My little detour - 《感覺像回家😊, 仲可以去接返我副眼鏡》

2022 年 5 月 27 日

12 Aug 2019, Mon (Day 74 晴, San Cristobal de las casas, Mexico )

話說，琴晚搭overnight bus嘅巴士站到，我見到阿Bill叔叔嘅身影…好彩上車嘅時候見唔到阿佢，心裏暗喜😆😆😆

不過瞓得唔好，一嚟冷氣超凍、二來我個背包放大肶，壓鬼住我對腳仲搞到個位有的逼。加上pat pat坐係到唔郁確實好難頂，我有肉地都痛。

到左Tuxla好多人落車，而阿Bill叔叔真出現左喺我面前。佢原本坐廁所附近座位，見人走左就坐左喺我隔離嗰行。我唔小心望左一眼後keep住望窗，但最後佢都主動叫我。不得之了，之後係咁同我講野，但我真係好攰只想靜靜哋，我唯係咁有望電話。佢問我一陣會去邊到lunch, 我出左最後武器，話我無cash了要自己煮，一嘢KO (雖然好衰）。但太好了，如果再講落去，我驚我核爆。

到埗之後，唔知點解有回家的感覺，可能之前喺到留左一星期，所以覺得熟悉，很有親切感。去到hostal繼續搵唔到門鐘，好彩有個住客好好幫我開門。原來男士們昨晚賭通宵，所以攰到無力。被叫醒出來迎接我一下後就睡了，鎖匙都無比我。所以呢，我執好晒要洗的衫，要等下有無住客得閒幫我開一下門外大閘🤣

我先攞衫出去洗（20 peso 2 kg, 好抵），明天12點有得攞。之後去左買蕉， 2隻加埋3 peso, 真心平。由於眼鏡4點先有，我唯有先去買車飛去Xela。其實當然可以自己搭公共交通公具由墨西哥去危地馬拉，不過呢，我見個價錢都算reasonable，仲可以省卻一的擔心同輪盡，所以我決定坐呢種shuttle。呢程shuttle係 450 peso，仲平過墨西哥巿內坐車。不過由於無晒cash, 碌卡收4%手續費，總數468 peso，仲要係07:30 hostal接你。而由於我訂的hostal好近落車點，佢會送我直接hostal, 正到無朋友。跟住我又依舊亂行，行返去上賣手造番梘地方，買左一舊用嚟洗面（20 peso), 再去左買翠肉瓜、蘑菇、蒜同意粉（21 peso)。行到咁上下時間差唔多就去攞眼鏡。戴上係有的暈嘅，但好過買嚟無用，應該戴戴下會慣。跟住去埋超巿買雞件同汽水就返去。比埋hostal錢（440 peso）後真係無晒錢，逼於無奈時唯有碌卡。