因为，我选择咗Twitter

之前系Matters 2021年度问卷中轻微提及过，对我来讲2021年最重大意义慨时刻就系用Twitter 用咗10年，回顾呢10年入面，10年人事几去翻新，但我对Twitter喜好慨程度却从未离开，不如就一齐回顾一下我用Twitter慨歴程。

如果讲品牌忠诚度呢个样，我自己系觉得好慨产品都会继续用落去，例如好似我上一篇咁介绍iPhone，我由2013年开始接触Apple iPad mini 1，系呀你无睇错，系第一代iPad mini，而且依家都仲可以正常运作。之后就一路用Apple产品到而家，由手提电话度电脑都系用Apple，可以睇得出我对一个良好品牌有绝对慨忠诚度。但今日要讲慨嘢系比我接触Apple之前更加早接触慨科技公司，就系蓝色的小鸟，又名Twitter。

唔理系10年前定系10年后慨今日，喺香港同台湾，Facebook慨市场占有率或者使用人数一定远高于Twitter，但我个人喜好是Twitter多个Facebook。虽然好多人都觉得我系异类，但系我异类我骄傲。我唔系话我唔钟意Facebook，只系如果有得拣慨情况之下，Twitter绝对会系我慨首选。

点样认识Twitter？

大约2008-2009年左右，咁我就趁住当年慨热潮顺理成章咁系Facebook开咗个户口。咁之后因为我钟意影相，所以好记得嗰阵时仲系中二、中三左右慨我一到周末就会出街周围影相，亦都系因为咁样我认识咗好多唔同慨人。所以一声又话网络交友要谨慎，失去都系因为咁样我先至可以识到咁多朋友，近几年亦都系因为咁样先至可以识到咁多世界各地唔同慨朋友。讲返正题，咁嗰阵时识咗好多人之后，我见好多人都有用Twitter to Facebook 呢一类Bot，所以就偶然机会之下认识咗Twitter。但当初都系顺水睇，无谂住转会去Twitter。

点解会系Twitter开帐户？

大约系2011年2月左右，好似系农历新年前后咁上下，我因为实在太无聊，所以就决定喺Twitter 开个Account。但嗰阵时纯粹都真系无聊，完全无谂过十年之后带比我慨变化可以系咁多。系呀，无错就系咁简单，绝对无一个好大慨契机引领之下开个Account。虽然唔系完全话无，但只系一个鸡毛蒜皮慨事，就系好多身边慨朋友都话Facebook成日食咗好多post，同埋成日显示唔到最新嗰啲post，Twitter唔会有呢啲问题，所以我决定开始尝试使用Twitter。

用咗咁多年有无啲咩难忘慨事？

虽然就真系有好多事发生，但系难忘慨事又点止一、两件，容许我用长少少慨篇幅回顾，俾我呢个老人家可以好好重温返呢十年发生过慨事。咁当然啦，作为一个宅，咁当然大部份慨篇幅都系宅文化有关。

首先就唔知系巧合定真系天意，可能好多人连几时开Facebook／Twitter呢一类社交媒体户口都唔记得，包括我在内，但唯独是Twitter我好记得。因为我开咗差唔多一个月之后，2011年3月11日，日本发生咗一场震撼全球慨大地震。当时仲系中学生慨我，其实又唔可以话无影响慨，因为嗰阵时我系修读紧地理，结果第二日返到学校就梗系即刻攞呢个例子出嚟上堂。不过讲返点解咁记得先，因为返到屋企之后我就梗系即刻打开Facebook睇唔同慨地方报道，但可惜慨系睇到慨都系两、三个钟头前慨报道，睇唔到最新消息，咁所以我第一次尝试喺Twitter上面睇唔同慨消息。结果一系唔睇，一睇就发现好似新世界咁。见到好多最新消息同埋唔同慨#tag ，虽然我就生就系十万八千里远慨香港，但系我相信既然我读得地理，睇多呢一啲资讯无坏，而且可以帮到我学习，例如海啸冲击所带来的海平面上升、土壤液化等等，虽然我依家已经将所有记忆送返晒比老师，但我永远都记得嗰日都算系我第一次咁认真咁用Twitter。

