[Blockchain]穩定幣真的穩定嗎？
首先，乜野係穩定幣？
穩定幣（stable coin）係指對某種資產嘅錨定幣，主要跟隨錨定資產價格而變動。
咁穩定幣可以錨定乜野資產？
1，加密貨幣資產，
例如：錨定ftm嘅tomb/錨定btc嘅digg等等。
2，法定貨幣，
例如：dai/usdt/usdc錨定1美元/agEUR錨定歐元等等。
3，貴金屬，
呢個係blockchain 比較少見。
但一般人所講通常係指美元穩定幣。
穩定幣可被兩種條件所分類，
1，去中心化
視乎發行機構是否法律實體及受政府監管。
去中心化嘅穩定幣：
dai，mim，ust，rai，frax，fei等等
中心化嘅穩定幣：
usdc，usdt，busd等等
2，抵押品
抵押品可以以鏈上資產或鏈上資產所構成，
例如：美元，eth，btc，債務，衍生品合約
有抵押品嘅穩定幣：
dai，mim，frax，fei，busd，usdc，usdt等等
不具抵押品嘅穩定幣：
ust
本文僅討論一些主流嘅穩定幣，如果沒有提及某種穩定幣，可能本人忽略左，如果所有穩定幣都被討論，篇幅會相當長。 例如：float，celo，oxd，angle等等。
咁多隻穩定幣之間有咩分別？
busd：中心化有抵押美元穩定幣
由幣安（全球最大中心化加密貨幣交易所）發行及擔保有1兌1美元嘅穩定幣。
usdt：中心化有抵押美元穩定幣
由tether發行及擔保有1兌1嘅穩定幣，現為最大市值及交易對嘅穩定幣。
但其財政透明度一直為人所質疑及行事相當神秘，美國國會質詢亦未有出現。
其審計報告也沒有清楚指出相關資產分佈。
usdc：中心化有抵押美元穩定幣
由circle 所發行及擔保有1兌1嘅穩定幣，其市值僅次usdt。
其財政透明度及審計報告相當清楚，亦主動接受監管。
Frax：去中心化有抵押嘅算法美元穩定幣
由frax.finance所發行及擔保有相應抵押品嘅穩定幣，
其抵押品主要為usdc及fxs（其股權代幣）以fractional算法所支持。
Dai：去中心化有抵押嘅美元穩定幣
由Makerdao所發行及以CDP債務部位超額抵押所支持嘅穩定幣，
Makerdao係2014誕生，其dai早於以太坊誕生。係以太坊最早嘅參與者及建立者，只有在以太坊上提供服務。
最近係twitter不停攻擊同為穩定幣嘅ust及mim。
mim：去中心化有抵押嘅美元穩定幣
由abracadabra.money所發行及以CDP債務部位抵押所支持嘅穩定幣，
係makerdao摸仿者，及部署係唔同新L1公鏈，並得到唔少用戶使用。
最近，TIME CFO 為罪犯嘅事件曝光，影響同為一系列嘅協議，其中也包括abracadabra.money
FEI：去中心化有抵押嘅美元穩定幣
由FEI protocol 所發行及以eth為抵押嘅穩定幣，
跟隨bonding curve浮動區間調整套利者行為，
首創以PCV（Protocol control value）去鎖定資產，以防止資產流失，
也提供流動性即服務（Laas）。
UST：去中心化非抵押嘅算法美元穩定幣
由terra.money（新cosmos公鏈）所發行嘅穩定幣，
以其原生代幣luna來維繫其peg系統。
1ust可被兌換為1美元luna，反之亦然。
當de-peg發生時，其系統會提供經濟誘因，促使套利者將其推回peg。
RAI：去中心化有抵押嘅美元穩定幣
由Reflexer lab所發行及以CDP債務部位所支持嘅穩定幣，亦係Makerdao模仿者，
不過其rai係錨定係3.14美元左右並有一定波動空間，
且其利用反射函數推遲因為市場波動而造成嘅清算，
減低因波動而突然上升嘅需求及供應。
穩定幣真的穩定嗎？
（數據來源為coinmarketcap，僅屬參考，旨在指出其波動，請忽略timeframe）
BUSD：
BUSD在發行初期 ，有相當大的波動，曾升至1.05美元及跌至0.97美元，及後波動性沒有發行初期大。
USDT：
USDT 2017年曾有一段時間長期低過1美元。
USDC：
USDC曾有一段時間長期上下3-4%波動。
FRAX：
FRAX看似穩定，但亦曾經升值6%。
DAI：
DAI 2020年相當波動。
MIM：
MIM 存在時間短，暫不評論。
FEI：
FEI一開始曾掉到0.7美元及後在市場波動仍有de-peg。
UST：
UST曾跌到0.86美元，及後在市場波動仍有de-peg。
RAI：
RAI本身設計屬於相對其抵押資產波動，難以比較，暫不評論。
綜上所述，穩定幣並不一定穩定，有一定嘅波動空間。
係大額清算，交易及大規模市場波動下，穩定幣一樣可以具有波動性，問題係該穩定幣能否回復到應有嘅水平。
另外，最重要嘅問題係你了解自己擁有嘅資產嗎？
本文其不構成任何財務建議，僅請咁多位注意。
以及，本文並不深入探討任何一種穩定幣及其優劣，可能會有一定錯誤，還請閣下提出及指正。