Mioggi 1064激光活膚療程 V.S. Perfect Medical PicoCure超皮秒去斑療程邊個好？1次就清走多年雀斑！
小朋友有雀斑，可能好多人都會覺得可愛，但係踏入30歲都仲有雀斑，就真係驚嚇多過可愛啦！其實25歲之前覺得自己塊面有雀斑都唔係咩大問題，畢竟由細到大都慣咗，但唔知點解，人越大，就越覺得啲雀斑唔順眼......尤其落咗妝之後，都會覺得啲雀斑越嚟越深色......所以我決定30歲要去做激光打走曬啲雀斑！
而家啲美容院真係有好多打斑療程，又皮秒、又納秒、又蜂巢頭之類......唔識嘅話真係會睇到一舊雲咁......好彩我身邊都有啲朋友有打斑經驗，有個朋友仲好好人，refer咗我去試做Mioggi 1064激光活膚療程，佢話舊客refer新客有優惠，咁我見價錢唔係好貴，而且朋友又推介，咪走去試吓囉......
點知試做完Mioggi 1064激光活膚療程之後，我諗我以後都唔會再去......
本身我上到去Mioggi係朗豪坊嘅分店，本來所有野都好地地，登記完recepion個同事就叫我等一等，結果我坐低一等，就等咗半個鐘......中間我有問Mioggi啲職員仲要等幾耐，佢地只係覆我話，個日啲booking好full，部機仲有人用緊......但我係lobby等咗半個鐘，都唔見佢地有好多客出入......之後我見到有3,4個同事應該係食完飯返嚟，隔咗10分鐘，就係其中一個出嚟serve我，我覺得根本係Mioggi啲同事食飯未返嚟，所以先要啲客係到等咁耐囉！！！
之後入到consult room，我一坐低，就有以下嘅對話：
Mioggi個位同事：今日個1064激光活膚療程唔係好啱你做喎，你不如加錢upgrade轉做皮秒啦！效果勁好多架！
我話：吓？但我係朋友refer嚟架喎......佢話覺得好先refer我嚟做......
Mioggi個位同事：皮膚呢啲野人人唔同架嘛，你朋友啱，唔代表你都啱做囉......你啲斑要用皮秒先打得走架，你唔upgrade做皮秒就冇乜用囉......
我話：你又知我啲斑要用皮秒打？
Mioggi個位同事：我地睇咗咁多個客，一眼睇都知要用咩打啦......同埋皮秒今日做緊promotion，你upgrade咗試做完，就可以用優惠價買package，比起單次買抵好多架！個優惠人做埋今日，你唔買真係好多客都想買，有quota架，下一秒就可能會比其他客用咗架啦......
我話：我都係想試返1064激光活膚療程......
之後就好似咁樣back and forth咁講多成15分鐘，Mioggi個位同事先肯放我去做1064激光活膚療程......但做1064激光活膚療程個體驗都係麻麻地囉，Mioggi嘅治療師都係好hea咁搵爽膚水抹兩吓塊面，跟住就拎起個機頭打落嚟......仲要是但係顴骨位打幾下，就同我講打完，最後幫我撻塊mask就走咗出房......塊mask一啲都唔濕，敷咗我諗15分鐘，我真係頂唔順，走出去搵Mioggi嘅職員講話塊mask乾曬，叫佢地搵人入嚟執返手尾！
本身諗住做完1064激光活膚療程都走得人，點知先前個位Mioggi同事唔見咗，換咗另一個同事再嚟同我「疲勞轟炸」......佢又同之前個位Mioggi同事講返啲差唔多嘅野，又話而家唔買好蝕低，upgrade做皮秒抵好多，皮秒打斑快好多、白好多......
講真，如果經歷完咁嘅體驗，都仲會幫襯Mioggi嘅話，我諗我真係史上第一蠢人！總之最後我冇買到任何野，我只係比咗我試做1064激光活膚療程嘅價錢就走咗......
試過咁差嘅體驗，我真係一次機會都唔想再比Mioggi，我知可能都有人係Mioggi做facial做得幾好，但我嘅體驗真係太差......好彩之後我遇到另一間美容院，終於可以嘗試到「正常」嘅打斑療程！
Perfect Medical我諗好多人都聽過，亦都有好多人誤會佢地係黑店，其實事實完全相反！我去完Perfect Medical之後，覺得佢地服務真係好好，而且打斑療程嘅效果都幾好添！
第一次去Perfect Medical做PicoCure超皮秒去斑療程就係免費試做嘅，大家上網登記返就有呢個優惠！(免費體驗：Perfect Medical PicoCure超皮秒去斑療程)我登記完好快就有confirm msg，去到舖頭Show返msg就可以~
Perfect Medical係朗豪坊都有分店，我一去到登記完，等咗5分鐘左右，就有位職員帶咗我入consult room，佢話先幫我用儀器做個皮膚分析(絕對唔係好似Mioggi咁用肉眼睇就算！)，用儀器分析完，Perfect Medical嘅職員仲會同我了解吓平日點護膚，又俾吓建議我可以點樣做，加快令啲雀斑消失，完全零壓力，純粹好似傾計咁樣......
之後就會去療程動，由清潔、打PicoCure超皮秒去斑療程、敷mask，Perfect Medical嘅治療師都好細心，開始打PicoCure超皮秒去斑療程之前會問吓我怕唔怕痛，打到近面骨位都會問吓我刺唔刺激，首先全面打一次，再係有雀斑嘅位重點打多次，最後敷埋個補濕mask就搞掂！
打完PicoCure超皮秒去斑療程之後，Perfect Medical嘅職員會同我去返consult room，再用儀器check多次皮膚狀態，見到啲斑真係淡色咗，整體膚色都均勻咗少少，估唔到一次PicoCure超皮秒去斑療程個效果會咁明顯！我都真係嚇親！
之後Perfect Medical嘅職員有再講多少少，例如返屋企護膚要注意啲咩，同埋唔好用熱水洗面、要搽防曬等等，俾咗好多預防反黑嘅貼士我！我跟足曬嚟做，覺得好似真係有令PicoCure超皮秒去斑療程個效果再long lasting啲！
Perfect Medical PicoCure超皮秒去斑療程我真心覺得抵做！一來服務夠曬好，二來做完1次已經即時有效果，仲要唔係曇花一現個種！真心推介，想拿拿臨令啲雀斑同色斑消失嘅話，一定要做Perfect Medical PicoCure超皮秒去斑療程！
