嘅日子去咗Dr Reborn係朗豪坊嘅旗艦店，咁上到去覺得佢地環境真係幾大，不過因為好快就有職員帶咗我入間房到叫我等一等，所以我都冇咩點睇到出面大堂個環境……
之後有個Dr Reborn嘅同事入咗嚟，雖然話就話MANNER係做男士美容，不過啲治療師同顧問都係from Dr Reborn~佢坐底咗之後，就用部儀器幫我check check塊面，話我底層好乾，但表層又好油，所以爆曬暗瘡，想改善暗瘡就一定要補水，所以我做個泡泡Lift Up水潤療程好適合嘅，不過如果加多唔知幾百定幾千蚊呢，就可以upgrade一個勁啲嘅療程，對付暗瘡同油性肌嘅效果會好好多架~~~
我一聽到要加錢，心諗：我已經俾咗$300啦喎，都仲要加錢？何況我連個療程都未做，就已經嚟Sell我加錢，做完咪仲sell得勁？其實我都企硬唔想加，但個陣個情況就係，我一日唔點頭，佢都唔會比我去做個療程咁，所以我是但叫佢加個最平，好似幾百蚊左右，多咗個peeling，本身我以為會係好似aqua peel個種咁，點知到真係做療程個陣，個治療師只係幫我吸咗啲暗瘡位，冇生暗瘡個啲位置就冇吸到……
跟住佢就再做泡泡Lift Up水潤療程，又係好似好hea咁拎住個頭係我塊面到打咗幾吓就算，一定冇打足全面……我唔知係咪因為我只係俾咗優惠價，所以佢有啲hea做啦，如果係因為咁嘅話，咁Dr Reborn又好似唔係真係廣告入面講到咁好囉……
求其做完個facial，又被先前個職員帶咗入房，又開始係咁問：頭先感覺點呀？而家呢我地做緊優惠，你買20次，我地送返10次，真係好抵架，過咗今日就冇呢個優惠……我淨係聽咗開頭，都已經唔想再聽落去…Dr Reborn真係好hard sell，想甩身真係一啲都唔容易，最後我係咁say no，再果斷起身離開間房，先至走到……
講返療程個效果先，講真佢做得咁hea，都唔期望佢有咩特別明顯嘅效果囉，只可以話佢有吸過嘅個幾撻位置係滑咗少少，同埋過咗一個星期左右，個啲暗瘡有少少凋謝嘅跡象，不過正常暗瘡過咗成個星期都會謝架啦，所以我又唔覺得同Dr Reborn呢個泡泡Lift Up水潤療程有咩特別關係……
去暗瘡療程評測：Perfect Men 暗瘡分手療程
過咗大概兩個月，因為面上啲暗瘡又開始出返嚟，所以我就開始搜羅吓有咩暗瘡醫美療程，希望可以治一吓啲暗瘡~之後俾我上網睇到一個叫做「暗瘡分手療程」嘅treatment，聽個名都幾得意，唔知係咪真係可以同暗瘡徹底講分手呢？
呢個暗瘡分手療程係Perfect Men提供嘅，其實成日碌Facebook都會見到Sammi幫緊Perfect Men賣廣告，不過搵得Sammi代言，我又擔心Perfect Men係行高檔路線，啲療程一定好貴……今次嘅暗瘡分手療程又好驚喜地，可以網上登記免費試做，加上廣告話之後都係$1,888就有10次療程，聽落真係好抵！首先價錢呢part已經無得輸啦~
係Booking當日，我揀咗去旺角朗豪坊分店試做，估唔到Perfect Men舖頭都幾大，而且有啲房嘅位置仲可以望到海景添！加上去到要探熱同埋消毒，衛生同防疫措施都做得好全面~環境舒適真係有加分！
進入療程體驗嘅部分，係開始做療程之前，會做咗皮膚分析先~最重要嘅係睇吓我面上嘅暗瘡屬於咩類型，同埋係咩原因導致我生暗瘡，仲有而家嘅皮膚狀況適唔適合做療程~過程都好簡單，用儀器幫面部影一張相，就可以係電腦到睇到自己嘅面部情況。根據Perfect Men嘅顧問解釋，我屬於油性皮膚，因為面部油脂分泌太多，所以毛孔堵塞有啲嚴重，要解決暗瘡嘅話，就會處理油脂分泌嘅問題~
