Uber 没完没了的争论?

Uber，相信大家都听过佢个名。当然除咗系因为渠啱啱系香港结束咗外卖速递服务之外，亦都系因为由成立到而家咁多年以来，无论系边一个国家同地区，Uber应否合法化呢一个问题咁多年以来都浮浮沉沉咁出现。虽然而家好似好多地方都仿佛好似搵到解决方法，但系解决方法又好似重新回到问题起点咁样无限轮回，咁不如就睇吓所谓慨解决问题方法同埋实际慨情况。

首先讲咗香港慨情况。如果大家依稀记得，Uber 当初政府系邀请Uber系香港发展，之后顺便公布要发展智慧城市同推广5G应用。但系好笑慨系引入无几耐，就因为好多的士慨投诉，因为Uber严重影响渠地生意，而且某程度上将『白牌车』合法化，所以他们多次要求政府部门解决和取缔所有问题。结果政府就用『没有第三者行车保险』为理由，多次进行执法行动，并拘捕很多驾驶Uber的司机。首先我要说明，我个人对于香港慨的士司机超级讨厌，加上我以前也是兼职驾驶巴士，所以对他们的行为有一些了解。兜路、拣客、拒载呢啲情况经常出现，明明知道自己有咁慨问题，但因为唔够人哋竞争所以就用尽一切方法解决影响渠哋生意慨人，但系就无谂过点样解决自己本身慨问题，呢个无论几时睇到真系一个笑话。

另一方面，政府口口声声话要破旧立新，每年财政预算案唔知拨款几多亿去发展创新科技事业，虽然有钱总好过无钱，但系一个电子道路收费计划慨雏形，由我中学读书到而家，都已经超过十年，但系都仲仍然停留系规划阶段。即使近年来政府终于推出优质的士计划，但系由研究到推出都研究咗最少十五年慨时间，明明只系需要增加考牌制度同增加司机培训就可以即刻成事，都可以用咗超过十五年时间研究，咁样更加可以谂到，如果要发展Uber 呢一类网上预约汽车平台或者只系研究如何可以合法上路，我相信都要花上很多很多年慨时间，所以Uber都仲系用一个含糊不清慨方法喺香港生存。

本应就相安无事，但系直至2018年发生了一单车祸，导致有人死亡，整个问题再一次浮上水面。其实一直大家都见到呢个问题，只系一直无发生问题所以就无人主动理会。虽然果次意外之后政府再一次用『驾驶汽车以作出租或取酬载客用途』理由控告28名司机，但系之后到而家，即使而家系疫情期间，都无再特别听到票控呢一类司机慨消息。虽然现实系渠地仍然系唔合法咁样载客，但系基于各种原因，例如安全性（可以即时在网上或App追踪）、明确慨收费（所有费用于预订慨时候已经列明）、同埋更加有礼貌（最少我到而家搭咁多次Uber啲司机同我都有讲有笑），我相信其实的士各方面都唔会比Uber优胜，虽然系比的士贵，而且繁忙时间更加有额外慨附加费，但系俗语都有话：与其系香港养车，咁不如我一日日搭的士返工可能仲有赚，咁所以我始终觉得，Uber优胜慨地方绝对系校服赢尽口碑。

踏入2021年，Uber亦都宣布正式收购HK Taxi，虽然我唔知道咁样系好事定坏事，但系如果我就咁睇，对Uber慨发展绝对系一件好事。首先，Uber未收购HK Taxi之前，本身提供的士数目极之少，基本上系预约唔到，好多时都会电脑自动改为Uber X（即系比较平民化慨选择，主要系中小型慨私家车）虽然可以用一个比较平慨价钱去享受到比较好慨服务，但系始终影响到渠哋慨收入，所以都系有少少唔好意思。 （以前曾经同司机倾过，如果无的士慨时候电脑自动转咗做Uber X，渠地收到慨收入就只有的士列出黎个个收费，唔会增加去到Uber X慨收费）咁所以，而家多咗咁多车加入慨时候，对乘客来讲绝对系方便咗，因为等候慨时间唔使咁长，同埋更加快可以搵到系附近慨司机。其实系旧年12月头左右，我亦都有试过系葵涌搭Uber Taxi去美孚，因为果阵时有折扣，所以计埋都系$10左右。相比起以前，我系App落单之后大约十秒就有成功预约，大约三分钟之后便上车，所以绝对系比以前方便咗。

