2021年度F1上半季简单回顾

经历咗八个月之后，2021年F1终于嚟到暑假，而且过咗一大半了。不如就趁呢个空档时间，一齐回顾下上半季发生咗啲咩事。

首先未开始比赛之前已经有#WeSayNoToMazepin 事件，不过我就唔想提，因为闭门打仔，无人知。之后终于黎到巴林站慨季前测试，我哋可以见到慨系世界上最贵的二十部吸尘机系渡吸尘Www。系三日慨测试中，我哋见到慨系最后一年为红牛提供引擎的本田，其表现力竟然比七届车厂冠军的平治优胜。今届比赛慨赛车修改比预期中影响大，但亦都系因为咁样，先至可以令到今年上半季慨赛事唔会好似之前几年咁沉闷。另外平治表现亦都极度令人失望，三日以来圈数最少，而且受到不同问题困扰，绝对系百年难得一见慨奇景，毕竟平时有如瑞士钟表准确慨车队竟然都有犯错一刻。

去到2021年第一场正式比赛之前的自由练习和排位，除咗平治同红牛斗争之外，今年新人慨表现亦都系有少少喜出望外，虽然未去到可以排头位出赛的表现，但绝对并非陪跑分子。去到正式比赛的时候，我谂大家净系记得HAM不停超过赛道限制无事，但VER只系超过赛道限制一次就要即刻赔返个位，不过呢啲咁复杂慨问题我就唔想讨论，只系因为我唔识得点样表达究竟边个啱边个错。我反而系想讲吓，系第一站比赛慨时候，我哋终于可以见到2021年赛车慨修改对于实际慨影响。讲真喺季前测试慨时候我谂大家都无谂过红牛架车会可以追得上平治甚至超过平治，不过亦都正如我之前咁讲，正正系因为咁样所以今年上半季先至唔会好似花车巡游咁样，每一站都系44 33 77咁样公式返嚟。今站亦都系新人角田裕毅处女战就成功得分。

之后下一站去到Imola赛道，首先系排位赛慨时候，我哋见到慨系日本新人角田裕毅撞车。去到正赛，今年第一场雨战，我哋见到慨系HAM撞墙事故，之后同一圈内BOT同RUS撞车，大家应该仲好记得铁头功对一阳指。之后亦都好好彩出现红旗，令到HAM有时间整车同埋唔使跌出得分区域。当然渠之后一圈一圈咁样追番上去颁奖张台慨位置，亦都可以见到渠七届世界冠军慨实力绝对系不容忽视，即使今年间车未必系全场最快。

下一站我哋返到去一个每年MotoGP也会举办赛事慨葡萄牙Portugal 赛道。不出所料，平治红牛在自由练习阶段各有领先优势，结果排位赛最终由BOT夺得头位起步。可惜好景不常，保子始终都系保子，换完軚出返嚟之后，继续都系系HAM后面。不过今场在一次展现PER养軚能力比场上任何一个车手更好，如果没有规定车手一定要换軚，我相信渠应该真系可以一套车軚跑到尾。不过最后当然都系要换軚，结果又系我哋熟悉慨44 33 77组合。

离开葡萄牙，我哋去到另一只牙，就系西班牙。黎到西班牙加泰罗尼亚赛道，又系一条每年都举办MotoGP慨赛道，今年唔同慨地方就系终于修改咗10号同11号湾，目的就系为咗可以有咁多超车爬头慨机会（赛会声称）。不过可惜正赛慨时候，1、2号湾慨轻微碰撞，令到HAM跌出第一，而且更加让VER取得头位。正当大家以为今次终于可以系33 44 77咁样完结慨时候，HAM一声唔该便采取Undercut 策略，除咗杀红牛一个措手不及之外，更加于最后凭着较新慨车軚夺得冠军，绝对证明咗七届世界冠军慨车队果然名不虚传，特别系策略研究呢方面Www

下一站我哋返到去久违了一年慨街道赛道，摩纳哥蒙地卡罗。我相信大家都知道记得法拉利虽然获得头位起步，但系最后因为有不知名慨损坏未能及时发现和修补所以DNS。虽然系咁，但系今站其实我觉得真系好闷，因为真系好少爬头，而且大部份都系Pit Line入面爬头Undercut或者Overcut，相比起其他站埋身肉搏慨战斗，真系缺少咗不少乐趣。另一方面，我哋自去年巴林第二场比赛之后再一次见到平治Pit Stop出错，不过今次出错代价比上次大得多，令到BOT要DNF收场，亦都可能成就咗有记录以来最长慨F1 Pit Stop 纪录：43小时15分钟。点都好，今站亦都系今年第一次颁奖台没有平治车手，亦都系法拉利久违了慨颁奖台。而且整场比赛，我哋可以见到VER以破纪录平均时速完成比赛，但HAM却一直搵唔到合适车辆设定而系度挣扎求存。

之后继续系街道赛，拥有超过2公里长大直路慨阿塞拜疆巴库。首先系排位赛，我哋见到三节都有红旗出现。去到正式比赛，开头都可以话平平无奇，但系去到中间，我哋首先见到STR因为不明原因爆軚，本身都冇乜太大问题，但比赛完结几个圈之前，我地见到VER喺同一段大直路进入起步位置事态再次爆裂，虽然人没有受伤，但领导领先位置荡然无存。 （如果之后有机会我或者都会讲吓究竟近十年黎Pirelli 成为唯一车軚供应商慨问题）结果今次引起红旗，令到比赛得返两个圈慨追逐战。正当大家以为HAM可以冷手执个热煎堆，结果手多揿错掣，引致煞车碟过热，左头煞车碟Lock-Up，由头排起步直接变最后一名。结果系由PER胜出，之后系VET同GAS ，都系都系VET转队第一次行上颁奖台。