中间Twitter都仲系半放弃状态，所以时间快转去到2016年。可以算系一个转捩点，因为自从呢一年开始，我开始逐渐放弃使用Facebook。时间去到2016年2月中左右，眼见LoveLive μ's最后一场演唱会就嚟要开，但系我仲未搵到演唱会飞，香港虽然都有戏院转播，但以我当时仲系用紧8M慨上网速度应该都系抢唔到，咁所以我同朋友商量之后，朋友叫我上Twitter试吓搵，虽然预咗都要食炒价，但系我朋友就系咁样系一场咁艰难慨战争入边搵到一张飞，所以我抱住生命有希望慨心态去搵。结过好好彩俾我搵到，虽然比原价贵咗超过30%，而且仲要山顶位，但系能够参与其中实在感到十分荣幸，所以就预计一个月后出发。一个月之后顺理成章咁抵达日本，去到表演慨第一日，作为一个宅，咁当然就系一早去到会场门口排队买会场限定商品。但系因为我去到慨时候实在太早，所以就喺门口排队。虽然三月尾东京慨天气都未算太热，但总系有少少寒意，加上人生路不熟，所以只可以缩埋一边喺度玩电话。但人有三急，所以我只好用烂日文同埋Google翻译去请前后的日本人帮手睇住个位，俾我可以去厕所。咁去完厕所返嚟，反正都开咗个头，咁我就继续用我啲烂日文同埋Google翻译同前后慨人倾偈。不过好彩都系好好人，最后就梗系交换咗联络方法。我以为要用Facebook所以我打开咗Facebook，但系渠哋就show咗Twitter出嚟，所以你继续成为Twitter同Facebook呢一类社交媒体而倾咗一大轮。之后仲介绍咗我叫我用#tag（因为已经唔记得咗系打乜，所以容许我留空）留意最新资讯。果下开始我真系好似发现新大陆咁开心，因为朝早去到慨时候虽然用电话上Facebook一切都好顺利，但系开始多人排队之后就开始变到收得唔系好好（容许我补充少少，虽然日本电话网络系好发达，水平绝对可以同香港睇齐，但系假如同一时间喺同一个地方有好多人聚集，收唔到网络慨情况比香港更加严重，就好似以前一打风，准备挂8号风球之前电话就会打唔通咁样，所以如果喺日本有大型展览各大电讯商都会安排流动机站喺附近，以避免网络挤塞），Twitter因为只有140个字元，而且就算系网页版或者App都无复杂慨程序需要运行，所以就算嗰阵时我用一部iPhone 6 和iPad mini 1都仲可以收得好过Facebook。 （另外亦都想补充一下，Twitter 140个字元限制是包括标点符号和空格，因为它是计算字元不是自符，简单来讲就系你会输入一个字渠都系会占用一个位，空格都系占用左一个位）即使入到会场系准备慨时候，我亦都透过#tag 练习如何转色，虽然最后都系喺3分钟之内烧咗超过1,000,000円Www

返咗嚟香港三、四个月之后，有一日我无聊走咗入戏院，谂住求其搵套戏睇。最快可以入场睇嗰套就叫做《从好久以前就喜欢你。 ～告白实行委员会～（ずっと前から好きでした。～告白実行委员会～）》 ，之后我买咗飞来睇。睇完之后其实我对剧情就无乜特别印象，但系对于当中慨音乐就真系好有兴趣，咁所以睇完之后我都攞部电话出嚟搵吓HoneyWorks呢个团体。虽然喺Facebook 都有介绍我什至乎有相关慨社团，但毕竟渠地都系活跃喺Twitter ，咁所以我亦都开始系Twitter 上面follow HoneyWorks 。之后跟住有一日喺Twitter碌到CHiCO with HoneyWorks ，听完渠唱慨歌之后，我深深爱上呢一个歌手，除咗系因为渠杰出慨声线变化之外，更加因为渠喺Twitter上面慨互动真系好有趣。渠喺Twitter上边仿佛就好似系当大家系好朋友咁喺度分享生活慨唔同事情，而且更加会回覆唔同人慨留言，相比起其他慨歌手或者声优可能只系选择回覆或者纯粹只系贴文然后让人留言但又不回覆，渠呢一种很肯同fans互动慨感觉其实令我真系觉得好开心，咁佢亦都当然有回覆过我慨留言啦。虽然我知道其他人可能受制于经理人或者经理人公司限制，唔可以好似佢咁自由，但即使去到今日，渠都仲系可以保持住呢一种模式，真系好开心。