好啦咁讲完香港，不如就讲吓台湾Uber慨情况。虽然最近几年因为疫情未能够出国，但系好彩以前搭Uber慨时候都有同司机倾偈，甚至乎有留低电话交流，所以都可以继续同大家讲吓而家遇到慨问题。咁当然啦，我知道呢度都有好多台湾人，所以纯粹只系有一个游客慨角度出发，如果有啲咩不足或者想补充慨，欢迎系下面留言。

咁首先就要讲吓点解我系台湾选择搭Uber。正如我系上面咁讲，我以前系兼职巴士司机，但系有阵时日都会帮朋友出去外地公干，主要目的地系日本，台湾只系一个转机慨地方。我人生第一次去台湾系2018年，去到疫情前我只有去过五次台湾，但因为每次都系公干加旅行，所以每一次逗留都超过三个星期，所以某程度上我都算搭尽台湾唔同慨交通工具。

首先就讲吓台北先，虽然台北捷运真系好方便游客，而且服务范围广，规模大，由台北去到新北。但系我相信好多住台北慨朋友都知道，大部份人都会选择自己揸电单车返工放工，因为虽然系好方便，但系自己驾车会更加方便，而且行人路动线慨设计完全不利于行人（例如行人路之间凹凸不平，而且有高低差），所以自己揸电单车绝对比搭捷运方便。加上大部份游客主要慨活动地方都系台北车站到西门町附近一带，所以大部份旅游书籍都系推介选择最贴地慨方式，就系台北捷运。

但系假如你需要去一个远离市中心慨地方，例如松山机场以北或者淡水一带，如果从台北车站出发，乘搭捷运时间最少也要半小时以上；即使选择巴士，时间亦都相若，而且仲要面临塞车问题，咁所以如果作为一个旅客，公共运输交通工具就系最佳慨选择，因为几咁无都可以唔使研究，净系跟住张地图就可以去到目的地，只系需要花上更多慨时间。虽然你可以讲，点解唔自己租车？我其实以前都有咁样打算，甚至乎我可以同你讲，我已经系台湾自驾环岛游两次，但系到咗而家我都仲系唔敢揸车入台北入边，因为交通情况实在太恐怖。

2018年4月有一日系西门町同朋友食完饭之后，就准备去内湖参加一个朋友举办慨音乐活动，我本来都谂住搭捷运，但系我同朋友手上拎住两支脚架，同埋大量慨摄影器材，为咗唔影响别人，所以就谂住求其系街边截的士。但系点知一上车个司机同我地讲价，要收我地$600台币，但系我曾经上网睇过，由台北车站包车去桃园机场都只系$1000台币左右，所以我决定我地落车。虽然我唔知道实际价钱系唔系咁贵，但系唔敢咪表收费呢样野我实在接受唔到，咁所以谂其他方法。呢个时候我突然谂到搭Uber，所以就打开App，睇吓有无比较平慨方法解决。结果好彩发现只系需要$400台币左右就可以去到内湖。一上车慨时候，司机即刻发现我地唔系台湾人，所以都好热心同我哋倾偈。然后我同渠讲头先遇到果个情况，之后佢好坦白咁讲，渠以前都系的士司机，呢啲情况屡见不鲜，而且唔理系咩人，都会发生呢个情况，所以拒绝呢种行为系正确。

完场之后因为同行朋友需要赶去TICC观看演唱会，想当然我们再一次选择了Uber，不过因为我需要去找台北朋友，所以先把所有器材拿回酒店。系搭车慨过程，亦都遇到好友善慨司机，咁所以我亦都有机会继续了解台湾Uber慨情况。虽然系交谈慨过程知道，Uber收取慨手续费绝对比自己搭的士高，甚至乎可以系极高黎到形容，而且系要用自己慨私家车，相对上投资系比较大。但系同的士唔同慨系，Uber基本上可以不停接单，保证长时间有收入，相比起的士要等客，唔知等几耐，收入绝对系有保障。而且系用车行慨形式运作（当然都系那些年慨时候），司机慨质素、乘客慨安全、法例上支援等等，绝对有更加大慨保障，所以好多的士司机都转咗去揸Uber。系呀，唔记得咗讲，呢个司机以前都系的士司机黎。

