懶人必備：旅行悅事裝備清單（上）

旅行撞正月事就一定係麻鬼煩冇興緻？

踏入六月，旅行的氣息漸近，大家係咪已經計劃好呢個暑假去邊玩？陽光與海灘定係去南極睇極光？無論係週末香港遊山玩水，定係兩三個月的背包遊歷，黎Ｍ呢件事似乎都係唔少朋友的憂慮吧？我哋一連兩集為大家介紹一下懶人必備旅行悅事行李清單！今日先介紹 #月經杯篇：

月經杯：一杯走天涯

旅行話曬都係為左休息同HEA，如果唔係跟團，我會揀返個 #自己覺得最舒服的月經杯（Ruby Cup is my best choice），係量多個一至兩日，安排中間返一返酒店慢慢取出清洗，休息一下再去遊玩！

如果大流量的朋友，或者每日在外時間很長，就可以考慮返 Super Jennie、#月釀杯、Merula Cup或者 FemmyCycle呢啲 #容量大，#防漏效果好 的月經杯啦！量少既尾幾日就可以用返個細啲既月經杯，輕鬆玩！

（Zoe試過好幾次都係用住月經杯🍷就上機，唔怕唔記得拎😂）

布護墊／棉條：以備不時之需

如果月經杯容量不多或者未完全上手既朋友，可以考慮帶定幾塊布護墊，滿左滲漏都可以玩多幾小時先返酒店，出外換左杯唔小心跌左都唔洗呢hea，有棉條做後備！

消毒用品：輕鬆消毒安心玩

不論住青年旅館自由行，還是跟團住五星酒店，搵方法消毒月經杯應該係大家最頭痕既事，公家煲／微波爐又怕比住客見到、酒店房內既熱水煲又冇可能拎黎烚自己隻月經杯，咁可以點呢？

如果 #短途旅行，可以先係家中烚定好個月經杯，放係乾淨既容器入面，去到要用前就用 Hyginova噴均全杯等三十秒或自然風乾就可以即刻用，唔洗愁邊度搵水烚佢黎消毒～

如果 #長途旅行，我會建議帶個消毒杯，配合Milton迷你消毒丸，咁每次月經前後就可以用一杯清水加兩粒迷你消毒丸黎幫月經杯徹徹底底做消毒，一盒有50粒，可以去足成年旅行都唔洗煩喇。

💧Hyginova輕便裝只係55ml，唔洗撻朵都可以帶上機的，但記得還要同其他100ml以下的液體放到透明袋裡啊。

💡提提大家，如果旅行係你試用月經杯的動力，唔好等到旅行一星期前先嚟問我哋有冇得 #即日送貨，除左我哋冇呢個服務之外，月經杯係要花時間上手熟習的，至少預早一次Period既時間比自己get ready先帶杯走天涯啊！😉

下集同大家講下 #帶住布巾去旅行

知多啲啲：

衝浪人常用的物品，有那些環保替代方案？bit.ly/2LTVCji

#月經杯 #旅行 #布m巾 #happeriod #旅行悅事裝備清單 #travelkit #travel