无独有偶，无毒却有呕

Sir Jaydon 呀，渠以为自己系？

三份贵价粮沟一份食开慨，渠发现嗰啖里面有食开慨旧粮，就好小心又好隆重到我以为渠含住只大仓陶园吴须赤绘骨瓷碟咁，原啖从口中慢慢放落地，兼夹分开一啖一个位，慌死会整亲啲粮咁。有时候食得太快，趁未消化，重会原粒呕返出嚟控诉你。

佢冇理由知道我因为食鱼唔识吮骨，食到有细骨就原啖𦧲都𦧲唔切咁𦧲落台面呢啲咁嘢喎。喂，basic gagging instinct 呀，我都唔想咁折堕又丑怪，所以喺出面尽量唔食鱼，废事畀人误会我格调太高只挑贵鱼慨fillet 嚟食。

物似主人形，坚系。唔系咁讲我都唔知点帮你兜你兜饭好。

又有啲唔似慨。我唔会𦧲完之后重想指控我落毒害佢咁斜啤我。

你个冚家富贵你阴鸠我.jpg 

又同埋我唔会呕完之后只要有人坐渠台陪食饮返两杯摸下个头就乖乖地逐粒食返晒。其实呢只冇骨气，同我家阵慨骨质疏松……都算系friend 嚟慨。

今日又系咁。终于，我抵唔住颈，问渠：

 「到底你想点呀？」
「我咁样问，唔算过分吖。」

（节录自何嘉丽90年代神曲《无可奉告》当中，郑丹瑞屈机的深情对白）

然后渠只系打平咗对垂直慨耳仔，默默地继续食饭。佢冇答过我，甚至极力逃避我眼神。我都冇再问渠。喺食呢兜饭慨十几分钟，我地个世界变得好静好静，静到只有个嘴撩饭声、咀嚼声、我两个屁慨声。

无回音，好实在。