之后2018年圣诞节，同几个朋友系台湾环岛自驾游。系台中慨时候，因为我哋系选择住远离台中市区慨民宿，而且无提供车位，所以只可以选择停系街边慨停车格，而且费事夜晚返黎慨时候要再花时间搵位，所以选择搭搭车返去台中市区搵嘢食。虽然嗰阵时我记得台中有首十公里免费搭巴士呢个优惠，但系如果我地搭巴士返去台中市区最少要转三四次车，咁所以当然系选择搭Uber。今次系台中亦都系遇到一个以前慨的士司机，所以亦都可以继续知道更多Uber慨事情。系呢次慨交流我先至知道，Uber完全禁止司机系车厢入边饮食、吸烟同埋食槟榔；相比起的士可以系车厢入边做呢啲野，甚至乎载客慨时候都可以咁做，Uber绝对系提升司机慨服务质素、车厢整洁程度同埋乘客慨体验方面落咗好多功夫。

虽然近几年真系因为疫情关系完全无办法去旅行，但系好彩我都仲同渠地有联络（唔好问我点解会有联络方法，因为嗰阵时好倾就交换咗，就系咁简单）所以都可以知道自从2019年至今改变对于司机慨影响。其实当初Uber更改成以的士方式营运慨时候，因为大部份慨年轻司机都没有持有的士驾驶执照，所以当初一下子系无咗好多车，虽然渠地有的士执照可以即刻继续开工，但系系果段期间做到有气无埞唞。好彩之后更多慨司机顺利回到路上，令到服务可以回复正常。即使而家某程度上算系用的士慨方式运作，但系始终受到Uber慨严密监管，所以继续系比的士优胜，所以即使而家疫情期间，渠哋慨生意都无受到太大慨影响，因为始终Uber唔系太多游客第一时间会考虑慨交通工具。

虽然台湾仿佛就为Uber寻找到另外一条出路，可以合法上路，但其实会唔会只系埋藏咗一个计时炸弹？因为长远计，仲有始终有一日系会影响到传统的士慨营运。虽然凭着更平、更好慨服务质素，但系始终覆盖范围有限，有部份地方或者偏远地方未能受惠Uber服务，而且传统的士优胜慨地方就系可以随时随地拦截，唔使预先上网预约，对大部份人来讲可能系更加方便，所以其实就系中间要有取舍。如果目前黎讲，想方便慨，就一定系传统的士；如果想享受比较高级慨服务，就可以考虑Uber。但系如果一直唔画清楚Uber同传统的士慨界线，变得更加模糊不清慨时候，我相信到时Uber一定会掀起另一场风波。

反观香港，政府仿佛打完斋唔要和尚。 Uber明明就系一个好好慨例子，但系政府又要走去告佢话犯法，咁你引渠入黎又有咩用？我唔敢讲如果用台湾果套方法会唔会成功，但系连大陆呢样野都比香港成熟几十万倍慨时候，政府就黎一个反其道而行，退出优质的士计划，咁其实根本上系无解决个核心问题，只系比乘客多一个选择，但系兜路、拣客同拒载呢啲问题完全无解决过，与其搞咁多嘢，不如将Uber合法化好似仲实际，更加有质素保证。

最后就可以讲吓一样都系同Uber相关慨业务，就系Uber Eats。不过呢样嘢真系可以好快讲完，撤出香港慨原因绝对系因为竞争力不足，相比起Foodpanda 同Deliveroo 呢啲铺天盖地慨宣传，Uber Eats慨宣传绝对系少之又少。而且相比起另外两间外送平台，Uber Eats就算结业前，都未能够提供覆盖全港慨外送服务，绝对系一大败笔。加上同Uber一样，对于外送人员慨人工收取极高慨手续费（如果我无记错好似系15%），更甚者系中午慨时候虽然可以系中环、旺角呢啲商业区接到好多单；但系一到夜晚，就算去到边度都好，都剩系得1～2张单，同晏昼食饭时间做唔停系真系好大分别，所以其实咁样已经知道夜晚系比较少人选择叫Uber Eats，所以渠停止服务果刻其实我完全唔觉得意外，甚至乎系觉得俾人挨打咗咁耐先至执笠真系好犀利。系呀，你又无估错，我以前都有做过Uber Eats速递员，只系因为完全收入同支出唔成正比所以做咗一个星期就放弃。

衷心多谢你系咁幸福慨又睇完一篇废文，希望将来大家可以去旅行慨时候，不妨考虑一下搭Uber同当地人交流，或者会有另一番体会。走之前希望大家可以慷慨解囊系下面拍五吓手，作为继续支持我创作慨原动力，お愿いします。