Aiden動物園
Aiden動物園

Hi This is A等Aiden 射手座+ENPF 非基因改造自由主義者 盡量不使用表情符號 盡量不負責任…

【美股賺夠系列】嚴重被低估股票推介 | CLUBHOUSE耳朵經濟再升溫?|🧐 雅樂科技 YALA | 廣東話嘗試

影片版附財報分析:https://youtu.be/Fe0mjqWnWcM

Clubhouse成為Snapchat後用戶數目增長最快嘅社交app.有別於已有大部分社交軟件,佢唔係用文字圖片影片作為交換情報嘅方式,而係呢用聲音呢一種比較帶有情緒嘅媒介。身邊好多用Iphone嘅朋友都已經紛紛圍爐傾偈呢一個陣營,一句講曬,Clubhouse 就係一個聲音版嘅討論區,收到Invitation嘅用戶就可以用手提電話號碼註冊,選擇你自己嘅興趣範疇方便之後推送有關Topic嘅房俾你,你除左可以開上限為5千人嘅公開房間之外,同時你都可以開私人房圍爐取暖。當然每間房嘅host就可以自由邀請係房間嘅參加者開咪,有種打破傳統電台中心化嘅模式,俾任何聽眾都有分享嘅機會。

首先老實講,我就覺得成件事幾係因為最近疫情嘅關係而炒起嘅,因為好多人喺社交距離之下喺屋企困住足足成年,包括我自己。所以傾偈的確係一種可以宣洩自己情緒而且又可以交流識到新朋友嘅方式,除咗越來越多嘅人嘅加入都有好多唔少有趣嘅topics,例如讀書會、時事評論,有冷門興趣研究嘅討論,音樂表演(目前演算法收音未必最佳)、男女交友等等。遇到唔啱聽嘅topic或者人又可以馬上轉台,你地如果見過或者唸到有其他更加有趣玩法嘅,歡迎係下面comment,我就會搵日開間房試下可行性先。

第二,疫情已經令很多人養成用Zoom度日返工嘅習慣,某程度係為Clubhouse鋪路

,但同時podcast、耳朵經濟等早前就已經被Apple/Sony 科技企業打開天花板。自從幾乎每一間公司推出降噪無線耳機後,除左聽歌app之外,一直都無一款app配合充滿朝氣嘅無線耳機市場。對打工仔而言,Clubhouse 可能就係可以令佢哋可以,將通勤時間變成新朋友交流嘅時間,係地鐵自言自語傻笑嘅人應該會越來越多。

最後就係,社交網絡正經歷一浪移民潮,最大導火線就係因為既有嘅社交媒體巨頭聯手圍剿好多右翼團體嘅帳戶,用維持網絡和諧環境為由審查用戶言論侵犯私隱,令唔少人認為自己終須會成為下個受害者。而呢啲社交完整信心收到動搖下,除了支持點對點對話加密嘅Signal 同 Telegram受益之外,Clubhouse 嘅出現就更加順水推舟,甚至有種將已經分化嘅網絡世界重新聚合嘅感覺。Clubhouse 唔會提供任何voice recording嘅功能,一切都係實時發生,呢種不留痕跡嘅體驗可以令用戶毫不顧忌地分享,而且聲音係比文字有更加豐富嘅情感載體,符合亂世下一眾需要圍爐取暖嘅需求。加上唔少名人嘅加入,大眾可以同佢哋交流之餘,而且會聽到唔係未經過大眾媒體filter過嘅一面。

不過世事無完美,clubhouse 呢個app我覺得係長遠而言有幾樣嘢值得考慮。


1.軟件背後程式機制未完全透明,例如係用咩準則去推送聊天室,有用家表示如果講到某些不當字眼就會被程式警告,即係都會有一定審查機制。

2.網絡hater極端文化仍然存在,新平台最後是否因為人數嘅遞增變質存疑,雖然現時係用邀請制加入,用聲音傳遞正面訊息比文字有力,但負面信息傷害都會被放大。

3.現時營運模式可以變現或盈利嘅空間有限,聲音唔似影片可以植入廣告空間大,就算直接植入都會非常影響聽眾氣氛,聊天室無提供direct message 嘅功能,只有係Bio 提供instagram 同 twitter 嘅link,咪變相令大家脫離唔到現時social media?

其實Clubhouse 其實唔算得上係啲咩新嘢,但大家都可以順勢係美股市場上關注同呢類產品相似嘅公司,投機為自己係農曆新年製造一份bonus。Yalla group 代號YALA 成立係2016年,目前係中東北非地區最大語音社交同娛樂平台,兩項業務Yalla 同 Ludo 活躍用戶增長358.9%,收入靠嘅就係用戶之間互相虛擬物品打賞。我其實早係上年11月就關注呢隻股票,受益於疫情而且有地區上獨市嘅優勢。另一隻代號LIZI荔枝同樣都係有相關概念股票,同樣係今年業績上都有唔錯成績,大家可以暫停研究下。雖然兩隻背後係中資,會大上大落,有一定泡沫,但不妨趁Clubhouse熱潮未退可適量跟隨氣氛與泡沫共舞一番。

以上股票投機非投資, 小心部署。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论