台湾宅宅环岛之旅：逆时针篇Day 0 准备

一讲起台湾旅行，相信好多人都熟悉过我，甚至乎大部份读者都系来自台湾，咁其实我可能继续讲落去都无乜意思，多谢大家，大家可以揿返上一页离开。下次再见～

当然大家识我咁耐，就知道我唔系一个咁肤浅慨人，香港人去台湾旅行，好多人除了去台北之外，其他地方大家其实都有去过；但如果将所有地方集合成一次环岛游，我想信真系唔多人可以达到这个成就，希望可以透过呢个系列，可以令大家了解到台湾环岛游绝对唔系一件咁容易慨事，仲要系一班二十出头慨宅宅。

首先你可能会问，点解会选择环岛游？时间又赶，能够去到慨地方又唔多，仲要好辛苦，有什么好玩？点解唔分开，每次去一个地方慢慢玩？其实对我地来讲，可能因为我自己喜欢揸车，所以觉得去台湾自驾游其实都几过瘾（未去之前当然系咁谂）。至于点解我地会选择揸车而唔系选择搭公共交通工具，首先，如果你一班人一齐去旅行有架车时间安排会方便好多，唔使每到一个地方都要就住时间，玩得唔过瘾（平时生活已经赶时间，难得去旅行就不如放松下；第二就系见到边度景色优美，我可以摆低架车就去影相，唔似搭巴士或者搭台铁高铁咁样无得停低睇，只可以走马看花）另一样野我地觉得最重要慨就系可以亲身体验令人闻风丧胆的苏花公路，而且果阵苏花改只是开放了一少部份，而南回改仍然未开通。租车方面，我地五个人但系想坐得舒服少少，所以拣了格上租车慨韩国现代Starex 2.5，即系香港Hyundai H-1。

准备慨时候其实真系无乜认知，所以今次第一次去真系有少少随便安排时间，以为自驾游开快少少便可以追到时间；结果去到就知道大错特错，理论与实践永远都系背道而驰。

先讲下寻找住宿的地方，我地预计大约西部三日东部两日，而我地原则就系尽量不会揸车入台北市区，因为台北交通实在太恐怖。第一日，因为预计去到桃园机场已经系夜晚，所以攞完车之后就会在机场附近搵地方过夜。瞓醒第二日就去台中食个午餐跟住就去台南住；再之后就经过高雄落屏东玩，在垦丁住多一日之后就去花莲住，再之后落去宜兰浸过温泉过一晚，之后返桃园机场还车，跟住再回去台北玩多两日。原本成个计划系好美好，不过纸上谈兵同实际运行上来真系两回事。亦都可能会有人问，咁我系住酒店定住民宿？我慨答案系两样都有，无他慨，有大部分地方酒店平过民宿，所以两样都有。民宿可以体验当地人情；酒店有质素保证，唔怕会遇到伏，所以你叫我点样取舍Www

食个方面就去到当地再睇下有咩食啦，反正食物都是大同小异，而且因为之前试过几次系台北想去某餐厅，但去到先知无开，所以我地都已经唔再有任何期望，正所谓：没有期望就没有失望。

换台幤方面，我地决定去到台湾在用银联卡在柜员机揿钱，因为汇率比较高。

电话卡，我们决定到达桃园机场后再购买。以前我试过系香港买，去到台湾后完全不能使用，浪费了我＄100事少，浪费我时间才是最大问题；在台湾在购入，可以肯定买完马上用到，一定唔怕会浪费金钱，同埋我自己会自备Wi-Fi蛋，放张Sim卡插入去就用得，方便快捷。

下一次，旅程正式开始，不过唔知几时先得闲写Www