回到平成时代的恋爱ー堀与宫村

《堀与宫村》系一套校园恋爱喜剧，最初只系四格漫画。 2007-2008年期间连载，2011年推出重制版；2012、2014、2015年推出OVA；2021年推出动画版和电视真人版。相比起其他校园恋爱作品，《堀与宫村》多年来慨人气其实都大热不减，而且更加系近年来少见慨成功跨媒体作品。

首先讲咗漫画先，截至目前为止，大家仍然可以系HERO先生网站上面睇到2007至2008年期间连载慨《堀与宫村》版本，应该算系最初慨版本。而呢个版本2008年亦都开始推出单行本，但系碍于年代久远同埋当时推出单项本数量不多，所以即使到了今天，这个最初版本的单行本仇家已经比当年贵上很多倍，而且可以算是有钱也很难买到心头号（最巅峰时期好似一本最少是$10000円）。不过，如果以现今慨话画风，我相信大部份人（包括我自己）都难以接受，因为有少少似火柴人。

2011年开始推出重制版慨《堀与宫村》，由萩原ダイスケ先生作画。呢一个版本呢就开始接近大家近年睇到慨漫画风格，绝对系比较可爱同萌。即使到咗今日，仍然有好多人推介会呢一个版本慨《堀与宫村》，因为目前市场上各种通贩都仍然可以比较容易找到。

OVA我就系因为无睇就所以唔讲；电视版就因为睇咗一集之后不是太能够接受真人版，所以就放弃（虽然未到达原作粉碎机地步，但系风格仍然有待改善）而作为2021年1月新番慨《堀与宫村》，亦都算系今年以来其中一套比较成功慨校园恋爱动画。首先讲讲制作公司先，制作《堀与宫村》动画版慨CloverWorks 系Aniplex慨子公司，背后慨金主当然就系日本慨Sony。所以相比其他制作公司，资金方面绝对不是问题，而且有Sony爸爸慨支持，声优方面绝对可以比较豪华。而曾经制作过慨动画包括有： 《不起眼女主角育成法剧场版（冴えない彼女の育てかたFine）》 、今季大热慨《恋上换装娃娃（その着せ替え人形は恋をする）》同《明日将的水手服（明日ちゃんのセーラー服）》 ，同埋今日要介绍慨《堀与宫村（堀さんと宫村くん）》 。

要咁着大约讲下故事大纲先，故事讲述一个有女生：堀京子，系班上面除咗系一个美人之外，更加系一个成绩优异慨人，但系因为父母长期外出工作，所以每天放学后也要赶回家进行家务和接弟弟放学。而故事男主角：宫村伊澄，因为一次堀京子弟弟堀仓太意外而送他回家，发现堀京子另外不为人知的一面，然后两个日久生情，成为情侣。动画版到此为止，而原作漫画中结局表示他们已经结婚并拥有一子。

大约故事就系咁上下，因为恋爱故事都真系无乜特别好讲。咁点样之前我上面会话系平成时代慨恋爱呢？因为动画版入边整个时间仿佛仲未到达令和时代，让大家继续留系平成时代，好好回想过去。当中最容易分辨到就系即使系一套系2021年1月播放慨动画，但系当中主角所用慨手提电话仍然系折叠式手机，并非目前主流慨智能手机；而且当中更不停穿插以前用电话下载音乐和用蓝牙分享歌曲给同学等等现在已经唔会发生慨事情，同其他作品有好大分别。就算系一直我都好钟意慨《果然我的青春恋爱喜剧搞错了》，即使动画版已经超过五年才制作最终章，但系当中慨科技、唔同慨店铺或者衣服等等亦都跟随年代推进，手提电话亦都由折叠式手机提升到iPhone。相比之下，《堀与宫村》保留了许多呢一类慨细节，对好多人来讲未必会细心留意，但系整体感觉有一种怀旧慨味道，实在系难得一见。相比起千篇一律慨剧情，呢一啲细微慨地方往往真令我喜欢。

