萬寶路88
萬寶路88

好幻的科幻作者,較多以天文及神秘學融入小說,希望多多觀摩交流 matters 專頁—真科幻

獻給哈勃的退休禮物(第二季——續航至宇宙邊緣)(十)試下用波爾原子模型嚟評論一下恒紀元同亂紀元嘅可能性?

用波爾原子模型去睇太陽系⋯用時間足夠長去換量子尺度足夠細⋯

獻給哈勃的退休禮物(第二季——續航至宇宙邊緣)(十)試下用波爾原子模型嚟評論一下恒紀元同亂紀元嘅可能性?

有睇上一季「獻給哈勃的退休禮物」都知,有聊得很好堅持用同一套理論去解釋所有事情(霍金嘅統一場論都係差唔多呢個睇法)。

所以,上一季提出一個奇想,用波爾原子模型去解釋太陽系。

太陽系同原子嘅相似程度,唔係一般人諗咁簡單。原子內層電子少,外層電子多。太陽系就內層行星質量細,外層行星質量大。隱隱然,佢哋都合乎波爾原子模型嘅估計。唔簡止咁,連氣態巨行星嘅星環同月亮都好似合乎波爾原子模型。天王星有十三個星環,會唔會就好似一堆未夠時間形成嘅特細月亮咁,如果有足夠長(極長)嘅時間,呢 D 星環有可能形成極細嘅月亮都未定(就好似月球係由忒伊亞撞地球之後拋出黎嘅殞石天虹聚合而成咁)。如果覺得呢個睇法有 D 合理嘅話。繞住行星轉嘅星環就好似繞住太陽轉嘅石質小行星咁,只係未夠時間形成星球啫。而繞住行星轉嘅月亮就好似繞住太陽轉嘅氣態巨行星咁。佢哋都非常似波爾原子模型形容嘅第一同第二電子層殼。

用足夠長嘅時間去換足夠細嘅量子尺度,呢個係全個地球有聊得很第一個提出嘅。會唔會真係啱?就要等將來有冇正式嘅科學研究啦🤗

不過太陽系似乎真係用咗足夠長嘅時間去體現咗代替足夠細嘅量子尺度去形成非常似原子嘅太陽系。呢點證明咗乜嘢呢?證明咗科學嘅歸一特性。

只要有足夠長嘅時間,科學推測出嚟嘅結果一定會出現。

或者有人話,熱木星會唔會係例外,甚至證明呢個睇法係錯嘅呢?

首先,熱木星並唔係常態,我哋注意到佢哋同我哋以為單體太陽系係常態一樣。我哋成日見到咪而為係好平常囉!查實我哋係好尊貴 D 😹

熱木星喺主恒星附近先特別容易比咁遠嘅我哋用咁落後嘅天文望遠鏡睇到!知冇!?!如果係正常嘅氣態巨行星或者正常近主恒星嘅石質小行星,咁鬼遠揸住咁鬼落後嘅天文望遠鏡嘅我哋睇鬼到咩!

所以熱木星係非常特殊嘅甚至唔係常態,佢哋係類似早期太陽系嘅溜溜球木星同溜溜球土星,只係溜到主恒星附近因為太近被主恒星 capture 咗,而又因為太近所以特別反光同特別大令到佢繞過主恒星前面嗰時特別阻住主恒星 D 光而令我哋特別容易發現佢啫。

不過呢件事令我諗到科幻裏所講嘅恒紀元同亂紀元唔係幾可能發生!

溜溜球木星變成我哋而家睇到嘅木星就有 D 似亂紀元過渡到恒紀元。相信起碼用過億年先變得到而家咁穩定嘅木星。

縱使有三個主恒星,而又真係可以再次搞返亂個恒紀元(變返溜溜球甚至繞住三個主恒星繞黎繞去),又再假設呢段亂紀元咁繞法都唔撞毀嘅話(唔好忘記行星仲唔止一個,好似太陽系咁就有十個八個,如果好似太陽系咁又有百幾二百次亂紀元,仲唔金星撞火星,火星撞地球!?!事實又唔係未試過,早期太陽系曾經有超過二十個行星,嗰時正正就係亂紀元,撞到得返八九個先變得成而家嘅恒紀元。一次咁多消滅咗大半行星!)。

邊。有。可。發。生。百。幾。二。百。次!?!

一次一億年,都長過成個宇宙嘅年紀啦!!!

仲有!百幾二百次咁亂繞一通都唔撞!?!車神呀!?!

再仲有!如果將地球放咗去木星軌跡,人類仲可唔可以長期生存到?梗係唔得啦!嗰庶唔係宜居帶呀!

如果要有百幾二百代文明,就要百幾二百次咁繞黎繞去都唔撞兼次次都繞返落宜居帶⋯呢個可能性⋯就等於⋯個機率係⋯有聊得很變宇宙大王咁上下囉😹

作者:有聊得很(manbolo88)

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论