闢一塊心田,自個兒筆耕。嗜好太多,時間太少。想隨心所欲,亦隨波逐流。主修心理學,NLP高級執行師、註冊催眠治療師。愛動物、愛寫作、愛學外語,重複學習、忘記、再學習。不擅長運動,相信 Thoughts Are Things,2019 年參加大阪初馬,因為堅持,所以完成。2021 年由香港出走到英國,開展人生下半場大冒險。
Flirty Talk 調調情,說說笑
朋友之間的「調情」
Flirting 或曰調情,不一定只限於男女之間,也不一定限於男女之情。
有時朋友之間互相有些 Flirty Talk 就好像凸顯兩個人有種不只朋友的親密,但這種 flirting 只限於曖昧對答,「得啖笑」的 Flirting jokes,兩人之間其實並沒有任何曖昧關係。
純朋友的 Flirty Talk 就好像給對方吃一口雪糕,並不火辣辣,但卻覺得甜中有一點樂。Make some fun~
(以下為廣東話/粵語內容)
PTGF
女 1:「你要唔要 Part-time 女友?」
女 2「哈!咁包唔包上床?」
女 1:「唔包!但摸下可以。」
女 2:「咁可以摸邊度?可以摸幾多?」
女 1 :「嘻,傾咗個價錢先。」
Zoom
女:「你有無掛住我?」
男:「Yo!我真係好掛住你!」
女:「咁頭先 Zoom 又唔見你大聲講?」
男:「頭先因為有你,所以我先校細聲個喇叭。」
女:「哦,我話俾你老婆知!」
46 F
(準媽媽側身影 S 形曲線)
男 1:「嘩!你而家係咪有 46 F?」
(谷奶準媽媽笑到反肚而不語)
女 1:「Wakaka⋯⋯邊可能呀?46 F 喎!」
男 2 語氣平靜:「呀⋯⋯46 F,高層喎,住 46 F 真係好高層喎⋯⋯」
女 2: 「高層⋯⋯(笑)你呢句講俾老婆聽㗎嘛?」
(男 2 移開鏡頭,原來個仔喺附近)
睇波
女:「聽講今日場波好正。」
男 :「係,做乜場波咁好睇你都唔去睇?」
女:「無你一齊睇,所以沒趣了。」
男:「哎呀⋯」
硬晒
女 1:「有時對住你我都真係唔識俾反應,硬晒。」
女 2:「你無嘢可以硬晒喎。」
女 1:「哈,你又知我無?」
女 2:「你無。」
女 1:「我而家拳頭硬晒!」
做狗
女 1:「姐姐,我不想努力了。」
女 2:「姐姐自己都不想努力了。」
女 1:「姐姐你會唔會想養多隻狗?我識自己去廁所㗎!」
女 2:「但要晚晚唔着衫同我瞓喎?」
女 1:「呀,咁又難啲。」
孖鋪
女 1:「你唔介意我鼻鼾大聲的話,下次我哋可以孖鋪。」
女 2 :「可以㗎,如果你唔怕我手多多摸你。」
女 1 :「怕咩?摸下唔會蝕。」
女 2 :「咁你下次瞓覺着少啲。」
女 1 :「我已着得好少啦,兩件之嘛!」
女 2 :「尋晚唔記得嚟 check 下。」
新聞
女:「你唔搵我喇,你唔掛住我喇!」
男 :「我其實日日都有諗起你。」
女:「日日咁密?真唔真㗎?」
男:「聽親新聞講英國就諗起你。」
女:「咁咋?咁係諗起英國唔係諗起我喎!」
廚神
女:「你老婆真係廚神!你就有口福!佢要唔要個小三?」
男:「係做佢小三,定做我小三?」
女:「梗係講緊做佢小三啦喂!」
老婆喺廚房捧碟餸出嚟:「你(佢老公)都好大膽喎!」
鮑魚
(阿姨拎碟清蒸鮑魚上枱,姨丈同姨甥立即起筷)
姨甥:「阿姨你隻鮑魚好靚呀!」
(姨丈繼續食,但陰陰嘴笑不語)
阿姨:「阿姨隻鮑魚就梗係靚啦!你鍾唔鍾意?」
(姨丈繼續忍笑食鮑魚)
姨甥:「梗係鍾意啦!我最鍾意食阿姨嘅鮑魚!」
(反眼中)
客(我):「夠喇你哋!」
喜欢我的文章吗?
别忘了给点支持与赞赏,让我知道创作的路上有你陪伴。
发布评论…