香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
2020/4/8 Ray Dalio @ TED Connects
https://www.ted.com/talks/ray_dalio_what_coronavirus_means_for_the_global_economy#t-84950
橋水傳奇基金大師 Ray Dalio 接受TED Connect邀請分享左佢對環球經濟同埋局勢嘅睇法。
先介紹一下佢嘅立場，Ray Dalio相信資本主義及系統秩序，但係自從2008年雷曼事件之後，佢花咗好多時間去解讀資本主義行到今日到底出咗咩野問題，佢亦都喺過去的日子經常到訪中西方各國，所以對所有國家表面和深層次情況都非常了解。如果想了解更多佢嘅諗法，可以去佢嘅網站（https://www.principles.com/）了解更多。
喺今次嘅訪問入面，以下節錄咗佢提出的觀點：
-今日全球發生緊的危機，喺歷史洪流中其實發生過無數咁多次。而近代歷史中可以參考的就係1930-1945二次大戰的時期
-全球生產力的中斷引致各國各公司喺會計賬Balance Sheet上出現咗一個極大的空洞，而該空洞就是資金鏈的斷裂。
-各國的直昇機派錢救國喺歷史上出現過好多次，差不多每次都會引致財富及權力的轉移，甚至戰爭
-人類社會有四大因素影響生活模式或經濟活動
-第一： 社會的生產力 (Productivity)一直穩定地每年按照3%速度推動人類社會向前行
-第二: 短期債務 (Short Term Debt)每次相隔約7-10年就會陷入一次經濟衰退(recession)
-第三: 長期債務 (Long Term Debt)每次相隔約70-75年就會出現一次改變遊戲規則嘅變化
-第四: 政治 (Politic)， 內在的政治(Internal politic)包括國內貧富懸殊，國外政治(External politic)包括新霸權力量挑戰現有霸權地位
-人類去到一個分叉口去作出重大的選擇，是趨向好還是趨向壞，則視乎各國最上層權力者有沒有足夠智慧去決定大家手拖手步過難關，還是透過保護主義去摧毀對方經濟
-除咗有足夠美元的國家可以繼續維持經濟向前行，其他唔夠美元的發展中國家將會出現翻天覆地嘅變化
-喺對上500年歷史中，每一次人類的危機都係透過科技的突破，創新的技術，創新的應用，同埋無比的適應力去接受一個全新的體制，從而踏上全新的經濟週期
-每每人類去到危機的時候，就會重新審視財富，金錢，信貸的本質及義意
-平民百姓都有個錯覺，以為股票及債券係高風險的投資，而持有現金就係絕對安全。喺經濟危機來臨的時候，手持任何貨幣現金都有貶值的風險，更甚就係每年你的現金財富喺無升值嘅情況下比政府抽稅，變相係最差的資產
-平民一般都唔會幻想自己可以成為奧運金牌得主，但係喺現今呢個複雜嘅環球投資市場下，卻認定自己可以跑贏市場，跑贏大市比起做奧運金牌得主仲要難上100倍
-因為全球化的關係，國家/行業/商品互相的Cause Effect關係已經係錯中複雜，任何一樣野倒下會直接影響其他市場經濟，而平民百姓係無足夠的觸覺去駕馭呢d資訊，只有高運算力的電腦有辦法去駕馭呢d資訊
-呢個時候應該分散分散再分散，唔好集中喺任何地域，任何單一行業，或單一商品。
-任何歷史動蕩過後，都係透過實質生產力去令到社會重新上路，今次亦都唔會例外。但美國今時今日所擁有的生產力，已經並非當年美國夢所提倡的建設美好社會的生產力。美國國家需要重新去賦予新一代競爭力，去運用教育及電腦科技為國家帶來更好的生產力，將債務轉化為生產力
-全球各國都出現極端嘅民粹主義，而忽略咗人類社會的維一出路係透過優質嘅正反意見討論而找出答案去帶領大家走出困境。呢一點將會定段分叉口走邊個方向，而佢呢一刻係見唔到世界有任何優質嘅討論。
-佢深信世界最終可以走出困境，但更重要一點係當世界走出困境嘅時候，對上70年賴以為生嘅金融模式將不會復再，就有如當年美元同黃金脫勾的道理一樣，Game Change.
-傳統嘅金融行業將唔會再好似以前咁樣行落去，會係一個全新嘅金融系統，而人類將會好快適應。
唔知大家睇完佢嘅分享之後，對新Fintech 同 Crypto有無多咗興趣了解呢？
本文轉載自 智慧社區Facebook 2020年4月10日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…