适合每个人的水手服——“明田酱的水手服”

同上一套我介绍慨《着せ恋》 ，虽然都系CloverWorks 慨出品，甚至乎都系2022年1月新番，但系两套慨作画风格完全截然不同。如果话上次介绍慨《着せ恋》专注系男女爱情同Cosplay方面，咁今次呢一套《明日同学的水手服（明日ちゃんのセーラー服）》绝对系另外一个层次。

故事系讲述明日小路（本套动画女主角），生活系一个乡下地方。因为少子化问题，渠读慨小学得返渠同渠妹妹两个人。渠由细到大都好憧憬穿着水手服慨艺人福元干，而且发现同渠妈妈就读慨中学都系同一间：私立蜡梅学园中学部。所以渠就用尽心机去考呢一间私立中学。而动画开始时亦都表达了明日小路顺利考到私立蜡梅学园中学部，而渠妈妈亦都为渠亲手制作水手服。但系去到开学礼当天，先至发现原来好耐之前已经改回穿普通校服，唔再系指定水手服作为校服，但系经过同校方商讨之后，明日小路成为全校唯一一个穿着水手服返学慨人。而之后亦都因为渠与别不同慨校服，展开了一段不平凡的校园生活。

故事呢就大约系咁啦。不过系继续讲之前，请容许我讲一样野先。就系呢一套动画，相比起任何一套作品，呢一套绝对唔系适合每一个人，甚至乎我可以话系适合一班有特殊癖好慨人士观看。因为相比起任何一套校园作品，成套作品注重慨系水手服描写同埋点样透过水手服令到渠同唔同慨同学有交流。水手服仿佛成为咗成套作品慨重点，加上每一集内容主要都系在校园入边发生，制作组仿佛好似知道观众想要咩，所以除咗水手服之外，每一集都画到只脚好靓。所以我先至会话，相比起其他任何一套作品，呢一套慨观众客群其实真系有少少特殊。

其实当初我睇原作漫画慨时候，系一种好熟悉慨感觉，但系又谂起边度见过。之后一睇维基百科，先至发现原来《明日同学的水手服》作者：博，就系我之前介绍过慨《本田小狼与我》轻小说慨插画家，唔怪之得一睇落去有一种咁面善慨感觉。最初系先接触《本田小狼与我》慨小说，然后见到呢一套动画化先至去睇原作漫画，之后再睇埋维基百科，忽然发现两套虽然题材唔同，但系画风亦都好接近。

相信会睇呢一套作品慨人，绝大部份都系因为见到水手服呢三个字而被吸引。但系对于我黎讲，其实真系无乜感觉，甚至乎当初有谂过应唔应该选择追呢套。回想我自己中学六年生涯，每年夏季都总系见到全校女生清一色换上水手服，所以都已经睇到唔想睇，难听啲咁讲，甚至乎已经睇到生眼挑针，咁所以我就绝对唔系因为水手服而选择睇慨。相反我系比少人提及慨PV吸引，始终CloverWorks 一直都系有保障慨制作公司，绝对唔使太过担心画面崩坏等等影响观感。

点解我之前咁强调话呢一套系比较适合一的特殊癖好慨人观赏？因为呢一套相比起隔离慨《着せ恋》，甚至乎同季其他任何一套作品，渠慨故事绝对系平庸，既没有Cosplay 换衫呢啲场面，更加没有特别引起话题慨故事内容，只系好平庸乏味慨校园生活。但系亦都因为咁样，成套作品就以水手服作为主旨，透过明日小路，将好普通慨校园生活，绘画到有声有色。其实系睇动画慨时候，我自己都不期然想起以前中学时代慨生活，虽然我中学时代称唔上快乐，但系果种好似明日小路咁钟意做乜就做乜慨生活，我相信成为了大人慨我地都只系可以回想。

系最后一集动画播放慨时候，明日小路用大约15分钟慨舞蹈向观众讲述体育祭所有比赛慨经过，其实成段舞蹈真系好靓，当然亦都正如我之前咁讲，呢一个部份都唔知用咗几多钱制作。但系，好睇睇好睇，但系侧边负责演奏慨木崎江利花（明日小路在学校第一个认识的朋友）又弹琴又拉小提琴，相信最后一集播放时间又接近四月，令到好多人即刻觉得制作组系向《四月是你的谎言》致敬。虽然官方就无讲系唔系咁做，但系好多人都觉得，呢一种表达方式绝对系好完美慨表演。

另外一个令好多人垢病慨就系，在每一集最少都总会有一、两个画面系采用定格方式显示，虽然无可否认系画得好靓，完全可以凸显到明日小路穿着水手服的美态，相比起纯粹采用动态画面，色彩和线条可以更加令人印象深刻，而且更加可以突显博先生慨功力；但系都正正系呢一点，令到好多人都唔系太喜欢。虽然渠都系用之前我有介绍过慨《本田小狼与我》中画面转接慨方式呈现，但系今次实际上效果就好两极。之前《本田小狼与我》由暗淡颜色转到色彩鲜艳慨情况，是想带出小熊如何改变人生；但《明日同学的水手服》仿佛就只系突显自己的画工有多厉害，不是有特别的作用，所以亦都令到很多人不太喜欢。而我个人都唔系咁喜欢这一种风格，毕竟由细到大，系我记忆中真系未见过有一套作品系用呢一种方式呈现，虽然呢一种方法好创新，但系每当出现慨时候总会唔得特别突兀，感觉和当下的气氛完全不太配合，所以我个人觉得用呢一种显示方式有一点画蛇添足的感觉。

除此之外，另一个令好多人觉得遗憾慨系竟然动画去到运动会就完结，竟然没有东京暑假篇。系开播之前，我当然亦都有走去睇原作漫画，亦都同好多人当初期待慨一样，以为运动会篇章漫画只占很少部份，相反暑假去东京旅行篇幅很多，以为动画也是一样，只是轻轻带过，然后以东京之旅作为收尾。正如上面咁讲，虽然渠用舞蹈表达出运动会呢种方式真系好好睇，但系总系感觉有少少遗憾，因为睇唔到明日小路着住水手服游览东京慨情况。当然啦，私心除了是想欣赏水手服之外，更加想睇在博先生同制作组慨加持之下，究竟可以将东京画到如何美轮美奂。不过只可惜制作组选择用一个比较偏慢慨方式讲述整个故事，令到整套动画去到体育祭便完结。话虽如此，虽然系遗憾，但系因为制作组采用一种比较慢慨风格，令到唔同人之间慨人物描写显得特别细腻，除咗令到睇动画慨人更加容易了解唔同角色慨特性之外，亦都可以令到我呢啲有睇过原作慨人可以更加清楚唔同人之间慨关系，因为原创漫画唔太深入写每个人慨特性，所以都算系因祸得福？又或者呢个真系留返比二期慨伏笔呢，我相信呢一个咁好慨作品应该会有二期慨……

其实呢套可以评论慨地方真系唔多，因为如果撇除水手服呢个元素，只系一个好普通慨女校校园故事。但系正如我一开头咁讲，正正因为水手服这种咁习以为常慨服装，令到呢一套作品跃升成为一套与别不同慨作品。当然呢一套《明日同学的水手服》并唔系适合每一个人，不过呢一种咁特别题材类型慨作品，我相信前无古人后无来者，如果真系有时间慨，不妨睇下可以将一套水手服画到如何美轮美奂呈现系各位眼前。今日就讲住咁多先，星期六再见。