香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
初創路
近日接觸好多不同嘅初創企業，認識到好多有抱負嘅年輕老闆
呢班初創老闆普遍都有唔錯嘅presentation skill，而且大部分年輕人行動力都好好
不過一門生意要做得成功，其實領頭人嘅眼光，心態，同行動力真係好重要。
第一，由於香港嘅市場太細，初創生意如果冇辦法有效地以全球佈局為目標，開設創業嘅時候公司架構嘅制定並冇考慮到擴張時候可以作出靈活調整，最終好大機會會因為收入不足或者架構出現不能調整嘅局限，從而冇辦法維持團隊營運開支而倒閉。
另外仲要考慮清楚到自己嘅初創企業，對比起已經存在嘅龍頭公司有咩優勝同埋不同之處。如果自己冇喺任何一方面比起呢啲公司有優勢，可能根本唔值得做落去
第二，初創企業老闆對於團隊管理嘅觸覺唔夠，亦都直接影響公司未來行得幾遠。因為人心肉做，如果老闆過度自high，覺得自己勁到爆，冇花精神心機去聆聽同埋觀察公司同事嘅需要，亦無比同事”言論自由”嘅空間，最終做落去只會剩低老闆自己一個。
第三，初創企業最唔缺乏嘅就係行動，不過作為一間初創企業反而最缺乏就係對於工作重要性嘅先後次序安排。做老闆嘅可能花咗太多時間去交際應酬，識大老闆，認識客戶，去傾生意。不過對於後勤，會計帳目，法律文件等等嘅細緻工作就會有所忽略。今時今日科技發達，幻想空間可以好大，願景亦都可以好宏偉，但係如果扎根唔做好，一切都只係空中樓閣，最終只會因為架構太大，俾人一推就推散
希望所有喺初創企業跑道上嘅老闆，每日會做到三省吾身，問問自己今日有冇邊三件事做得唔夠好。當你養成呢個習慣之後，累積一年落嚟你自己計計會進步幾多？
https://oldjim.co/zh_TW/blog/1
本文轉載自 ‘智慧社區 Wise Community’ Facebook 2020年6月23日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…