看透事物本質，才可以從＜古＞到＜今＞至＜未來＞

大家透過喺對上幾個post，應該都對區塊鏈和虛擬貨幣嘅技術有左基本概念，同埋明白到各個國家同大機構都陸續都已經加快腳步進入呢個市場。

今日我想分享一下點解我會開始著手寫呢個blog？

其實正如部份和我相熟嘅朋友都知道，小弟並非從事科技範疇工作，亦非這一IT出身。

相反地，對上十來年從事古物古蹟復修工程，香港的著名古蹟包括青山寺，凌雲寺，車公廟，1881，景賢里，中環大館都係小弟公司的項目。

即使一直從事不相關的行業，但係我早喺兩三年前，已經經常和公司同事講要進修區塊鏈技術學習Bitcoin （當時連自己都係對呢項技術完全唔了解）

正正因為background唔同，對新科技嘅學習必須要係重頭學起。 亦都係點解驅使我喺二月役情初期攞起本"虛擬貨幣革命" 醉心閱讀嘅原因。

由二月開始，當時我上網大量搜集資料去了解呢個行業同技術，但係發覺香港嘅blockchain資訊十分零碎，而且十之八九都係牽涉到虛擬貨幣嘅負面新聞，特別係涉及騙案騙局等嘅消息。

主流資訊都係集中喺外國，台灣，國內等地，而且資料質量參差不齊，需要大量理解及分析

當我正係沉醉於呢個令人著迷嘅新科技時，上天比咗一個機會我，喺現今金融體系近乎瓦解嘅時候進入呢個區塊鏈同虛擬貨幣圈子，並且展開一段奇妙旅程。

同時我亦都向我partner提出建議，由我開始撰寫文章，好讓有心接觸呢項科技嘅朋友們，有一個正面嘅入門機會。

因為我深信科技本身無好壞之分，只有立心不良嘅人先會運用科技去欺騙人。而教育同學習就係最好嘅良藥。

希望大家都可以懷著興奮嘅心情去，去看透同擁抱呢項帶領未來嘅科技。

我下一篇文章，將會分享一個顛覆區塊鏈同戶聯網行業嘅新技術 - IPFS，亦都係點解我會進入區塊鏈行業嘅原因。

圖片所示為上海市法華學問寺，2010年由日本木匠團隊到上海建造，當時建造期間有幸拜訪。

其感受最大為牌匾中的"正偏知"

“正”者為本位，而知識必須要在一切的”正位” 才可獲得大智慧大學問。

本文轉載自 智慧社區 Facebook 2020年4月18日貼文