自从2016年第一次远征去日本睇演唱会之后，之后更加因为钟意咗CHiCO with HoneyWorks，顺理成章咁决定飞去日本睇唔同慨演唱会。只要我就到时间，我基本上都会飞过去睇，甚至乎2017、2018年慨暑假我更加系睇足佢咁多场巡回日本慨演唱会。正所谓出门靠朋友，虽然我慨日文都仲系无咩太大进步，但都勉强可以同人交流，咁所以亦都喺呢段时间认识咗日本好多地方唔同慨朋友，咁当然都系透过Twitter联络，甚至乎系Twitter上面相约食饭。虽然2020年之后因为疫情未能见面，但系我哋都仲系透过Twitter 继续保持联络，亦都因为咁样我慨日文水平逐渐提升。虽然Facebook都有类似慨功能，甚至乎可以话系更加完善，而且可以简单咁睇到之前慨内容，唔使好似Twitter咁样慢慢由最新睇到最旧，但感觉Twitter 比较似系一个即时同人分享做紧乜同咩感受慨地方，而Facebook比较似系一本公开慨日记咁样。

自从疫情开始之后，我相信大家慨生活方式都有改变。我当然都唔例外，但对我来讲可能反而系一件好事。 （如果赶得切，下星期六慨文章应该就系讲呢一样野，咁所以而家容许我开个天窗先）因为喺屋企慨时间增加，电视又无嘢好睇，连嗰个重播1993年烟花汇演慨电视台都执咗，咁所以我决定用自己慨方法搵日本电视台睇。咁既然我系一个宅，咁我当然系搵动漫黎都睇，而且仲要系睇生放送，即系紧贴日本播放，同时收睇最新一集。其实最初都系顺水睇，但之后有一次睇紧《恋爱中的小行星（恋する小惑星）》慨时候偶尔睇到Twitter上面有好多相关节目慨#tag和截图，顺水推舟我亦都成为了当中一员。系日本，我哋呢一类人称为＂实况民＂（类似咁叫，因为好多唔同慨名），而且进入左呢一个世界之后，我仿佛又好似去到一个新世界咁，又认识咗一班志同道合慨朋友。虽然大家素未谋面，但系喺Twitter面前，大家好似可以透过动漫打破语言同地域慨隔膜，好好享受大家都钟意慨动画。

除咗动漫之外，我自己亦都钟意见网球四大满贯赛事、F1、MotoGP同环法单车赛。以前因为工作慨关系，基本上无可能坐定定睇一场完整慨比赛，Twitter呢个时候就发挥一个好好慨作用，因为我可以选择接受相关赛事帐户慨通知，令到我喺工作期间亦都可以犹如置身现场一样感受到比赛气氛同埋即时慨比数同情况；即使而家因为疫情关系，留喺屋企慨时间多咗好多，坐定定欣赏一场完整慨比赛亦都唔系问题，但系我反而无减少使用呢一个功能，而系更加多使用呢一种功能。因为可以有时间随时接收最新资讯同埋唔同场外慨周边新闻，令到我对每一项慨赛事认识比以前更加深入，亦都令到我更加钟意每一项赛事，咁当然亦都令到我可以有机会喺度同大家讲吓F1。

总结：因为，我选择咗Twitter

其实正如我一开头咁讲，我完全无谂过同一个社交网站竟然可以使用超过10年，而且我系想继续用落去。我谂我用咗10年以上，系各方面我都觉得渠同Facebook系无得比，虽然无可否认，有好多功能Facebook系绝对优势，但系对我来讲，Twitter上面一个follow制揿落去，相比起Facebook传送朋友邀请之后仲要等人哋回覆，Twitter绝对系一种优势，而且我亦都唔使等人地批准就可以睇到人哋慨内容。虽然Twitter好似毫无私隐可言，但系而家呢一个资讯爆炸慨年代，Twitter 慨泛用性绝对比Facebook高，而且传播速度亦都比Facebook慨预算法更快，兼且我身边好多朋友都系喺Twitter上面联络，更甚慨系我可以透过朋友唔同慨推文或者转推认识更多人同埋了解更多唔同慨事，所以，我选择咗Twitter 而唔系Facebook。

再次大家衷心感谢睇完一篇废文，今次转咗文章慨形式，算系一种新尝试？亦都好多谢你睇到呢度，希望临走之前可以慷慨解囊拍五下手支持我。咁过两日就系情人节，加埋同埋最近好似无乜讲过动画，好似就嚟比其他类型慨文章淹没我原本慨初心，咁不如就趁情人节，同大家重温一套近年少见慨纯爱作品，不过前提就梗系要我讲得切写出嚟，而家慨进度系0%，希望我个肝唔好咁快示威罢工啦。如果赶唔切慨就下星期六再见，じゃあまた明日？