香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
FinTech 新時代
香港嘅金融制度，常用嘅支付系統包括八達通, EPS, PayMe等等都比起其他國家行得慢，甚至乎落後
當中好多嘅論述係話香港體系認受性高，社會穩定，港元穩定，所以冇原因去到學習新式嘅金融模式
但係隨着2019年下半年的社會運動，將資產分散喺全球唔同嘅地區或者唔同嘅平台成為一眾smart money嘅首要任務，逼住要學習一個全新嘅金融生態
喺過往一段時間，將資產搬離開香港嘅方法不外乎有以下幾種
1. 開設離岸銀行戶口(HSBC, Citi, DBS,Standard Charter)
2. 直接開設海外虛擬銀行戶口 (N26, Monzo, Revolut)
3. 開設離岸證券戶口(IB, Charles Schwab, Firstrade)
4. 開設離岸CFD交易戶口(Plus500, eToro)
5. 開設加密貨幣交易戶口(AAX, Binance, Huobi Global, Coinbase)
6. 開設加密貨幣熱錢包 (Blockchain wallet)
當然，以上每一種方式都有每種方式嘅特定限制。
例如透過本地銀行開設離岸海外戶口，需要持有一定程度嘅資本才可以成為合資格客戶，例如匯豐銀行嘅運籌理財戶口就需要有20萬元才可以申請海外帳戶
如果直接開設海外虛擬銀行戶口，則有機會需要虛擬銀行註冊當地的住址證明或郵寄地址
開設離岸證券或者CFD交易戶口算是比較容易，但我亦留意到證券公司陸續收緊限制，例如不再提供香港居民申請同證券戶口掛鉤的信用卡，而且近一段時間大量申請並撞正work from home嘅影響，導致服務供應商的KYC審查速度比較慢，所以開設戶口需時幾天甚至幾星期不等
至於開始加密貨幣交易平台戶口似乎是最容易及最快捷的方法KYC審查速度一般只需要一兩天就完成，而開設熱錢包更是即時可以完成
至於你問我以上邊個方法好啲？我會咁睇
如果考慮到分散風險，係今時今日嘅時勢，最好就係開設晒以上所有嘅戶口。因為今時今日經濟環境動盪，你永遠唔知道邊間公司會突然倒閉
例如全球最受歡迎的Interactive brokers之前就無啦啦因為「負原油價」事件，交易平台要損失$1.04億美金，所以如果選用的平台實力唔夠，有機會突然間蒙受不可預計的損失
其實科技金融係borderless，所以無論大家想選擇以上邊一種方式，我都覺得大家都要留意以下幾項重要嘅問題:
自己需要調動的資產規模大小？
自己調動之後的資產是打算用那一種法定貨幣計算？
資產調動到當地之後，打算將會進行那一種投資？
自己開設以上平台時所使用的國籍？(因為會影響平台所能夠提供的投資功能及選項)
自己有沒有其他國家的住址證明？
平台規模是否夠大？
平台背後有沒有強大及可信任的合作夥伴？
平台戶口入邊的錢是否受到某國家的法規規管？例如存款保障範圍
如果是屬於加密貨幣的平台戶口，交易平台的活躍客戶群數量和歷史是否都有很好的記錄？
最重要的一個問題就是，大家的風險承擔能力有多少？
在開設平台之前，記得要自己睇清楚，因為風險永遠都係自己承擔的，冇人會為你負責
利申: 以上資訊純屬經驗分享，並不構成任何投資建議，所有投資涉及風險，價格可升可跌，讀者需要自行分析市場資訊，評估及承擔投資風險。
本文轉載自 ‘智慧社區 Wise Community’ Facebook 2020年5月29日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…