生仔搵命博?

之前本人身體不舒服，入院檢查，現在一切平安。但在產科病房中看到很多驚心動魄的情形，令我不得不佩服為人母既女性。

1.24周催生，全程無聽過媽咪同bb既喊聲，只聽到醫護人員不停講「救左仔先！」

2.突然發現毒血症生完昏迷1日。

3.24周穿水，即時開刀，bb一出世又走了

4.第三胎，15分鐘生左出黎

5.媽咪糖尿，辛苦介口，抑鬱，見親老公都喊喊喊....

6.高血壓，講多一句野都可以高10度

7.突然血壓跌，媽咪開始無咩意識，又直入產房。

原來要順順利利生一個小朋友出黎係一件難事。身體健康都係一個願望。

幸福地感恩我的兒子能平安出生，希望我的女兒也一樣。還有兩個半月就出來了，你一定要平平安安

今晚兒子來探我，起初以為佢會很扭計。

但他表現出奇成熟。他對我笑沖來要我抱，沒有多說話只叫了我一聲媽咪。

他見到我手上既豆仔，輕輕甘摸，我同佢講媽咪病病要食藥要打針，所以媽咪要係呢到訓，知道麻？佢：「好！」

我跟他到樓下的餐廳食飯，佢拖住我無打豆既手，一齊行，再指住我打左豆既手講打針針。佢好乖甘坐係我旁邊，雖然唔咪好食野掛住玩玩具，但都願意坐定定。

離開時，經過廁所同爸爸講要we we,我便行前等他，當出來時，我見他是衝出來之後便喊著叫媽咪，我即刻叫佢，佢跑來卻仆倒，可想而知佢係幾心急。當我再拖佢手仔入𨋢時，我同佢講媽咪今晚要係呢到訓，佢：「唔好！陪一一」 ，我話媽咪唔舒服，要打針，佢望一望我隻手，就話：「好！爸爸婆婆陪一一！byebye 媽咪」

果一刻我真係好想喊，估唔到一個兩歲小朋友會明白，知道佢都不捨但佢無扭計。

突然想起龍貓的故事，我相信一一都是可以見到龍貓同坐貓巴士既小朋友