《PSYCHO-PASS》第一季 睇後感

終於係Netflix睇完《PSYCHO-PASS》第一季，因為只有第一季係虛淵玄寫，所以儘管未睇劇場版同第二、三季都寫少少野先。

故事背景話日本有一個好勁嘅系統，可以check到人嘅犯罪指數同人嘅潛能，所以犯罪指數高嘅人，儘管佢地都未犯罪，只是心靈上反映出佢有犯罪傾向，結果就殺左佢同困住佢，又按人嘅潛能咁分配工作，人只係可以系統決定下作選擇，可能咁就揀唔到自己鍾意嘅野。

警察只需要按系統的決定行事就可以，唔洗太有自己主見。社會上被圈養嘅人就快快樂樂咁生活。突然有一個人開始反抗，打算破壞個系統，因為佢覺得個系統扼殺左人嘅自主，睇睇下都幾似Code Geass，警察的一方都反思系統是否絕對正確。

有一刻我都分唔到誰正誰邪，誰是主角就誰是正義的一方，結果有趣地是主角情感上抗拒系統，但理性上維護著系統。因為毫無疑問系統的確保護左好多人，雖然犧牲了小撮人，都幾功利主義。如果反思現今社會，誰對誰錯都有不少討論空間。