狂想科幻应用系列（三）月球氦三开发之shuttle bus 计划

狂想科幻应用系列（三）月球氦三开发之shuttle bus 计划

听讲话月球氦三仲多过全个地球慨氘同氚。

呢个传闻实在令人几兴奋。你地知啦，而家人类系几咁唔环保几咁浪费能源架啦。虽然啊尊贵慨麦夫人好勤力巡视兼支持「人造太阳」慨研究，据讲话成功咗就等于零成本能源，但系⋯以而家人类对能源需求慨增长速度，好快D 氘同氚就会比贪婪慨人类好似食鬼怪咁狂食架啦，所以，月球上面慨氦三，就成为咗人类下一级慨新希望。

不过咁，要喺月球开采氦三运返地球就超超超级难。当然啦，如果净系攞氦三做月球基地慨能源就有咗「人造太阳」就得啦。运返地球点运喎？而家运个人上月球都唔系一般慨难！

有聊得很睇完火星任务就得到灵感啦⋯

啊高飞呀！连个名都咁贴切👍

原本套戏系咁的⋯

火星研究队研究中遇上沙尘暴要走人，点知漏低咗个男一喺火星，只火箭飞返地球到一半先发现男一未死仲喺火星走来走去⋯

点算呢！ ？ ！

返转头救男一又唔够燃料！

叫地球send 过只太空船去救又饿死男一都得啦！

好彩喺呢个时候有人提出plan C ！

太空系五维慨，除咗长濶高三维同时间之外，仲有引力势维度，成个太空处处引力势都唔同⋯点唔同法？可以翻翻「欧顿纪元」同「献给哈勃的退休礼物」有D 情节讲得详细D。

简单D 讲，地球同火星会比一层层花生形慨等势面（equipotential surface）包住，任何嘢只要有适当速度（动能同势能相同，个速度中六物理学生都识计架啦），就可以喺呢个等势面永动。

当时慨plan C 就系咁，将太空船慨动能提高，就可以将太空船返回地球慨轨迹提升上花生形等势面慨轨迹，喺太空船唔洗燃料之下飞返地球上空，再叫高飞射只补给火箭上去会合太空船，然之后太空船又喺唔洗燃料之下飞返去火星，由于太空船喺等势面上面系飞得好快慨，所以好快就飞返地球兜个圈返去火星，仲快过地球重新send 只火箭去几倍。再叫男一发动只后备火箭仔升空会合返太空船就救返男一啦。

呢个故仔似乎启发咗有聊得很谂出狂想科幻应用系列（三）月球氦三开发之shuttle bus 计划。

整只太空站喺地球同月球个花生形等势面上面永动（就好似而家D 人造卫星咁，只不过普通人造卫星系行圆形，而家要变成花生形，当然，可能需要少少能量适时调整轨迹，不过相信用慨能量唔多），再次次学戏中高飞咁send 只补给火箭由地球或月球上太空站（当然如果好似space 交叉咁可以回收仲正），返落黎就就咁掉返落黎用降落伞减速得架啦，好简单慨啫。咁⋯地球同月球慨人同货就可以好似坐shuttle bus 咁运黎运去啦。当然包括好似运原油咁运氦三返地球啦！正😹

作者：正在转化ing IQ 博士型中的有聊得很