咁知道咗自己係咩原因生暗瘡，除咗可以知道咩療程適合自己之外，返屋企之後都可以因應自己嘅皮膚問題用返啱嘅護膚品，從而減少暗瘡繼續爆發~
完咗皮膚分析，就會真係做療程啦~Perfect Men嘅顧問先幫我清潔咗塊面，之後就會用一個吸吸頭係我塊面到吸吓吸吓，呢個過程係可以將皮膚下30至35mm嘅污糟嘢都吸出嚟，雖然有一定吸力，但絕對唔會整痛、整傷皮膚，就算係我呢種比較少做facial嘅男仔都唔會覺得唔舒服~
除咗全面吸一次之外，治療師仲會係比較多暗瘡嘅面部位置再重點吸吓，確保啲暗瘡、暗粒完全清乾淨~佢吸完之後，真係見到支污糟好多污糟嘢！！！就算我明知自己塊面都唔係100%乾淨，都完全想像唔到原來皮膚底層係可以收埋咁多污糟嘢架囉！所以定期去做深層清潔，清走皮膚污糟嘢真係好重要，加上皮膚保持得越乾淨，生暗瘡嘅機會就自然更低啦~
做完吸污糟嘢呢part之後，治療師會幫我敷返一個水分面膜，清潔+補濕，令肌膚保持返係最健康嘅狀態~因為就算係油性肌膚都一樣要做好補濕，當皮膚唔夠水分，同樣會分泌出過多嘅油脂，造成水油失衡，暗瘡都好容易大爆發！
成個療程做完之後，先前個位顧問就會帶我去另一間房，一齊坐底講吓做完之後覺得點、有咩效果咁樣，當然好多美容院都會講埋sell你買咩plan、優惠package之類。Perfect Men嘅顧問都有講吓而家暗瘡分手療程做緊$1,888 10次嘅promotion，本身呢個價錢已經真係好平，以為佢會on top再向我Sell其他嘢啦，點知又冇喎~主要都係同我講吓，返屋企之後可以點樣護理皮膚，跟住個一個星期最好敷多啲mask之類，成個過程都唔hard sell，亦都唔會chur住曬要你即刻俾錢買曬10次~咁我一開頭就冇打算買嘅，同佢講聲：再諗諗先，Perfect Men個位顧問都唔會繼續chur住我，依然都係十分nice~~
至於效果嚟講呢，做完暗瘡分手療程之後，除咗見到支污糟水好多污糟嘢之外，塊面摸上手都覺得滑咗啲，一啲紅緊、腫緊嘅暗瘡都冇咁紅，暗粒平伏咗少少~之後個一個星期，我就聽Perfect Men嘅顧問講，飲多啲水、同埋敷吓面膜，果然一個星期之後，面上嘅暗瘡有一半都開始凋謝，而且再冇新嘅暗瘡爆出嚟！
Perfect Men呢個暗瘡分手療程嘅效果我非常滿意，因為佢唔單止做到令暗瘡快啲凋謝，仲可以令新嘅暗瘡唔再生出嚟，相信做多幾次，分分鐘唔洗做足10次，都有望令暗瘡斷尾！
去暗瘡療程總結：暗瘡肌揀邊款好？
相信大家睇過上面嘅評測，都心中有數邊間美容中心嘅暗瘡療程會好啲啦~以下純屬個人意見：Dr Reborn同Perfect Men都係大型美容中心，不過2間嘅服務就差得遠，個人嚟講會比較推薦Perfect Men，因為服務、體驗、效果都有返咁上下，我自己都覺得係佢地到做facial幾舒服，唔會被人chur住之餘，亦都見到有去暗瘡嘅效果~同埋以試做嚟講，免費呢一點真係好好，好似我呢啲唔係成日做facial，啱啱想開始投資一吓美容療程係自己身上嘅男仔，就最適合不過~平時我真係好少打咁多字，今次真係真心想同各位分享吓男士美容，希望各位睇得開心啦~
評分表(5個👍為滿分，只供參考~)
如果大家都有興趣試吓Perfect Men 暗瘡分手療程，可以去下面條link登記~之前我就係經呢條link登記，而去到舖頭都有唔錯嘅服務，唔會話因為係免費試做而hea做~男士都要好好護理皮膚架~
