KenKung001
KenKung001

Welcome to my Universe. YouTube: https://bit.ly/3hg7Ncm IG: https://www.instagram.com/kenkung001/ www.kenkung.com www.Art6studio.com

【講一下有關平衡】@Mindflowjournal

一個人太自我,沒能透切觀察世界(世界這裡指人或社會),一個人太重視別人,又可能影響自己心靈感受。呢個一左一右嘅兩端應該算係人生其中一種最重要,而且每一刻轉念都要去處理嘅二元狀態吧。令我諗起一句說話:

「天才與瘋子只係一線之差。」

科學說邏輯世界,宗教說心靈世界,一個專注外在尋求探索,一個專注內在尋求平衡。成日都講到,點解我地嘅基本教育唔包括愛嘅教育,心理學甚至靈性方面嘅野?尤其是生在香港,我地學得最叻就係一直向外尋求同獲取,身心靈或者宗教這些形而上學嘅類別,所講嘅一切就係一個對倒,不以外求,反而係向自己內在,心入面找尋真正嘅平衡。

心之科學,真正的平靜是心的平靜。

我們操作人生,像不停在拉扯一條rubberband, 兩邊拉太緊最後會斷,然而沒很多人有得到第二條rubberband嘅機會。不過可以拉扯同放鬆嘅唔止兩個點。所謂你嘅人生,只不過由每一個選擇,每一個經歷,每一個關係,每一點連結而成,你行嘅每一步諗清楚其實除左你之外,邊一個人可以替你選擇?諗通左,好多事情掀動你情緒其實無什麼必要,當然我地回顧成長歷程,我地被家庭,社會,學校,媒體無時無刻植入好多觀念同思想,影響我地慣性思考模式,我地要好小心透過一D工具先可以拆解到自己嘅內在意識,呢個係每一個人來到地球都需要處理嘅課題。

也就是你透過外在世界,如何一點一點認清自我,了解自己?在理性與感性,正向與負面,道德與慈悲之間如何調整心態。

每日不停拉扯一條rubberband,理性與感情之間不斷磨蝕,伴隨而來會痛苦嗎?所以好在喺藝術(Art)有一大片灰色地帶,藝術唔係人所創造,只不過係人,透過觀察同直覺發掘自然本身己經存在嘅事物。你喺藝術內探索,卻唔會迷失,喺美學內得到滿足感,亦唔會得失於理性與感性。

寫於2018年9月 修訂於2020年10月

K@Mindflowjournal

https://www.instagram.com/mindflowjournal/

追蹤動態與文章分享請Follow同Subscribe作者Patreon:

《MrK的神秘異想人生》

https://www.patreon.com/KenKung

感謝您的支持

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论