專家撞頭埋牆篇

有時真係唔明點解 D 專家幾乎全部都調轉嚟做（包括歐美、韓國、澳洲、日本都係咁）！？！

要等個疫情爆發得咁上下先去認真隔離檢疫甚至封城。

隔離檢疫甚至封城都係同時間競賽，早半日封同遲半日封效果都好唔同，時間一過就好似連鎖反應咁，付出嘅代價百倍千倍甚至萬倍！

就好似深圳咁，連痾米狂都按得落嚟，有版你睇，封城一定要快、狠、準！唔好以為自己特別聰明，明明有最好代價最低嘅方法唔用而自己撞頭埋牆！

悲劇不斷上演，幾十單唔封，甚至幾百單都未封，上到幾千、幾萬單先被迫去封，各個城市不斷發生呢 D 事，成千上萬專家不停睇住呢 D 事發生！乜嘢精準！乜嘢可防可控！乜嘢行之有效！乜嘢科學化封檢！都唔可信，只有快狠準認真咁封先有效，連反彈都冇，睇下深圳就知（估計有可能係因為快速封控換到時間去建立咗一定嘅微量抗體保護咗個城市，不過呢點只係有聊得很用常理去估計）。

黃帝內經都有治未病概念，更何況成個城市！？！

打個比喻，等個病人斷咗氣先去急救有乜用！？！可惜全世界不斷有城市發生 D 咁嘅蠢事，嚟緊都仲有⋯幾十、幾百唔封！睇住嚟，月中打後，一萬幾千就被迫封架啦！呢個城市仲係有聊得很好想去玩住返一兩個月嘅，希望冇事啦！

作者：有聊得很（manbolo88)