《來生不做中國人》讀後感

本書第一篇由李敏勇寫嘅序《反思中國，走出迷障》就同大家帶出問題癥結：

「中國文化的病理才是中國問題所在。右翼的中國國民黨和左翼的中國共產黨，到頭來一個樣子。」

有朋友問我睇一本只屌中國文化嘅書究竟有咩建設性，我會引用第二篇卜大中寫嘅序最後一句：
「台灣讀者看了本書也要反省，檢討我們自己從中國遺傳了多少的難基因還沒清除掉。」

雨革後睇過一次，漂走咗又返返嚟就睇多次，一直睇一直回想依幾年我哋香港人做咗啲咩搞成咁。

冇錯，因為乜都冇做到，連幻想嘅膽一早都冇咗。

本書係一堆作者由1995至2007嘅散文，當中大大力抽擊中国文化嘅章節真係字字鏗鏘句句有力，差唔多每篇都想分享都係不能只有我看到。佢係咪完全hater咁憎哂一切有關嘅嘢？其實唔係，但其一原因係話中国揀咗「儒」，作者有一句講到如果最後揀「墨」嘅話有機會唔使變到咁差，不過世事冇如果。

本書主要都係講我哋中國文化嘅弊病，着墨喺香港嘅唔太多，而一因為只係一堆散文，想深入想有系統了解中國文化有咩位需要反思嘅可以睇蕭建生嘅《中國文明的反思》。《來》作為一本短篇易入口又輕鬆嘅禁書我會覺得係香港人必睇，因為可以審視返自己有幾多中國陋習。有一篇文引用1970年心理學家布魯姆教授嘅調查，發現香港華人的社會原則性遠比法國人和美國弱：「也就是說，香港人很少會以個人心底裏一種堅定不移的良知和道德準繩，來檢視傳統社會和政治權威的要求是否合理。說得更明白一點，香港華人就是見風使舵的風派奴才。」作者係另一篇文更加直接寫出：「我已頗肯定，香港人顯然仍然是以奴才佔絕大多數，發展民主幾乎是不可能的。」
去到今日捉哂啲民主派，遲早會到投過票嘅選民，唔需要驚訝，唔好再用「法律」「邏輯」去諗件事，只要佢覺得你有可能搞到佢你就有罪，就係咁簡單。係咪可以怪哂黨嘅意志？始終咩樣嘅市民就有咩樣嘅政府，97年前曾經都有機會:「前輔政司麥道軻於40年後回顧說：若一群人不想自治，而你偏要去推動他們自治，當中的困難，是不用低估的。」

正如作者係2004年寫低嘅一段：

「以香港市民的性格，莫說2007年沒有普選，就算2100也沒有普選，他們最多只會繼續舉行很有秩序，很有耐性地上街遊行，然後和平散去這些儀式，而民主派議員則繼續以捍衛為民主為選舉口號，直至永遠。」

#來生不做中國人
ISBN: 978-986-7178-52-7
英文書名： I Don’t Want To Be Chinese Again
作者： 鍾袓康
出版： 允晨文化實業股份有限公司

#中国人 #中国 #中国文化 #中國 #中國人 #讀後感 #圖文並茂 #書 #書中自有黃金屋 #書中自有顏如欲玉 #閲讀報告 #books #書籍介紹 #閲讀 #閲讀筆記 #閲讀筆記 #講讀

2021/01/09 on IG