曜靈
曜靈

筆名「曜靈」,來自楚辭《天問》「角宿未旦,曜靈安藏?」,角宿二星,曾被認為係天門,太陽昇起必經天門而出,屈原於是問太陽夜晚匿埋咗喺邊?太陽匿埋咗,唯有磨劍到天明。

一直都很Q

人類基因圖譜中,Y染色體DNA單倍群 (Y-chromosome DNA haplogroup) Q-M242係一非常特別嘅族群,佢哋相信要用活人(人牲)去祭獻上帝,同舊約聖經中嘅古巴比倫人相同。佢哋足跡遍及亞洲及美洲,形成張光直所謂「環太平洋文明底層」,對呢兩個地域嘅文明發展有顯著作用,但用漢字所寫嘅史料中,卻一直缺席。
  • Q人約於某世紀末由北方遷入
  • Q文明在政治上的基本單位是城邦,有些城邦組成政治聯盟或政治邦聯。
  • Q人尚武,勇士文化是其文化的重要部分。Q人發動戰爭通常有兩層目的 — — 政治上,希望利用戰爭擴張勢力範圍,從而擴大其朝貢體系,也累積其威望;宗教上,需要利用戰爭獲取戰俘,作為宗教儀式的祭品。
  • 受神話和宗教的影響,Q人的人祭活動頻繁且規模浩大。Q人認為只有死亡才能推動創造,無論是神祇還是凡人,都需要獻祭自身來使生命延續。
  • Q人也使用象形符號和表音符號混合的書寫系統

睇完上面所有特點,係唔係覺得Q人好熟口面?無錯,好似講緊3000年前,喺東亞大陸上叱咤一時嘅商人。但,答案係⋯⋯錯!


上面幾點,喺維基阿茲特克[1][2] 一條入面抽出來。阿茲特克人唔喺支那,而係喺太平洋對岸嘅墨西哥!

西班牙祭司對阿茲特克人頭牆留下的記錄。(圖:Science)

利用基因分析,阿茲特克人有Q-M242血統;巧合地,3000年前無任何文獻記載嘅山西絳縣橫水鎮倗國,某貴族墓入面嘅倗伯,佢嘅血統亦係Q-M242。[3]

再考慮起源自河套客省莊(西安附近)嘅鬲文化,其中一支向東南擴散,經山西南下,與鼎文化二里頭相遇爭雄,到最後於二里崗脫穎而出 [4][5] ,形成被學者稱為「早商文化」⋯⋯最最保守估計,商同倗點都有少少淵源。


其後三家分晉,趙武靈王胡服騎射,點睇都帶住少少Q風。假如趙真的是Q,噉西周文獻話周武王打贏之後,封咗商帝辛嘅後代去殷(河南安陽),就值得相榷。事實上,睇三監嘅位置,尤其係霍國去咗山西中部,太行山同呂梁山中間,名副其實山卡罅,似睇住倗多過睇殷。

殷商遺民並無被三監包圍

仲有,周成王話封叔虞去唐,轉頭話「講下笑啫」,被史佚(記載上好似真有其人,純照字面解:無名氏史官)喝住。唐叔虞死後,佢個仔燮繼位,改國名晉⋯⋯但封侯其實涉及西周血腥武力殖民東夷嘅戰略部署,呢段記載[6]係唔係要當笑話噉睇?


最後,其實之前講過,早兩年有人驗過宋趙匡胤DNA,話都係Q仔來。[7]

其實支那嘅歷史,係無可能唔睇北方草原。就算今日,都被俄羅斯食住。至於大一統,五千年來都輸畀北方,同長城一樣大而無當,早被淘汰,真係要繼續玩落去?


參考:

  1. 不只有人祭犧牲儀式!阿茲特克的人頭串展示場|寒波
  2. 張光直曾以阿茲特克人嘅alter-ego圖像,考察商饕餮紋嘅宗教意義。根據《 呂氏春秋 ·先識》,饕餮紋係指「有首無身,食人未咽。」 嘅雙虎口拱人頭紋。俄國猶太人,今台中正大學嘅郭靜云教授指「神」字由饕餮紋演變而來。
  3. “Ancient DNA evidence reveals that the Y chromosome haplogroup Q1a1 admixed into the Han Chinese 3,000 years ago”, YONG-BIN Zhao, 2014. American Journal of Human Biology
  4. 《何以中国:公元前2000年的中原圖景》,許宏,2009
  5. 《中国史新論 — — 古代文明的形成分册》《導言:古代文明的形成 — — 內容、結構與前景》
  6. 《史記・晉世家》:武王崩,成王立,唐有亂,周公誅滅唐。成王與叔虞戲,削桐葉為珪以與叔虞,曰:「以此封若。」史佚因請擇日立叔虞。成王曰:「吾與之戲耳。」史佚曰:「天子無戲言。言則史書之,禮成之,樂歌之。」於是遂封叔虞於唐。唐在河、汾之東,方百里,故曰唐叔虞。姓姬氏,字子于。
  7. 23魔方的趙匡胤家族溯源研究
CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论