香港人原來是巨蟹座：用情深但容易忘掉未來｜愚人節將近二十載的念舊情傳統，見懷緬他人勝過成全自己的香港星盤

愚人節諗諗吓，其實香港人都真係好巨蟹座😹（香港真係巨蟹座㗎，回歸重置盤：1997年7月1號，巨蟹座，一般時事占星算法，是像一般人的「出生時間」，只是宮位會分別代表不同的東西）。

//PS. 占星係講一種形而上嘅傾向，運用咗能量學嘅象徵學說，是很好的用作自我觀照、啟發思考的工具，切忌奉為一種金科玉律/叱叱稱奇的對象呢。^_^ （我都係先根據自己嘅觀察所得嘅觀感，喺今朝突如其來嘅靈感，忽然醒起香港係呢個星座，又覺得都好中😹，所以係個人觀點嘅分享嚟呢，以下正文開始～//

有時會好想好理性，但其實理性唔到，最後都係要有感情帶起衝動。

所以其實overall無論咩立場嘅人都係好傾向感性行事😹😹呢下感情係咁樣，就做this講this，另一刻有另一種情緒到咗就去做that😹好意識流跟感覺，其實係一種隨遇而安好巨蟹性質嘅習慣嚟㗎，所以有啲人衰啲講會話係一種雙重標準，最難聽我見過有人話「精神分裂」。因為少連貫、弱理性。

其實因為重感情😹😹巨蟹座係天然做唔出，冰冷機械人式高理性，就算佢表現得好理性都係呢一刻，又或者甚至係一種呃自己😹實際上個心都係好軟好軟，好易喊，好細膽。

＊

講返，計回歸盤嘅香港人都真係回歸咗之後就一直懷舊，一直望返轉頭，好似多數人都係覺得冇乜新嘅文化嘢可以比得上更舊個啲嘢，成日「新不如舊」掛口邊。

最鮮明嘅例子可能就係，「4月1日」呢日一但開始咗個傳統去懷念，就永遠都變咗懷念日，甚至上年一句「永遠懷疑」都拎咗出嚟再懷念。😹

明明當年同年仲有另一位巨星隕落，但未必有愚人節呢日咁易記。<嗱係咪好感情用事先！真係啲post都舖天蓋地啲😹

有時我阿婆格上身，會想語重心長同啲香港人講，呢個傳統都就快二十年啦，愚人節係個少數提醒人要輕鬆嘅日子，大家與其心痛隕落咗嘅明星，不如試下都去心痛下自己，比自己輕鬆下。

畢竟，都無乜邊幾個係唔痛苦嘅啦xd，既然眾生皆苦，你都要識得愚人節自娛：）

＊

講開又講懷舊，唔知有冇人都覺得，好多人日常講嘅嘢成日重重複複重複又重複，quote極都仲係好多年前嘅同一句說話/電影台詞/潮語之類。其實普遍都唔係好接受到新嘢，挑剔又排外（視乎自己高興地挑剔批評，通常對人不對事😹）呢啲其實都好巨蟹座～。另外，做新時代人類好多人都要自我跨越咗心理關口先😹而唔係天生就做到嘅一啲自由獨立嘅戰鬥格。

呢啲嘢其實好巨蟹，正面睇個部份就其實呢種能量好體現到一種「精神昇華」㗎（先有負數，然後升值到正數，都咪話唔勁㗎。經歷咗呢種洗禮嘅人，思想、心靈、精神層次係會有深度啲㗎，例如「理性絕對」同「愛」之間嘅正義拉鋸，唔係度度地方都可以比人類嘅人生遇到咁多觸發點去不斷深究思索同一個議題㗎）。

巨蟹嘅能量喺香港——呢度講緊一種集體意識嘅主要能量性質——個性質會提供咗個趨勢，令人有某些傾向去觸及同一類型嘅事件，因為everything is about perpective吖嘛：〔人只會着眼對自己有觸動嘅嘢，而星座能量係體現一個人會傾向被邊一種能量觸發〕

＊

總結下先，呢篇文主要係想透過集體能量喺巨蟹嘅演繹，去了解多啲有關香港人身份。咁巨蟹嘅定義上面講咗啲，同埋上網都大把介紹雖然好多錯知識，下面等我講講最重要嘅「潛力」啦！：

巨蟹座特性：保護自己的家人～為母則鋼！

感情用事，偏為怕事被動認命順從，一但受傷就容易失理性起鋼槍頭亂指，好容易承受唔到背叛而信念動搖，但又因為重情其實好難完全放低；而咩時候佢地可以發展到最強潛力呢？就係當佢地有咗想保護嘅「認定咗嘅家人」，咁佢地就會為母則鋼！

所以前提係「先有了家」呢，而「家」嘅範圍同定義係人人唔同，咪引起唔同人有唔同決定囉，冇得逼㗎係睇重感情㗎啦🐬但係認定咗嘅嗰啲，個bonding打風都打唔甩！

其實巨蟹能量係相對於出名係老闆/嚴父格嘅山羊座，係同山羊擁有一樣嘅強度嘅，是母親、女性、陰性的原形，係占星星盤入面都係四大軸中嘅一軸：天底！～只係因為巨蟹屬陰所以睇唔出。

唔知以上呢啲知識你有冇共鳴呢，歡迎分享交流下呢～，同埋都想帶出一點，占星知識唔係用嚟話「係咁架啦」，而係着眼認清自我，同埋了解「集體意識」嘅存在呢～ 希望呢啲知識可以帶到一份力量比人啦(o^^o)

最後當然要，愚人節快樂！

By正經打不愚人嘅長文都幾快樂的我

2022.4.1

Lili - the Soul-language Worker

(如欲了解更多我的催眠服務，可以在Youtube搜尋「催繼續吹」或按下方連結，是由我主持的網台節目）

https://youtube.com/playlist?list=PLt1g_wFfz0IC-3W9KGxjqZtOVmqxJgvmY