WiseCommunity
WiseCommunity

香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣,去中心化金融,區塊鏈技術都涉及相當的知識及理解。 如果無一定程度嘅理解,你就算選擇正確的投資平台或工具,都難免成為"韭菜"一族,任由鯨魚們收割。 我希望一點一滴咁為大家收集和分享每日全球科技金融的知識和新聞,每日為大家充值信念,陪伴大家做『踏浪者』去享受科技金融嘅樂趣和資產增值的機遇。

Form follows Function?

其實近年來香港一直停滯不前的經濟環境及營商環境,令到我有多方面的觀察,去思考到底問題出左係邊,今日希望喺呢度同大家分享一下我嘅睇法

“專業人士”呢四個字,一直係各行各業都會掛係口邊嘅名詞

以前專業人士代表解決問題嘅人,所以專業人士資格嘅從業員地位崇高,收入亦都非常可觀。

各個家庭的父母都會希望仔女去成為工程師,律師,醫生等等嘅專業資格人士

但係隨着社會變遷,人口比例嘅變化,各大學每年產出嘅”專業人才”有如恆河沙數咁多,專業人士搵食亦都比起以前更加艱難。

也許專業人士的確有一個很紮實的專職技能和學識,但任何學校教出嚟的道理都必須要經過無數的實踐和社會經驗的琢磨才能成為有價值的東西

現今社會亦都逐漸行政化,文件化,程序化去配合”專業人士”孭飛嘅主流生態

久而久之,香港所有培訓出嚟嘅人員,都只會喺行政手段上去解決問題,習慣性搵人孭鑊。解決有問題嘅人,而唔係解決件事

另外,社會而家除咗行政程序上的對與錯,對解決事情本身並沒有太大的自由度,因為法律唔容許你有人情嘅判斷,當你去用人情判斷嘅時候就有機會負上莫大嘅風險

社會上40至50歲最Top, 最Elite, 最有心和最有能之士都會避之則吉。情願早d退休,冇興趣再參與呢個熱廚房。留低嘅都係對權力遊戲最戀棧不去嘅一群

除此之外,國際一體化,網絡化令到每日本地發生緊嘅民生問題,有可能係因為國際上某一個國家嘅政治問題的延伸。

又或者係某個小國發生嘅減產,或行業嘅轉型而引致物價飛騰。

每個地區事件嘅互動影響速度之快,係冇任何一個政權可以適應得到的。

因為官僚體系係一個非常之緩慢嘅體系

嗰啲坐喺位高權重嘅專業人士,或者政治人士根本無所適從。因為佢哋腦海入邊嘅字典,根本就冇呢個國際視野嘅畫面,亦無精神和體能去學習新事物。所以只會沿用食老本幾十年嘅知識和能力去解決目前的問題,可以話係藥石亂投,用火水救火。

以上我提及嘅情況其實唔止香港面對緊,就算法國,日本,英國,中國,美國任何一個國家都面對緊同一個困局

呢個世界宜家係需要有視野,有經驗,頭腦靈活的新一代去發揮所長,令到社會各階層盡快適應呢一個碎片化,即時化,去中心化的新時代

你希望見到日後嘅社會係 “Form follows Function”, 定係”Function follows form?”

#Formfollowsfunction

#世代鴻溝

#去中心化時代

#疫情過後的全新生活模式

本文轉載自 ‘智慧社區 Wise Community’ Facebook 2020年5月14日貼文


CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论