My little detour - 《從San Lucas到 San Pedro》

靜靜哋咁係San Lucas渡過左4日3夜，每餐都係食住嗰味餸， 雖然好喜歡呢到嘅寧靜同平淡， 不過都係時候走人了。 今早交低鎖匙就行去搭架truck去Santiago。嘩! 我第一次搭呢的， 真係好鬼刺激！間唔時會有的枝枝葉葉打落塊面到， 同埋的風直接吹面， 搞到我個鼻再塞dd。 不過都係好經驗，呢到除左好似我咁想送運自己去另一個地方，亦會有人運埋柴， 大家互相扶持讓位， 好搞笑！聽佢哋傾下眨下眼就到。落車時佢收我Q10， 我話唔係Q7咩？然後二話不說塞啱錢比佢就走， 搞到成車人係到笑🤣， 唔知係笑我騎呢定笑佢呃我唔到呢？

落車行無耐就到碼頭搭船， 被堅持收了Q25（明明上網睇人哋唔係呢個價喎） ， 不過沒有選擇下唯有照搭， 但總有點不悅。

在船上認識了一個本地人， 他是玩音樂的， 仲請我食前幾天伯伯請我吃的jocote。 我哋傾左一陣就到， ， 分道揚鑣後我就搵住嘅地方。真係一不離二， 承San Lucas的經驗，大門又再次沒有人應。 不過好彩屋主很快回來， 不用等很久！

其實間hostal環境我都幾鍾意， 但出去行一轉後覺得San Pedro不大， 加上沒打算行山， 所以可能留兩天就走。 由於這裏不能用廚房， 所以今日全日用麵包搞掂， 但很開心呀， 不用再吃自己煮的東西🤣🤣。 回去後跟hostal的host講只待兩晚， 他ok ar，而現在最重要是找車到Antigua。 

晚上沖涼時停電， 好彩剛沖完， 因為水即時變冷， 我摸黑換衫， 不過就無辨法吹頭喇， 唯有濕住頭反轉個人瞓。 

已用：Q139.5

Q7 truck to Santiago 

Q25 boat from santiago to san pedro

Q100 stays x 2days

Q1 bread

Q3 bread n cake

Q2.5 limonada

Q1 bread