之后我哋返到法国，喺排位赛慨时候，我哋再一次见到角田裕毅撞墙，渠今年咁多站比赛，都可以睇到渠系排位赛表演实在太唔稳定。之后返到正赛，只可以讲，红牛以其人之道还指其人自身，完完全全复制左平治系葡萄牙站慨战略，唔单止令到VER 可以安全保住第一，咁样可以令到PER 攞到第三，成功喺积分榜大幅抛开平治。 （其实今集我都觉得好闷，所以无乜嘢特别想讲）

跟住我哋去到奥地利红牛环，一连两场比赛，请容许我偷懒，一段过介绍两次比赛。作为红牛的主场，红牛当然有绝对优势。由排位到正赛都毫无悬念，两场也顺利获得冠军；但紧贴车手和车队排名榜之后的平治却有天渊之别，虽然第一场HAM顺利登上颁奖台，但始终一只搵唔到适合慨车辆设定，所以第二场更加变到挨打，最后更加因为车辆受损所以只可以获得第四。至于其他车手，只可以讲今场真系罚单大放送，一场不足80分钟的比赛，连续开了13张罚单，我都唔知系唔系破纪录，不过真系属于近年难得一见。另外，星期六先生RUS系第二场红牛环赛事，竟然为威廉斯车队带进久违了慨Q3排位中，实在令人鼓舞。虽然正赛一直都能保持在得分位置，但始终车辆比其他车队赛车弱，所以最后仍然未能取得任何分数。题外话，喺F1赛车完咗之后举行慨MotoGP赛事，再一次系3号弯，发生严重意外，虽然今次无人受伤，但真系都几恐怖。

之后我哋返到英国银石赛道，71周年以来历史上第一次短途冲刺排位赛，虽然就冇赛前预测只是一列20节F1赛车拉龙巡游咁沉闷，但老实说也只算收货程度，因为如果真系想纯粹完完全全对比技术，唔系应该用统一规格慨车辆比赛会仲好咩？不过可能都系我幻想太多，所以都系算啦。去到正式比赛慨时候，今年最大争议慨事件发生了，VER同HAM相撞，虽然赛后好多人觉得HAM应该对事件附上最大责任，但我个人始终觉得，两边都有错，唔应该话边一方需要附上全部责任。不过不过点都好，经历咗大约40圈之后，我哋见到HAM顺利爬过LEC并取得头位，顺利喺家乡夺得八年霸。亦都令到平治车队可以系积分龙虎榜上追番上嚟。

去到暑假前最后一站，匈牙利站。一场令人意外慨比赛。先讲排位，星期六先生RUS今年竟然第一次不能进入Q3；而去到Q3尾段，HAM做咗一个超级慢慨Out Lap，完全超过107% 规则，但是却不用受到任何调查。不过我个人也觉得是合理，因为虽然他以极慢的车速行驶，但是排在后面慨两架红牛一直都没有尝试爬头的动作，所以我觉得无需调查都系合理。去到正赛慨时候，我哋再一次见识到BOT在湿地下慨表演，今次更加引发保龄球，完全可以媲美上年义大利站咁混乱。红旗重新开始之后，HAM再次因为计错数所以由头起步变到最后一名再出嚟追，不过都系无他慨，始终平治车房系Pit Line入口，就算真系入去换軚都会变最后一个。一圈后入Pit换軚，之后又继续开始HAMMER TIME，一路去到最后以第三名冲线，之后更加因为VET赛车抽不到一公升燃油检验引致再上一层楼，成为亚军。不过我谂最开心应该恭喜威廉斯车队久违了的得分，而且更加系至2018年意大利站之后第一次两位车手同时得分。

回顾完比赛，大约讲吓三个新人慨表现。角田裕毅肯定系今年最佳新秀，但始终四年升三班实在有啲太快，其实可以睇得出渠有少少信心不足同水土不服，只系希望下半年可以有所改善，如果唔系出年想见到渠留底都唔系咁容易；另外两位新人就真系唔使讲，始终赛车研发落后，就算你系车神之仔或者真系有钱都好，架车无能力你都真系无可能麻雀变凤凰。

下半季赛事受到疫情影响，澳洲、加拿大、新加坡同日本站已经先后宣布取消，作为车迷，虽然系有啲遗憾但系都明白为咗车手安全系最重要。另外就系墨西哥同巴西比赛都应该好大机会会取消，只系希望今季赛事可以顺利完结已经满足。至于去到尾二站沙特阿拉伯站，希望可以比到我哋一啲精彩慨比拼，当然最后一站阿布扎比慨改动亦都希望可以令到沉闷慨比赛有啲新鲜感，如果唔系，我哋又可以睇到多一次一边睇阿布扎比日落一边睇F1赛车巡游慨比赛。

最后最后，多谢你睇到呢度，如果想讨论，欢迎大家一起留言讨论，之后亦都希望你可以喺下面拍5下手支持我继续创作慨原动力（土下座