用個科幻腦黎抗疫&準備促進經濟復甦（二十）動態清零 Vs 與病毒共存（下）動態清零 KO 佛系與病毒共存。仲要贏完人再贏埋陣！
用個科幻腦黎抗疫&準備促進經濟復甦（二十）動態清零 Vs 與病毒共存（下）動態清零 KO 佛系與病毒共存。仲要贏完人再贏埋陣！
動態清零，到底係清乜嘢零呢？
試下用計算機顯示數值嚟解釋。
我哋由中學讀到入大學，好多時都會用計數機，計數機最準係顯示十個小數位嘅，想再準 D 就冇法架啦！
但係，計數機自己計數就唔係計十個小數位，係至少計十三至十五個小數位。因為，咁先可以分辨出有理數（eg.分數）同冇理數（eg.pi)嘅分別。簡單 D 講，所有數據都有更細嘅、隱藏嘅、更準確嘅數值去幫助提取大約值去得出結論（所以，有聊得很先會時時話有聊得很個腦裏面係冇0%同100%嘅，所有黑與白，0%同100%都係 approximated 得出嚟嘅。
咁動態清零，到底係清乜嘢零呢？
成個城市冇肺炎囉～～～
幾咁簡單～幾咁舒服呢～～～
咁⋯有冇肺炎點定義呀？
冇病囉！
咁冇病又有冇病毒呢？
What？
What do you say ？
唉！
冇病就冇病毒架嗱！？！天真！！！
或者咁去理解成件事⋯
CT值 33 可以出院(因為專家話冇傳播風險，據講話仲會降到 30 添）。
咁⋯乜嘢叫冇傳播風險呢？
病人帶好少好少好微量嘅病毒少到不足以傳到比人囉！
好啦！咁⋯點解不足以傳到比人呢？
專家話囉！
唉！唔係幾想評論呢四個字！
換個角度睇⋯
既然仍然有極微量病毒，有聊得很就有理由假定仍然有極微量嘅病毒傳得到比人⋯
超～吼～～妖～～～
咪咁激動住，我都未講完，講完先係檢討合唔合理嘅時間。
有聊得很嘅推論係⋯
不足以傳到比人嘅意思更合理嘅解釋係病毒傳咗比人之後，因為太少，會喺大幅繁植（發病）之前，自身嘅免疫系統已經有足夠嘅時間產生咗抗體打低咗呢 D 極微量嘅病毒。
注意❗️時間係幾咁重要❗️
呢個「不足以傳到比人」嘅真正意義仲帶出咗兩個信息：
1. 冇病 =/= 冇病毒
2. CT 33 嘅人傳比其他人嘅最終好可能唔係病毒而係激化其他人自身產生抗體（極有可能都係極微量甚至檢測唔到嘅）。
動態清零嘅真正意義係將成個城市所有 CT 值 33（或者據講減到 30 添）或以下嘅隔離及治療，係清 CT值 33以下嘅零，而 CT 值 33以上嘅就可以出院（可能仲要自我健康檢測幾日囉），甚至激化其他人產生微量抗體，連疫苗都唔係絕對抗得住嘅病毒，人體自身嘅免疫力只要有足夠嘅時間就做得到！有聊得很叫呢個叫「種牛豆效應」。
所以動態清零嘅最主要作用係換取更多嘅時間去建立連疫苗都未十足做得到而人嘅自身只要有足夠時間就做得到嘅群體免疫，去保障整個城市嘅人嘅生命同健康。
我咁講，好似未有「專家」講過播！？！
係咪「專家」講都好，都要講數據係咪？
武漢、西安、禹洲⋯細嘅數唔晒啦！成功利用動態清零壓下疫情嘅相信不久將來會加埋香港（香港仲要係好難處理人流之下壓兩次，如果 D 人唔係傲漫同小看咗病毒嘅話，應該仲會好 D）。
相對人哋 D 西方城市爆到七個一皮！
係呀！有聊得很係咁㗎啦！睇實際戰績！
的而且確係：
七 。 比 。 零
講到天花龍鳳都冇用！
七比零就係七比零！
所以動態清零好肯定可以保障整個城市嘅人命同健康。
唔簡止係咁⋯
還有一個額外超級 bonus ！
換取更多嘅時間產生群體免疫先至係真真正正嘅與病毒共存！
西方嗰種佛系與病毒共存點解失敗！
一字咁淺⋯
衰咗咁多次都仲有人信！？！
好！如果你真係仲信，有聊得很再好認真咁比個打擊你⋯
佛系與病毒共存提昌者多數講 D 乜？
打咗 D 嘢入身體會影響宗教信念升唔到天堂！！！
哈！呢句咁多餘廢事駁啦！
小感冒嚟嘅啫！冇事嘅！
唉！唔好計2020年，淨係計最近呢半年，全球死咗幾多人？自己計！
呀大把口就吼嗰 D 人唔該睇事實睇數據！
最最最可笑嗰句：
全世界一係染咗病一係打咗針，跟住就達至群體免疫架啦⋯
結果⋯打咗三針再染疫嘅此起彼落（唔好又嚟非黑即白呀！我冇話打針冇用，打針係有另外一個用途嘅，一陣補充）！！！
佛系與病毒共存到底錯喺邊庶！？！
會變種呀！
會變種呀！
會變種呀！
重要嘅嘢講三次！
變咗種，你個佛系與病毒共存咪又要 reset 從頭嚟過囉！
點解西方嘅佛系與病毒共存越爆越大穫仲有一個好重要好重要嘅因素！
越多人染疫就越容易變種，呢一句相信任何一個專家都知，但係就冇一個肯企出嚟叫停佛系與病毒共存！唉！
結果，不斷循環：
佛系與病毒共存—>
大爆發—>
病毒變種—>
不斷循環⋯
唔單止不斷循環，仲有可能因此拖長咗整個疫情生態。好鍾意講水渠同氣體流體力學嗰個微生物學專家你可能會失望啦。你應該係根據西班牙流感個疫情生態估計今年中疫情會大至完結。
有聊得很好肯定話你知，你非常大機會失望，疫情喺西方仍然堅持佛系與病毒共存之下非常大機會再反復多一兩年。
打疫苗唔係絕對有效，唔好非黑即白，只有蠢豬先認為唔係絕對有效就等於冇效，事實係部分有效，專家嘅講法係會降低死亡率同重症入院率。唔同嘅新冠病毒抗體係會有部分交叉抵抗唔同病毒嘅能力嘅，所以有聊得很堅持話係事實係部分有效。
現今愛滋病最有效嘅治療方法係雞尾酒療法，即係用一系列嘅藥一同治病。
打疫苗唔能夠100%防疫、戴口罩都唔得！
但係⋯武漢、西安、禹洲⋯一次又一次咁證實咗：
打疫苗+戴口罩+保持社交距離+動態清零⋯
呢個新冠雞尾酒療法先係打敗新冠嘅方法。
作者：有聊得很（manbolo88)