電影 - Spider-Man: No Way Home

喜歡蜘蛛俠有時係因為佢好貼近你同我，貼近嘅意思唔係我哋都會有第六感、都會射蜘蛛絲、都會爬牆跳樓，而係我哋好多時都會因為有啲小聰明去做多一啲野，但係點知亦都因為咁而做錯好多嘢。因為好多決定造成好多遺憾，有啲遺憾係一世都冇辦法彌補。或者總覺得自己係悲劇英雄，比上不足比下有餘，有好多嘢想做但又做唔好，好多嘢以為做到但又做唔到，仲有好多嘢想做但又未做到。

今集好睇係因為包羅萬有，大家期待嘅嘢都會出現，未期待嘅亦都會有，當然一眾歹角都非常出色，實在令人目不暇給，仲有所有名場面、名言，勾起咗往日回憶。

荷蘭仔做得好，大家都做得好好，令人懷念嘅三部曲。