虽然校园恋爱喜剧每一套都仿佛都系公式化一样，但系如果要讲呢一套特色，其实又真系有好多与别不同慨地方。除咗常见慨情敌之外，更加可以见到比较罕有会放入主线慨校园欺凌情况。伊澄由小到大都一直俾人认为系怪物，所以每逢分组活动都会剩低渠一个，而且即使系做宠物委员都好，同委员慨人都会将所有慨责任推卸俾佢，直到遇上京子和她的朋友才有所改善，更加系第一次有人分组活动才主动愿意和他组成一组。点解我自己对于呢一部份咁深印象，或者点解会钟意呢一套作品？系因为我其实都系被欺凌的一人，引起我慨共鸣。老实讲，我中学六年，都系俾人欺凌，所以我其实都身同感受。虽然以前班上面都有一两个好朋友，但系有阵时为咗渠哋唔想俾人排斥，所以我都唔介意做丑人。不过好彩之后读基础文凭同高级文凭慨时候认识咗一大班好朋友，而且因为中学时候我同学咁样对我，所以我亦都认识咗好多外面慨朋友。 （当然全部都系好人啦）容许我又离题少少，其实校园欺凌呢个问题周围都有出现，但系往往老师采取慨态度就系唔会干涉学生，但系大部份慨教育唔系应该以身作则，指导学生正确和错误的事情？明明校园欺凌系唔好同唔应该发生慨事，但系点解身为老师可以视而不见？ 《堀与宫村》动画入边有一幕我系好心印象，就系分组活动慨时候，老师竟然可以反问宫村为什么只有你一个人没有人愿意和你一组？虽然只系数十秒的画面，但系果一下我真系觉得好有同感。就算你要我一个完成全部人的作业，然后他们拿取光环我也是没有问题，但是为什么偏偏唔可以让我自己一个人一组？虽然只系动画，但系真系令我好有同感。 Sorry 又讲远咗，不过纯粹真系想比大家知道校园欺凌呢样野真系唔好受。

虽然《堀与宫村》只系一套动画，但系当中慨情节其实亦都好写实。例如：两个人放学后一起回家温书、以为男朋友出轨等等。系而家呢一个速食文化盛行慨社会，前者我都相信都仲会发生，但系后者我觉得已经唔会出现，因为如果系咁已经直接话分手。高中时期往往就系一个成长阶段，系现今资讯爆炸性慨年代，人慨感情变得好脆弱，甚至乎婚姻往往只会视为为一张纸上为了扣税慨文件。而系动画入边，果一种清涩慨恋爱，其实已经不存在。中间有一集讲到，宫村因为家人去世而到北海道出席丧礼，但因为手机无电而未能失去联络。另一方面，京子因为联络唔到宫村发呆，例如在自动贩卖机买饮品会不自觉买多一份，放学会等宫村一起回家等等。当宫村返到去自己屋企电话重新帮我上电源之后，即刻跑出去搵京子，而京子亦都啱啱走出电梯。呢一种咁纯真慨恋爱，唔好话动画，就算日常生活依家都好难会见到。虽然依家网络慨方便绝对系拉近左人与人之间沟通慨距离，呢种咁慨失误亦都唔会发生，但系往往就系因为太方便，仿佛生活之间就缺乏咗好多人情味。就算比着系我，如果真系联络唔到对方，我都会好心急，但系试问现今慨年轻人，又会有几多个会有咁慨情况出现？呢一种咁清纯慨恋爱我相信只可以通过动画回味。

相比起上个月介绍慨《月色真美》，今次讲慨《堀与宫村》虽然都系校园恋爱故事，但系两者都算系完全截然不同。 《堀与宫村》讲述慨系高中生活，除咗要面对升学考试、出路等等压力之外，系成长慨过程中仲要面对同适应同辈慨影响，爱情慨观感相对上比较成熟，思考慨方面亦都比较大。例如有一小段系讲仓太唔小心见到京子同宫村正在发生超友谊关系，之后系画画功课中画咗渠地三个，然后喊住咁同宫村讲唔想抢走渠姐姐，然后宫村好温柔咁话只系借（虽然我相信等渠大个啲都会明白）虽然咁细微慨细节，无睇到完作漫画慨人都未必会留意或者知道发生咩事，但系宫村呢一种咁细腻慨思考方式，令到读者明白到渠系一个好体贴、有深思熟虑慨人。相比起《月色真美》，讲述似系初中发生慨事，比较细路仔脾气慨爱情，但系两者都各有各慨精彩。

今次慨介绍大约就系咁啦，始终校园恋爱喜剧每个人慨睇法或者领悟都有所唔同，反正依家日日系屋企唔知做咩好，不如又再花多少少时间，睇返一套简简单单慨爱情动画。另外， 呢套亦都系少数Netflix 有得睇慨作品。咁就星期六再见，88。