香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。

創業家之路

2020 年 12 月 14 日

相信大部份老闆都面對過創業之路，每一個人都身經百戰，周身傷痕

成功做好一件事其實真係要團隊每個崗位各展所長

就好似以前踢地盤嘅時候，泥水師傅，木工，石屎工，機電師傅，冷氣師傅，鐵器師傅，油漆師傅，工程師，建築師，安全官，雜工，老總，會計，測量，採購，客戶代表，官員，貨車司機，天秤機手，挖泥機機手，水喉師傅，泥井師傅，紮鐵師傅，地盤項目經理，政府人員等等，每一個項目要成功都係有賴各方面嘅配合同日以繼夜咁去拼搏先會做到出嚟

任何一個位崩咗，下一家就無得開始，成個地盤都會起唔到貨

所以點解地盤佬成日屌媽擦蟹，因為任何一個崗位一失手，就影響好多個家庭嘅生活

所以踢地盤真係可以話係最複雜嘅工作

其實作為初創企業，同開一個新地盤一樣，希望各位初創嘅老闆都有呢個決心，而且老闆最大責任就係搵錢返嚟養住成個地盤嘅營運

所以話老闆都係千錘百煉咁捱出嚟

好多年輕人會覺得咁大風險，咁難做，點解唔打份工好過？

打工係有咁嘅需要，去吸收同學習人哋公司嘅制度同文化，但係打夠幾年就應該要考慮自己發展

你有冇諗過喺工業化4.0嘅時代，你貪圖安逸去打份風流工，到你5,60歲嘅時候，社會對於低技能嘅工作崗位需求係遠遠唔會再有好似今日咁多？

唔好再相信呢個世界會有工作養你一世，貪圖安逸工作會引致變成退休貧窮

國內及全球人類都有背水一戰嘅心態，世界係會大亂，喺香港嘅你，有無心理準備呢個心態上嘅徹底改變，唔好再貪圖安逸，決心去做自己嘅人生創業家

#創業無分年紀

#心態決定境界