<角醒>是由大角咀街坊自發成立的社區報,由2020年起,每2個月發行一次。在大時代洪流下,我們選擇從小處出發,在角落處點一盞燈。 如果你有興趣加入製作團體,請填妥以下資料,我們將於稍後聯絡你: https://forms.gle/Cp78YdYSs71bn4zu6 如果你是大角咀商戶,歡迎加入成為派發點: https://forms.gle/ZWCmSUYqwhEYiPR19
極主觀 真自肥 – 試食大角咀菠蘿包
測試過程
一名採購員喺半個鐘內行勻各間麵包店,買入放置喺架上麵包。到達集合地點後,先為麵包編號命名、影相打卡,再磅重。然後,將菠蘿包逐個以微波爐翻熱,叮完切開拍下橫切面,隨即由一名試食員測試。
所以,測試結果受多方面因素,包括出爐時間,測試順序、試食員口味影響,只供各位街坊參考。
試食員﹕我一般嗜甜,可接受甜度參考﹕台式手搖3分甜。
測試準則
- 整體味道
包體同酥皮咬落整體味道,太油、太甜都唔理想
- 酥皮
酥皮入口須有存在感,故此須有一定厚度,而且質感要脆
- 包體
包體要夠軟熟,咀嚼間唔黏牙
- 性價比
考慮菠蘿包整體表現、大小同價錢嘅綜合評分
每個項目最高為5分;總分最高為20分。
候選菠蘿包1號 – 皇之家
整體味道 5分
酥皮 4分
包體 2.5分
性價比 4分
總分 15.5/20
整體味道﹕甜度點到即止,咬落仲有啖啖麵粉香
酥皮﹕望落好靚仔,焗到微微焦。脆皮厚度適中,入口仍然脆口。
包體﹕有黏牙情況,入口體驗一般
性價比﹕價錢$3.5,單價為6款包之中最平,但同時為體積/重量最小,一分錢一分貨。十分適合作為下午茶/ 小朋友放學後零食。
候選菠蘿包2號 – 香麥屋
整體味道 3分
酥皮 3分
包體 3.5分
性價比 4分
總分 13.5/20
整體味道﹕甜度略甜,一次過食完稍嫌太漏
酥皮﹕上色唔平均,冇烤焦嘅脆皮色澤偏淺,有啲似墨西哥包。入口後,酥皮偏薄,同包體融為一體,冇咗菠蘿包脆皮精髓。
包體﹕口感不過不失。
性價比﹕同樣係$3.5,但相當墜手,按克售價平冠所有測試麵包,加上各項指數平均,算係抵食之選。
候選菠蘿包3號 – 富華麵包餅店
整體味道 4分
酥皮 2分
包體 4分
性價比 3.5分
總分 13.5/20
整體味道﹕甜度剛好,水準之作。
酥皮﹕呢個菠蘿包唯一需要挑剔嘅地方,包體翻熱後,有油滲出,食落較膩,亦可能因為咁導致酥皮唔夠脆,未能突出口感。
包體﹕包體香軟。
性價比﹕$4,如果可以新鮮食,避免滲油情況,可以一戰。
候選菠蘿包4號 – 百分百餐廳
整體味道 4.5分
酥皮 4分
包體 3.5分
性價比 2分
總分 14/20
整體味道﹕包體望落偏深色,似小麥提子包,未入口已經幻想到焦香嘅味道,果不期然,呢個包係芸芸咁多個包入面味道最獨特,最引人期待。亦因為包體自帶焦香味,中和咗脆皮甜味,試食完依然唔覺膩。
酥皮﹕外觀係測試菠蘿包中最討好,烤焦部分比例適宜,而且裂紋頗多,齋望都覺得吸引。不過,小編對作為大型連鎮店嘅生招牌麵包有一定期望,如果脆皮可以加重奶酥味,而唔係死甜就更好啦。
包體﹕切開後氣孔明顯可見,熱食口感鬆軟,不過食落就冇其他小店口感咁實,口感表現見仁見智。
性價比﹕售價$7,比最平選擇貴兩倍。體積最大,但重量僅排尾三,唔建議餓底街坊揀。
候選菠蘿包5號 – 騰龍閣
整體味道 3分
酥皮 4.5分
包體 3分
性價比 3.5分
總分 14/20
整體味道﹕一入口即食得出奶粉味,味道一般。
酥皮﹕酥皮裂紋多,且有一定厚度,脆皮入口仍然keep住脆,值得一讚。美中不足係咀嚼間,酥皮會有黏牙情況。
包體﹕好似酥皮一樣,咬落黏牙,扣分。
性價比﹕$5價錢位處中游。體積最大,重量近100克,可以一試。
候選菠蘿包6號 – 奧美餅店
整體味道 5分
酥皮 4.5分
包體 4.5分
性價比 4分
總分 18/20
整體味道﹕包體微甜,入口混和脆皮甜度剛剛好
酥皮﹕酥皮真係好夠脆,加上厚度裂紋多,且有一定厚度,脆皮入口仍然keep住脆,值得一讚。美中不足係咀嚼間,酥皮會有黏牙情況。
包體﹕好似酥皮一樣,咬落黏牙,扣分。
性價比﹕雖然價錢稍高($6),勝在貨真價實,重量110克,冠絕全場。加上各項表現甚佳,買一個share食一流。
小編感想
大角咀的確係得天獨厚嘅地方,仍然保存住好多小店,以致我哋仲可以見到店主由廚房捧住熱辣辣嘅麵包逐個上架,聞到出爐先有嘅香味。其實呢啲小店除咗菠蘿包,唔少都有售傳統糕點,街坊們路過不妨留意吓呀。 最後,再次提醒各位街坊以上食評並非專業,僅供參考。經過呢次其實呢啲小店鋪仔細細,除咗新鮮麵包,仲有傳統糕點,
喜欢我的文章吗?
别忘了给点支持与赞赏,让我知道创作的路上有你陪伴。
发布评论…